Rihkhuadar Um Ralhrang Riahbuk Kah A Si, Ralhrang Bawi Telh In 3 An Thi..

Rihkhuadar Um Ralhrang Riahbuk Kah A Si, Ralhrang Bawi Telh In 3 An Thi

Chin ramkulh Falam peng Mizoram-Chin ramri Rihkhuadar no(2) veng ah a ummi ralhrang riahbuk cu 12 Vaute 2022 ah kahdoh an si i ralhrang bawi telh in 3 an thi tiah theih a si.

Kanmah lei nih an umnak hmun kan theih caah hriamnan le hriamhme he kan kah hna, ralbawi tel ai tel tiah kan theih zei bantuk rank a si bal fehter khawh a si rih lo ” tiah CNDF in chimnak nawlngeitu nih a chim.

Zinglei suimilam 6:00am hrawng ah ai thawk i suimilam pakhat leng kahdohnak ah ralhrang he hriamngan le hriamhme he i kahdoh a si ko nain hriamtuar um lo in hnu kan tolh kho tiah a chim chap.

Hi riahbuk cu 1 Vaute 2022 ah Khah-Lah-Yiah 268 Battalion in minung 30 hrawng nih hmunkhuarnak riahbuk a si.

7 Vaute 2022 zaanlei suimilam 3:00pm ah ralhrang riahbuk cu kahdoh an si i ralhrang 2 an thi tiah CNDF nih an rak thanh cang.

ahdohnak a chuah tawn caah Rihkhuadar le Khuamual in, inn 1000 leng, minung in 5000 hrawng Mizoram ramkulh, Zokhuathar le a kiangkap khua ah an i dor hna.