Rel Nuam Tuk MINUNG PHUNTHU

MINUNG PHUNTHU

Salai Za Cung Hnin

RIAN

Mihrut cu tangka ca bak lawng ah rian an tuan. A dang cu zeihmanh ah an rel lo caah an ngahmi cu tangka lawng a si. Miza cu thancho nakding ah rian an tuan. Cucaah tangka le hlawhtlinnak phunhnih kha an ngah. Mifim cu thatnak tuah nakdingca le pekthenhnak ding ah rian an tuan. Cucaah hlawhtlinnak, chawva le hawikom an ngah. An nun aa nuammi zong an si.

NUNCAN ZIAZA

Mihrut cu zei kong paoh ah midang cung i nawl va neih kha an i zuam tuk caah anmah thanchonak caah caan an nei tilo. Mi za cu thil zeipaoh hi anmah te’n cawn le thiam zuam duhnak thinlung an nei. Cucaah a zeipaoh an cawng kho lo. Mifim cu anmah le anmah kha a tha bik tiah zeitikhmanh ah an i ruat lo. An si khawhnak a tha bik in tuah aa timmi tu an si deuh.

MIPHUN DAWTNAK

Mihrut cu an ram le an miphun kha nautat i ram dang le miphun dang kha an tihzah hna. Cuti a si ruang ah midang sala rak si ziar kha a rak hngal lo. Miza cu a ram le a miphun kha a zohcho i ramdang le miphun dang kha a zohchuk. Cuti a um ruang ah amah nakin a thawng deuh mi ral a rak ser kha a hngal lo. Mifim curam vialte le miphun dihlak i an thatnak kha ațihzah hna. thatnak lam kha a kawl i midang va namneh le va tukthah kha a hmang lo.

BIACHIM

Mihrut cu bia al an uar. Annih cu fimnak kawl loin buainak le dodalnak lawng a chuahpitu an si. Miza cu bia i hal khian uar. I pehtlaihnak tha kha an ser i fimnak an kawl. Mifim cu dai tein a um. Thuk piin khua a ruat. A herhmi le aa tlakmi konglawng a chim.

SOISELNAK

Mihrut cu mi soisel ah an hlawp a tlo nain hawikom tha taktak an nei lo. Miza cu anmah le anmah tu kha an i soisel tikah midang nih an theithiam tawn hna lo i anmah lawng a ummi an si tawn. Mifim cu ahohmanh an soisel hna lo. Annih cu a thabik, a za bik dirhmun phanh dingah an i zuam ithanchonak dingah thlen aa zuammi an si. Soiselnak kha an hrial khawh ihawikom tha zong an nei.

SUALPHAWTN

Mihrut cu midang lawng kha sual an phawt peng hna i, daiziar in a ummi ral pawl le thawng neilomi harsatnak kha ancanter. Miza cu anmah le anmah lawng sual an i phawt caah zawnruahmi cu an si nain lunghrinhnak zong an tong. Mifim cu ahohmanh sual an phaw hna lo. Mi zeihmanh nih palhnak hi an duhmi a si lo nain theihhngalhnak chambau ruang, thim dingmirikhiah a si ruang tbk. ah an palh hi a si ti kha an i fiang. Mifim nih cun an hawikom vialte ţhanchonak dingah thazaang an pekhna.

Mihrut cu nunnak nih hmai a fon lio ah thlenremh khawh lomi a luancia kha an hlam than tawn. Cucaah atulio caan lea ra laimi caan an sung theu. Miza cu atulio caan ah a sĩ kho tak lomi hmailei caan ah mang an man tawn. Cu tikah atulio caan ahlungsi loin an um i an sung theu. Mifim cu atulio caan bak ah an nung. A luancia caan, atulio caan le a ra laimi caan he pehtlaihnakan nei. Cucaah an nun cu tbawnnak le hlawhtlinnak lei a panh.

THILTHUAM LE HRUKAIH

Mihrut cu thilthuam le hrukaih in chan dawi an i zuam. A thar lawng kha an kawl peng i an nunnak ah daihnak lehnangamnak a um lo.

Miza cu thil serchuah thiam (creativity) kha an duh. Midang lonh in kar khat tal hmai fon an i zuam. Cutia si caah i lungsak khawh lonak nun ah an i zi. Mifim caah cun chan tiluan an dawinak ah thilthuam hrukaih kha biapi a si lo.Umtu ning a tu le a tu in an i thleng bal lo. An neihmi an sunlawih i nunnak ah sullam nei tein a ummi an si.

SI KHAWHNAK

Mihrut cu an duhmi vialte kha a si kho lai lo tiah an ruah i cu an duhmi tlamtlinh khawh nakding ah teirialnak nun an neilo i an nun a vaivuan. Miza cu an duhmi paoh kha a si kho tiah an ruah i rikhiah a nei lomi

khuaruahnaknak ah an pil i an nunnakah temtuarnak tampi an tong. Mifim nih cun an duhnak cheukhat kha a si kho i acheu cu tuah awk ah aa tlak lo tiah an i fiang.

A tak ah a cang kho ding duhnak hmanh ah a cheu cu tuah a phu i a cheu cu tuah a phu lo ti kha i fiannak an nei. Annih cu a tak i acangkho pin ah tuah awktlak a simi lawng an i hmaithlak. An nunnak ah hlawhtlinnak zong an hmu.

MITHA LE MITHA

Mihrut nih mitha kha misual ah a ruah. Misual tu kha mitha ah a ruah. Cutin harnak an chuahpi. Miza nih cu mitha khaa tha tiah an ruah i mithalo zong kha a thalo tiah a pom. Cutin theihthiamnak a umter. Mifim cu midang kha an tha, an tha lo tiah biaceih a hmang lo. A hlorh hna lo pin ah sual zong a phaw hlei hna lo. Cutin mikip thinlung kha dirhmun sang deuh pakhat aha thanchote

The Lairam VOL 1 ISSUE 3r.LO

 

 

Be the first to comment

Leave a Reply

Your email address will not be published.


*