Ralhrang umnak Centre Naypyidaw ah Ralhrang nih anmah nawl loin zei hmanh!

Ralhrang umnak Centre Naypyidaw ah Ralhrang nih anmah nawl loin zei hmanh!
=======
Naypyidaw pengchung in private sianginn 16 cu tukum cacawn kum ah SAC ralkap nih onnak nawl an pe hna lo tiah tualchung mi nih an chim. November 1 in SAC ralkap nih ramchung huap in sianginn dihlak onnak a tuah lio ah, cu private sianginn hna cu an rak onglo tiah theih a si.

Cu ruangah cu private sianginn hna cu tukum cacawn kum ah onnak nawl peklo in a phihnak hi a si tiah Naypyidaw um CDM cawlcanghnak tuahtu education department nih an chim. Naypyidaw SAC ralkap kuttang um fimcawnnak rianttuantu hna he ai neihniam mi media pakhat zong nih cu hlan kum ah sianginn onnak tuahlo mi sianginn hna cu onnak tuah a si lailo tinak kong cu a dikmi a si tiah fehternak he an chim.

SAC ralkap nih onnak nawl peklomi private sianginn hna cu results tha i mi tampi nih theihmi private sianginn an si. Ootarah Thiri(ဥတ်တရသီရိ) peng in CAE private high school, Zambue Thiri(ဇမ်ဗူသီရိ) peng in Mahar Pingngyia(မဟာပညာ), Tatkung peng in Taw-win, Laeway peng in minthang mi private sianginn hna telh in sianginn 16 an i tel tiah Naypyidaw media nih an thanh.

Hi kong he pehtlai in SAC ralkap lei nih thawng thanhnak an tuahmi a umrihlo i private sianginn lei zong nih thawng thanhnak an tuahmi cu a umrih lo.

Demosoe Peng Ni 2 Chung Kahdohnak Ah SAC Ralkap 7 An Thi, Karenni Ralkap 4 Hliam An Tuar. Karenni ramkulh, Demosoe peng, Dawngan-kha(ဒေါငံခါး) khua ah SAC ralkap le KRU phufonh kar May 23 le 24 nihnih chung kahdohnak ah SAC ralkap 7 an thi i Demosoe PDF 3 le KRU in 1 hliamhma a tuar tiah theih a si.

May 23, chunhnu suimilam 12:00 ah Demosoe peng Dawngan-kha(ဒေါငံခါး) khua ah umhmun khuarmi SAC ralkap hna cu KRU le Demosoe PDF nih a thli in an kahdoh hna i SAC ralkap 4 an thi hliamhma tuar zong an um. Kaphnihkar kahdohnak cu minutes 30 tluk hrawng an rau i Demosoe PDF in 3 hliamhma an tuar tiah KRU nih a thanh.

May 24, zinglei suimilam 9:00 hrawngah KRU, Demosoe PDF, Loikaw PDF phufonh nih Dawngan-kha khua ah bomb hmanh ding in a kalmi SAC ralkap hna cu an kah tthan hna i SAC ralkap 3 an thi KRU lei in mi pakhat hliamhma a tuar tiah theih a si.

Theinzayat Palik le SAC Ralkap Camp Kahdoh An Tong, Tat-kyat-gyi Pakhat A Thi. Mom ramkulh, Kyaithtu peng, Theinzayat(သိမ်ဇရပ်) um mi SAC ralkal no. 207 battalion camp le Theinzayat Myomah palik camp cu May 24 chunhnu suimilam 3:30 hrawngah tualchung hriamtlai phu nih an kah hna caah SAC ralkap tat-kyat-gyi pakhat a thi, 2 hliam an tuar tiah theih a si.

Sau deuhbkah dingah caan rem a um ko na in cu an chungkhar hna hnorsuan lai kan duhlo caah ralrin peknak lawngin kan tuah tiah PDF nih an chim. Cu kahdohnak cu KNLA, PDF le pah-kah-phah dohthlengtu phufonh nih an kahdoh hna tiah theih a si.

Htichait Peng Ah SAC ralkap Bomb Voi 2 Puahhnawh An Ton Caah 5 An Thi. Sagaing ramtthen, Htichait peng ,Tunglung(တုံလုံ​) khua ah rallam sial in a kirmi SAC ralkap hna cu voihnih tiang bomb kan puahhnawh hna tiah Eagles Army (HPDF) nih May 24 ah an thanh.

May 24, zinglei suimilam 11:30 ah Htichait peng Satpyae(ဆပ်ပြေး)khua in Tunglung(တုံလုံ) khua lei ah rallam sial in a kirmi SAC ralkap hna cu voihnih tiang bomb kan puahhnawh hna caahSAC ralkap lei 5 an thi i 2 fakngai in hliamhma an tuar tiah an thanhmi ah cun an langhter.

Cun May 22 ah khan Htichait peng Inndawng(အင်ဒေါင်း) khua lei ah rallam sialtu SAC ralkap hna cu kahdoh an ton caah minung 20 leng an rak thi.

Pakokko Peng Ni 2 Chung Kahdohnak Ah SAC Ralkap 17 An Thi. Magway ramtthen , Pakokko peng ,Myitchay( မြစ်ခြေ) hmunhma May 22 le 23 nihnih chung kahdohnak ah SAC ralkap 17 an thi tiah Myitchay( မြစ်ခြေ) – Kyunchawng(ကျွန်းချောင်း) tualchung hriamtlai phu nih an chim.

May 22, Tantgyi(တန့်ကြည့်) tlang nitlak lei ah rallam sialtu SAC ralkap hna cu zinglei suimilam 9:00 hrawngah a thli in kan kah hna tiah tualchung hriamtlai phufonh in chimphuannak nawl ngeitu G-3 nih a chim.

” Nihnih chung kahdohnak ah SAC ralkap 17 a si loah 18 hrawng cu a tlawmbik an thi , May 22 cu minung thazaang 70 hrawng nih ke in rallam an sialnak ah a thli in kahdoh an si. Hriamngan kahnak ruang ah 20 hrawng hliamhma an tuar tiah kan theih, kanmah mithmuh ah minung 2 an thi” tiah a chim.

May 23 chunhnu suimilam 1:00 hrawng Kangyi-suh(ကံကြီးစု) khua in SAC ralkap thazaang 13 nih citmi Light truck cu Myitchay(မြစ်ခြေ) – Kyunchawng(ကျွန်းချောင်း) lam hmunkhat ah bomb kan puahhnawh hna caah 5 an thi i hliamhma tuar an tam tiah theih a si.

Bomb puahhnawh in kahdoh an ton ruangah hliamhma tuarmi SAC ralkap hna cu May 24, zinglei ah an thi dih tiah phone in thawng an kan thanh tiah an chim. May 23, zaanlei suimilam 6:00 ah Tantgyi tlang pawng hrawng ah kahdohnak a chuah than caah private motor 2 in a kalmi SAC ralkap le pyusawhti phu hna cu kahdoh an tong. SAC ralkap lei 2 an thi, pyusawhti hruaitu pakhat hliamhma a tuar tiah theih a si.

Nihnih chung SAC ralkap he kahdohnak cu Myitchay – Kyunchawng tualchung hriamtkai phu le Saitphyu(ဆိပ်ဖြူ) thlanglei tualchung hriamtlai phu NSP phufonh nih an kahdoh hna i PDF lei in pakhat hliamhma a tuar tiah theih a si. Credit: The Chin Post

Be the first to comment

Leave a Reply

Your email address will not be published.


*