Ralzaam Caah Rs Sing 380 Hman A Si Cang Tiah Mizoram Home Minister Nih Chim.

Ralzaam Caah Rs Sing 380 Hman A Si Cang Tiah Mizoram Home Minister Nih Chim

Mizoram chung ah ai dormi ralzaam bawmhchanhnak caah Mizoram cozah nih Rs sing 380 hman a si cang tiah Home Minister Pu Lalchamliana nih a chim. 2022 Vaute 12 hlutdaw tonpumhnak biahalnak ah a tu bantukin a chim hi a si.

Ralzaam caah hmanmi Rs sing 380 cu Mizoram pengkip ah a ummi Deputy Commissioner (DC) ah pek a si, hi tangka in ralzaam riahbuk ser a si, mei ngah kho tiang in tuahpiak an si, kahcham, ihnak, sii-ai, eidin, tangka in bawmhchanh an si ” tiah a chim.

Mizoram phan ralzaam hna cu cozah nih tuahpiakmi ralzaam riahbuk le khuami nih tuahpiak mi ralzaam riahbuk hna le sahlawh rualchan inn, innhlan in um le thutdir a si.

Mizoram cozah cazin 12 Nohawng 2022 tiang ah Mizoram chungah ralzaam 24289 an um i, cazin ah aa tel lo mi ralzaam zong an um, atulio ah Mizoram ramkulh chungah ralzaam minung 30000 leng an um kho tiah ruahdamh a si.

Credit: The Lairam Times

Be the first to comment

Leave a Reply

Your email address will not be published.


*