Ralhrang Unau Pawl Hriamnam Tamtuk He An Tlaih Hna Hih

Ralhrang he ai rem mi Shan hriamtlai RCSS hriam tampi he zeimawzat tlaih an si. Shan ram ah hriamtlai in a um ve mi RCSS hriamtlai phu cu an hriamnam zei maw zat he an tlaih hna tiah theih a si.

Shan ram chaklei ah hriamnam he a um ve mi RCSS hna cu Shan ram hriamtlai phu tthiamtthiam SSPP timi phu nih minung 1000 tluk he an kah hna caah an hriamnam tampi le phaisa tampi he an tlaih hna.

Rabawi San Khe hruaimi RCSS hi Min Aung Hlaing nih uknak a fir hnu in Shan ram chaklei ah a rak kai mi an si. Hi hna pawl hi an hrambawngh ding hi kan i tim lo, Shan ram thlanglei ah i tthial dingin kan ti ko hna, asinain Min Aung Hlaing he remnak ser in Pyi Thu Sit dirh an i timh caah kan kah hna nak hi a si tiah SSPP in chimnak nawl ngeitu nih a chim.

February 8-9 kahdohnak ah RCSS i an hriamnam vialte hna le phaisa le minung zong an tlaih hna le an chuh khawh hna hi a si.

Hi lio ahhin MAH ralhrang pawl nih RCSS lei ah ttang in vanlawng in SSPP pawl cu an kah bawmh hna tiah a chim chap. RCSS hi SSPP lawng siloin TNLA he zong ai kap lengmang mi an si.

Ref. Khit Thit Media

Credit: The Chin Media

Be the first to comment

Leave a Reply

Your email address will not be published.


*