Rev.Dr Ral Buai Zawtnak Update: Kan Umnak Cio In Thlacamnak He Bawm Hna Uh Sih

“Rev.Dr Ral Buai Zawtnak Update ”

Rev.Dr Ral Buai Zohkhenhtu Dr. Wutt nih a chimh mi cu, biopsy result chung ah apawpi chung in an hmuh mi cancer nak in Colon (အူမကြီး) ah an hmuh mi cancer hi a zual deuh i hlai (operation) tuah zawk a hau ko a ti ca ah Nihin February 15,2022 (11:00 am ) ah operation tuah ding hnatlak pi a si cang.

Khrih ah Zumtu le Dawtu nan dih lak kan Pu Buai ca ah thlacampiak cio hna u sih.

Laknak: Lian Iap

Relchap: Cancer zawt nak hi tu kan chan ah t့ih a nung ngai bak mi zawt nak a si cu kan zaa te nih kan hngalh.Caan sau zong in an nun lo cu kan theih.Cancer zawt nak a ngei ti kan theih hna bak ah cun mithi bantuk in kan ruah hna i kan hmuh cang hna .A sinain fimthiam nak a sang chin i cancer zong hi cu tluk in t့ih awk a um lem ti lo.Tuantein cancer zawt nak ka ngei ti i theih ah cun tam deuh cu dam a si cang ko.

Tutan zong ah hin philippians ram nungak nu Joy Arcilla timi nu te cu a panh zungzal mi te a si i ca a chim tu an sayamah te zong nih an dawt i a fim ngai mi nu te a si. Kum 16 a si ah a kut cung ah a bo mi fa te a um cucu zei ah an rel lem lo fikfa seh nak hma i a bo mi bantuk ah an ruah ko.A sinain cu cu dam deuh a ngei lo a t့hang chin len ko.A nu le cu lung tha lo ngai in an um.

Cuticun hospital ah an va piah i thawng an chimh mi hna cu ngeihchia ngai ngai a hung si.Cu a bo mi te cu Ewings Sarcoma tiah auh mi zawt nak phunkhat a rak si.Cucu cancer phunkhat a si i ruh ah a um mi rungrul cancer a si.Damh awk ah le thlop awk ah a har tak tak mi zawt nak phunkhat a si.

Cancer ka ngei ti a hun i theih kaa cu ngeihchia ngai in a um ve ko a si nain zeitin thazang thar ka hmuh than lai tiin a hlan bantuk nuam te um khawh kha a hun i zuam than. Cu a cancer cu sii a din mi nih a damh khawh ti lo caah operation tuah a hau tiin siibawi le nih an hun chimh hna.

Joy cu kha bantuk thawngchia a theih ko nain lung rawk in a um duh lo panh khawh aa zuam chih.Operation an hun tuah ah cun  a kut tan a hau tiin an hun ti than hna.Cu lawng lawng ah na pum chung ah rungrul(cell)a lut lai lo an ti i cuti te cun a kut cu an tan. Tutan zong ah hman te a hun i thla i zeitik hmanh ah nan lungdong hlah uh ti te in thazang a pek hna.

Credit: Hakha Times

Be the first to comment

Leave a Reply

Your email address will not be published.


*