Rihkhawdar Khua Mi An Zaam Kar Ah Can Tha La In Khuachung Inn A Baohtu An Tlaih!

Chin ramkulh, Falam peng Rihkhawdar, Block-2 sang mi mizapi dihlak India ram i an zaam kar ah khuachung inn a baoh i thil a firtu Salai Thian Nun Mang cu Chin National Defence Force(CNDF) nih March 10 ah an tlaih. Hi pa hi Rihkhawdar khua pawng Lianhna khuahlun mi a si i, a hawipa Salai Lal Ṭha Zual he inn an baoh hnu ah ar an thah i innchung ah zuu he an i meh, tiah theih a si.

“Khuachung i minung kan um lo cu caan ṭha ah i laak in innhnih an baoh, Thlalang awng an on i an lut. Ar an thah i an ei hna, Innchung thilri an hrawh hna, Kan ar a tlau a ti mi an tam ko,” tiah khua mi pakhat nih a chim. Salai Thian Nun Mang cu CNDF nih an tlaih i an hren. A hawipa Salai Lal Tha Zual tu cu Mizoram ah a zaam i an tlai kho rih lo, tiah theih a si.

Credit: The Chin Post

Be the first to comment

Leave a Reply

Your email address will not be published.


*