Ramthlo in nunnak Kan pek, taksa kutke Kan pek, inn lo zei maw zat Kan pek!

Ramthlo bakah ni zeizah remruam dah an ii kah ii an ṭhut an dir!
=========
Statement nan chuah ruangah Kan miak nak cu a um ruam lo naten, ruah ding thil cu atam ngai. Ramthlo bakah ni zeizah remruam dah an ii kah ii an ṭhut an dir.

Ramthlo in nunnak Kan pek, taksa kutke Kan pek, inn lo zei maw zat Kan pek. mahhi nan mit nih ahmuh ih nan hna zong nih atheih viar ko.

Tutan kahdohnak zongah ramlak Kan tlik Kan zam le Kan inn Kan lo arawh ko Bu ah, Kan nau le caah thaithawh zaan riah Kan timh mihi To khatah tingthum tingli Kan dih, athok in atutiang ahhin atlawm hrim tilo. Kan ram cahcun tiin kan tha atho ngai ko.

Hihnu lam tucu ruat pah ve ahau lai. Ca ṭial tunih hin thawngvang hna hlatpah uhlaw atha lai. silo ah nan tial cia tal hi tamdeuh in rel ta uhlaw, adik deuh in statement hi chuah kho ah atha lai. Credit: Zinghmuh Pu

Cathanh Hi, Ramthlo khua chung ah i tukdohnak a um nain Ramthlo khua min an t’ial duh lo. (CNF cathanh) CNF le CNO cathanh pahnih zoh tikah kahnak ai khat, kahmi ai khat nain mithi cazin ai khat lo. Pakhat ah 60, pakhat ah 40 ti a si. Mah bantuk tete nih mizapi lungthin tampi a derter te lai a fiang ko.

Chin National Front Nih Kahdohnak Cathanh An Chuah. Chin ramkulh chungah July 6 -16 tiang kahdohnak cu July 19 ah Chin National Front(CNF) nih cathanh an chuah. An cathanh chungah SAC ralkap le CNA, CDF-Matupi le CDF-Zotung hna cu July 7 ah Amlaik khua ah kan i kap i, SAC ralkap 2 nak tlawm lo an thi 6 hliamhma an tuar.

July 6 ah SAC ralkap le CDF-Matupi kahdohnak voi hnih a chuak i, SAC ralkap 5 an th, tiah an langhter. July 13 ah Hakha pengkomh palik camp le Hakha khua chung, SAC ralkap gate pawng ah CNA le ṭangṭi phu nih kan kahdoh hna i, ralkap tam ngai an thi kho.

July 8-16 tiang Falam le Hakha karah ah SAC ralkap 200 hrawng, motor 27 cu CNA le ṭangṭi phu a simi CDF-Hakha, CDF-Thantlang, CJDC le CNDF hna i bawm in kan kah hna caah ralkap a tlawm bik 60 an thi i, a tlawmbik 17 hliamhma an pu, miphun hriamtlai lei in ralkap 2 nih an nunnak an pek ve, tiah an langhter.

SAC ralkap nih Valung khuami pakhat cu zohchia tuk in an thah pinah Ṭaal khua inn 29, Tlangzar khua inn 6 le Chuncung khua inn 15 an khangh, tiah CNF nih cathanh an chuah.

CNF LE CNDF CATHANH; Lai ramkulh ah ralhrang motor 30 hrawng le thazaang 200 leng cu 30 Pur 2022 ah Kalay in an rak kai i Falam peng, Tuphe khua ah thazaang 50 hrawng nih riahbuk an chiah, khuachung inn zuat sațil arva, cinthlak tisik-anhnah hna cu an fir piak hna.

Cun ralhrang nih Falam peng, Valung khua ah kum 63 mi mitlamtling lo nu pakhat le 2 Chiapa ah Hlanzawl khuami mitlamtling lo pa pakhat an thah hna. Falam lei hoih in a thawhmi ralhrang motor cu 4-5-7 Chiapa ah CNDF nih an kah hna i, voithum kahdohnak ah ralhrang a tlawmbik 5 an thi hliammi zong an tam caah hliammi zat fianghlang in theih a si lo. CNDF lei in minung pakhat (thinphan awk si lo) hliam a țuar.

7 Chiapa ah Falam in Hakha lei ah a thawhmi ralhrang motor 27 le thazaang 200 hrawng cu Falam-Hakha lamcung mengtung (10)(13)(24) ah CNDF telh in CNA, CDF Thantlang, CDF Hakha le CJDF Special ralkap nih 8 – 11 Chiapa nili chung kahdohnak ah ralhrang 40 hrawng an thi i hliammi zong an tam, CJDC Special ralkap nih 16 Chiapa tiang pehzulh in an kah hna.

Kahdohnak ah CJDC chungtel pakhat nih miphun le ram caah a nunnak a pek i, minung 14 hliam an tuar tiah Chin National Organization nih cathanh an chuah. CNF nih cun 8-16 Chiapa ah ralhrang le CNA, CJDC (Special Force) CDF Thantlang, CDF Hakha, CNDF fonh hna he kahdohnak voi 8 a chuak i ralhrang 60 nak tlawmlo an thi 17 hrawng nih hliam an tuar. CJDC ralkap in minung 2 nih miphun le ram caah an nunnak an pek tiah Chin National Fornt nih cathanh an chuah. Credit: The Chin Post, The Lairam Times

Be the first to comment

Leave a Reply

Your email address will not be published.


*