Ralhrang Riantuan Pawl Hna Cu Chin Ralkap Hna Nih An Tleih Cang Hna

Ralhrang Riantuan Company Motor Lian 6 Chin Ralkap Nih An Chuh Hna.

A kan that cuahmah tu le kan thi a kan dawp cuahmah tu Min Aung Hlaing ralhrang kut tang ah Chinmi company rian a tuan tu Motor lian 6 cu Chin ralkap hna nih an tlaih an chuh hna i ramri an kalpi tiah theih a si.

Mahhi company ngeitu le rian a tuan tu a ho si timi an langhter lo. Zei bantuk comapny le zei bantuk rian a tuan tu a si timi an langhter lo.

Ralhrang nih uknak an lak caah ralhrang kuttang ah comaony ngeitu hna nih a ho hmanh ralhrang pekmi rian tuan lo ding in Chin ralkap hna nih ralrin peknak voi tampi an tuah cang.

A tu cu ralhrang nih tender auh mi a tuanmi company poh cu an thilri le an minung tlaih thluahmah an si ko cang lai. Ralhrang tender sawk zong a hau lo i tuan zong a hau lo. Kan ram chung ah ralhrang nih zei rian hmanh tuan kho hna hlah seh, rian chia zong, rian tha zong tuan kho hna hlah seh ti kha mipi kan duh mi a si.

 

Be the first to comment

Leave a Reply

Your email address will not be published.


*