Ralhrang Vanlong Lei Ralkap Pahnih CDM An Tuah Ve

Vanlawng ralkap Cap. Mohtung le ralkap Thiha cu CDM an tuah

The Chinland Post | 2022 March 3 – Ralhrang kuttang ah rianṭuan duh loin a nuar (CDM) mi vanlawng ralkap 100 leng an si cang tiah Pyituhpantai phu sin in theih a si.

February 22 ah Captain Mohtung, February 24 ah van khamnak ralkap in Thiha cu MA3 zuun 2 he mipi sin ah aa fon i a tu ahcun himnak hmun a phan cang tiah theih a si.

Mipi sin ah aa rak fonhmi Cap. Mohtung le Thiha hna cu a rauh hlan ah mipi he theihternak kan tuah lai tiah Pyituhpantai phu nih an chim.

Ralhrang nih mipi cungah vanlawng in bom a thlak lengmangmi hi celh a si lo tiah Cap. Ze Thu Aung, Cap. Mohtung, Sergeants pawl le vanlei ralkap 100 leng cu CDM tuah in mipi lei an ṭang cang.

Cubantuk ṭhiamṭhiam in, 2021 April ah CDM a tuahmi Sergeant. Naung Yo zong himnak hmun ah kuat a si cang tiah Khit Thit thawngzamh nih a ṭial.

Relnak: https://thechinlandpost.info/vanlawng-ralkap-cap-mohtung-le-ralkap-thiha-cu-cdm-an-tuah/

 

Be the first to comment

Leave a Reply

Your email address will not be published.


*