Ralram ah a um mi, Chin Ralkap ka tu pa le Kan Fapa he phone kan i chawnh!

Minung Hi Kawl pathian Bang Biak Khawh Sisehlaw, CNA CDF Hi Ka Biak Hna Lai!
========
Ralram ah a um mi, Chin Ralkap ka tu pa le Kan Fapa he phone kan i chawnh. Tampi bia an ka ruah mi ah tlawmpal te hrawm kan duh hna. Uico Ming Aung Hlaing le Kawl Rallokap Vanral in nan him maw ka ti hna. Kannih cu Pathian le Kan pu le thawng in kan him ko, Cazin a bau mi kan um, Pathian nih an kan pek mi tiram le amah PATHIAN thawngin kan him ko an ka ti.

An peh rih mi cu: Kannih cu nunnak le thisen pek cia in CHINLAND le CHIN MIPHUN Caah Ralhrang vialte cihmih awk ah aa thawh mi kan si. Thihcia in kan i hmuh, cucu CHINLAND caah kan tuah khawh mi, a sunlawi bik mi asi an ka ti. Zeidah nan harsat bik mi le nan ngaichiat bik mi tiah kaa hal sual hna. Hriamnam tlaih awk kan i zaa lo, kuan kan i za lo, Hriam ṭhaṭha in Ralhrang Rallokap kap/ kah ve kan duh tuk hrinhran.

Vanlawng kahnak zong in kah kan duh hrinhran hna, Meithal ṭha mi le Vanlawng kahnak tal cu ngeih ve usih law (duh chung semrel loin hman awk um seh law), cu bu in Ram le miphun caah nunnak pek cu kan ṭih hrim lo, meithal ṭha tlaih ballo, kuan semrel zungzal in le vanlawng kahnak in khuachia Satan fa le Rallokap kah/ kap ve lo in thih lai cu kan duh bak lo an ka ti.

kan ngaihchiat maw a turu deuh hnga, ka lungfak dah, A cutluk ka ningzak dah ngai, ka celh bak lo te aw, upa he biaruah ko khi kan lawh hna. Joker in an ka kah ko, aw kei santlai lo pa hi vawlei ah ziah ka rak i sem ve hnga, miphun le ram caah hnawmtinphur men pei ka si ko hi tiah, kan santlaih lonak relcawklo kaa hmuh cawlh.

Ziah NUG nih an ti mi Vanlawng kahnak a mak ngai mi cu tah? CNF CDF cu NUG minung hmasat mi le a um chun te pei nan si cu ka ti hna tikah, ai kan sin ah a phan rih rua lo, kan pu le nih an kan chimh ballo an ka ti, aw cutin maw asi ti vial lawng, mitthli a haa le lungkuai a zual caah ka hal ngam ti hna lo.

Kan fale nih an ka ti rih mi cu: Kapa, NUG ee Dr te ee tiah sualphawt ding silo, Vanlawng kah nak siseh, Meithal ṭhaṭha siseh, pek an kan duh tuk ko lai pei tiah, an ti khawh lo mi asi I si lai, annih cu sual kan phawt hna lo, CHIN Mirum pawl cung belte ah an cung ah, kan lungfak bak ko an ka ti.

Aa ziah cu bang bialehnak le biahalnak cu dah ngai phundang ngai ee tiah ka Ar ko. An peh rih mi cu: CHIN Mirum hna hi, USD or MMK in, Millionaire an tampi ko, Yak 130 le MiG-29 a kah thlak khawh tu Vanlawng kahnak a cawk khawh tu an tam ngai ti hi kan hngalh ko hna, Nain an kan cawk piak duh lo. Ralhrang kan tei tiang in kan nung ve lo sual ahcun, Nangmah nih bia rak kan chimh piak te, kapa an ka ti.

Zeibiadah kan chimh piak hna lai ka fale ka ti hna tikah, Dohthlennak caah thawh a duh lomi a khir tuk mi CHIN Millionaires hna kha an min rak chinchiah hna uhlaw, Dantat te hna uh, an ngeihchia chawva rak chut dih te hna uh, Chinland a par ve te tikah covo savo maw rak pek cikcek hna lai ucih, cuvial siseh, hi hnu kan in chawnh ṭhan te lai, Mangṭha kapa an ka ti le thlavaikian le sivang in, khuasa ruat in an kan tuah ko. Khua ka tuak lengmang I Tutiang kan sin ah a phichuak le lam a um rih lo. Credit: Saya H. Rung Kaw