Ruah phu taktak a si. 1 million cu chim lo 1/2 million hmanh a tling lomi miphun kan zaam lengmang ahcun

Ruah phu taktak a si. 1 million cu chim lo 1/2 million hmanh a tling lomi miphun kan zaam lengmang ahcun
==========
Kawlram ah milu ting 500 (50 millions) renglo kan um. Hi chung ah ting 10 Chinmi Kan tling lo. Ting 490 nak tam khi miphun dang an si i khi chung ah ting 400 nak tam khi Kawl an si. Dothlennak ruangah kan sunghmi a tam tuk cang. Kan ram le kan vawlei hna kan sungh chap ding cu sian a um lo.

Thantlang CDF pakhat nih a FB ah “Kan ram hi Kan zaamtaak dih lai ti ka phẳng,” tiah a rak ttialmi te ka thluak ah a taap in ai taap. Kan dohthlennak kong ka ruah paoh ah lung ah a chuak.
MAL tei le tei lo tluk in keimah phan in ka phan cemmi cu Chinmi nih kan ram kan chuahtaak dih taktak lai khi a si. Kan tlawm ruang ah thlachiat ding a si lo. Kan tei lai lo tinak si loin lung i rual le dirhmun fek ngeih khawh a hau ka ti. Cucu a Kan hruaitu hna nih zeimawzat cu an tuah khawh mi ah ka ruah. A biapi bik cu i funtom hi a si ko.

Ramleng i a ummi nih hi bia hi chim ngam ding a si lo nain ka ruah pengmi a si caah ka van ttial bia. Kuli ttuan chan ah a rak chuakmi Kan si tiin Kai hnem. Saduhthah hei chim ko ahcun 2023 dih lei tal ahcun Kan dohthlennak hi a dai lei panh kho usih law a ttha tuk hnga. Kan dohthlennak hi ralring te in kan kalpi lo ahcun kan ram in Chinmi kan rehnak tu ah a cang sual lai ti hi Keimah phan in kan phang tawn ve.

Ruah phu taktak a si. 1 million cu chim lo 1/2 million hmanh a tling lomi miphun kan zaam lengmang ahcun. A zaammi ah kaa tel ve i kaa phuhrung tuk ve! Kan pale an thiam ngai a hau ko lai hih.
Raltuknak theng ah si loin kan ralkap hi tthawnter ko i MAH he bia aa ruah khomi thil sining hoih in kan ram a himnak caah a cawlcang thiammi si kan herh ngaingai ko rua. Ram kip um Chinmi vialte Chimram ah kir tthannak ding lam tiang khua a khang khomi si kan herh deuh te men ko lai.

Kum 70 leng aa ser cangmi ralkap teinak ding hi cu a fawimi thil cu a si lo, thachiatnak ah ka țialmi cu a si lo. Tei theng si loin kan ram caah kan sining le kan thazaang hoih in cawlcangh thiam a hau deuh rua. Kan i funtom khawh ahcun teinak zeimawzat hmuh ti khawh a si ka ti. Na chim bằng i Kah tuk hau loin um khawh nak ding ah i funtom a hau. I funtom nak ding ah sizungzi (Kawl) tu hmai i thlak a biapi ka ti.

Lungfim deuh in cawlcangh zia thiam cu kan hau! Zaangva sakuh lal phun in lal ahcun a fawi lo! Thantlang khua temtuarnak in lungfim deuh in cawlcangh kan hauhnak a lang ko le mu! I ralrin ti tikah I kah lawng si loin mipi he pehtlaihnak zong fehter le tthawn ter a biapi tuk ka ti. Min Aung Hlaing nak in mah hi ka tih deuh mi si, ram dang chuah hlah uh ti le kan mah le kan chuak fawn i chim ngam si lo i si ko.

Kan riantuannak kipah siseh, khoi kan kalnak paohah “Chinmi” kan si kan ticun an kan thei bak lo. Myanmar minung kan i ti zungzal hau. Asinain, an theih le theih lo nakin Chinmi ka si ti kha abiapi deuh zungzal i ka hman peng tho. Curualrualin, atu na ṭialmi ca hi zeitindah kan i ralrin lai tile zeitin kan um, ṭhutdir ah athat lai tikha kan thei fawn lo le ahar tuk! Acheu ca cun na ca nihhin lungzur/lungzornak zong achuahpi len fawn lai.

A tu lio cu Malaysia ah Laimi phan thar an tamtuk Le Nupi Thit puai Zong nichiar a um ti awk khan si an ti. Mizoram ahhin thong tamtuk kan Zam than tikah kan lairam cu a king ngai ko lai. A poi tak ti Hlei chim ding a um ti lo. Ramleng ummi hi Kan si cem tak ko. A chel ahcun ramchung lei in faak deuh in rak Kan ti ulaw Kan lung a fim deuh men hnga ka ti. Dothlennak ruangah kan sunghmi a tam tuk cang. Kan ram le kan vawlei hna kan sungh chap ding cu sian a um lo.

A zaam cang mi le a kal cang mi cu zei ti awk kan tha ti lo i, ram chung um mi tu hi zaam ti lo i zuam i sih law ram leng um mi zong nih kan si khawh tawk le kan tuah khawh tawk te i zuam cio ah cun a tlam tling deuh ko hnga. kan lung kil bia hi chim awk tam pi aum ko na in athei thiam lomi an um sual lai caah kan chim ngam lo nak asi ko.

Na ruah mi hi lai leii um u pa nih kan phan bik mi asi caah zam lo te in kan um i asi khoh chung in kan khua le kan ram kan hlumh. nak asi. abik in ha kha khua hli pi ah kan i dor.ziah nan zam bal lo akan ti tu hi ramleng um fa nau lawng te an si. kah doh nak achuah hlan in an fial hna i atu tiang an fial ko rih hna.

Kan ram le kan khua kan chuah tak ah cun kan khua hi miphundang nih an kan rolh sual la tiah kan phan caah zam lo te in kan um.upa khua khang tu nih khua chung ahim nak hnga fim khur te in an cawl cang pengko ti hi kan theih ahau. kan um le kan umko caah ram leng mi nung hi akan cawm tu nan si caah mawh kan in thlu ngam hna lo. zam hi rak forh tihna hlah u law a tha ko hnga. Credit: Mang Hram Kung

Be the first to comment

Leave a Reply

Your email address will not be published.


*