Ralkap training a tuahnak kong tampi a ka ruah

Ralkap training a har biknak zawn!
==========
Mirang ka hawipa ralkap training kum khat chung a tuahmi pa he caan sau lak te bia kan iruah. Ralkap training a tuahnak kong tampi a ka ruah. Meithal kah, phoih le bunh than, thilrit pipi he tlik, cun chuk le cho kaipi, hawhra le vor lakah zanah mah pumpak in nam le a dang hriamnam hmang loin thlam sakter in cu thlam chungah ihphah pante le puan a lum lo taktak mi he ihter tbk.

Cun nilin lakah thlanhripi he khuhmi tangah sml. zeimaw caan chung umter. Duh zong duh lo zongah zantim ah thawh in mah longin ram lakah duty rian va tuanter. Training dangdang tampi a um len rih. ”Hi bantukin har taktak in training ka tuah mi vialte lakah a har bikmi le ka celh lo bikmi cu nawlngeih tangah um khi asi” tiah a ka chim.

”Cunglei bawi pawl kut tangah um, mipi he um tikah mi sawhsawh bantukin um a ngah ti lo, kanmah nakin rengh sang deuh an rat tikah kut kha cal ah vun chiah in upatnak pek lengmang. Minute pakhat te tlai zong ngah lo tbk. pawl khi kei ka caah a harh bik pawl cu asi.

A fawinak in chim ahcun ralkap discipline tang um kha a har bikmi cu asi. Sihmanhsehlaw ralkap training ka tuahmi nih nun tampi a ka cawnpiak long siloin lungsaunak le inkhawh zong tampi a ka bomh i mah le mah izumhnak (self-confidence) zong tampi kaa chap rih” tiah a ka chim.

Chin mino nusal/pasal (CDF) vialte hna ram le miphun caah ralkap tuan dingin naa thawh ve. A nuammi le a fawimi lam kha naa thimmi asi lo. Hipa bantukin ralkap discipline hi na caah a har bikmi asi ve men lai. Ralkap tha si ding le, ram le miphun dirkamh khotu si ding cu a fawimi thil asi hrimhrim lo. Sihmanhsehlaw nihin na thabatnak le na temtuarnak cu a lak asi bal lai lo.

Atu Lio Min Aung HLaing Dirhmun Hi Asir Lei in Akal I, Furpi Ah Cun A bawk Bu-in Akal Teh Lai! KNU/KNLA (Tat maha-2) Tactical-2 nih Min Aung Hlang ralhrang hna sinah thawng an thanh mi cu; may thla 8 hlan ah kan umnak hmunhma ah nan SAKHAN ‘Camp’ chuah tak uh, ‘tiah thawng an thanh hna. Rampi ralkap asi ko mi ramtang hriamtlai bu nih nan SAKHAN chuah tak uh, ti khi ralmit in kan zoh ahcun rampi ralkap an santlai lo ning kha alang ngai pinah an limhang zong a zor ngaingai.

Kan hnulei ahkhan KNU/KNLA ‘tactical- 5 nih atubantuk hin kan hmunhma ah a ummi nan SAKHAN hi chuah tak u, tiah MAH ralhrang pawl thawng an thanh hna i,’ ri’ an khiah piak mi hna chungah HAH ralhrang nih an SAKHAN an chuah tak lo caah KNLA nih an kah hna i, ralhrang SAKHAN zeimawzat an lak pin ah tam ngai an thah hna. Ralhrang ralbawi le ralkap tam ngai zong an tlaih hna. Mah hnu ahhin ralhrang pawl hi KNU/KNLA tactical 5 le 6 hmunhma ahcun ‘pawpi’ pawngah Uico a kal ngam lo bantuk in lengah an chuak ngam tilo. Sakhan an um mi hmanh khi tlankhur tlangah kan dir tiin an iruah cang.

Afiang mi cu; a rauhlan ah KNLA tactical-2 hmunhma ah hin raltuk nak afak teh lai. Ralhrang pawl hi ralkap thazaang an iphazo lo caah. ralbawmhtu an pek khawh hna lai lo i, KNU/KNLA nihhin vate bu hlom in an hlom than teh hna lai, ti hi zumh cio asi. KNU/ KNLA nih kan hmunhma in chuak u an ti ngam mi khi, ral bawmhtu an nei tilo ti khi fiangtuk in an theih lawng siloin, ralhrang hna an lungthin a der tuk cang ti kha fiangtukin an theih caah, Nan hmunhma hi nan ven khawh tung lailo caah, daite in hnu ah kir ko uh, an ti duhnak hna khi asi. Hi nihhin ralhrang pawl an tla tuk cang ti kha alanghter ngaingai.

Nizan tih ni ahkhan NUG le AA an ichawnh. Hi chawnhpiak nak hi atlam atling lai ti hi zumh cio asi. Hi chawnhbiak nak hi atlamatling i. AA nih raltuknak buantual ah alut ahcun MAH hi ralhmun kaupi ser ahau lai caah, Vom nih a hliam i Pawpi nih a seh chih timi dirhmun aphak teh lai, AA nih ral atuk ve a si ahcun CNA le CDF caah cun an raltuk mi hnarcheu an chong hna titluk khi asi. Aruangcu; Matupi le Mindat ah athu mi ralkap cheukhat hna khi, Arakan ram in arak thlahmi hna an si. Cucaah AA nih ral atuk ve asi cun Arakan ram in ralkap thlah ding a nei lailo caah kan thilrit kha a zaang deuh ngai teh lai.

Raltuk caan hi thal can hi atha bik, aruangcu ke in siseh, motaw ‘car’ in siseh thal can hi umkal afawi bik. Ka chimhduh mi cu thal lio hmanah mah thlukin asungh ahcun furpi chinchin ahcun atunak alet in asungh teh lai, ‘ti hi afiang ngai. Cucaah atu thal lio hman ah a sir leiin akal asi ahcun furpi ahcun abawk bu in akal teh lai. Van Neih Thang

Be the first to comment

Leave a Reply

Your email address will not be published.


*