Run Pen Sakhong: Pu Khar, Lungthawng tein kan Mipi le khuatlang rak dirkhamh rih ko uh!

Run Pen Sakhong: Pu Khar, Lungthawng tein kan Mipi le khuatlang rak dirkhamh rih ko uh!
===========
Pu Khar! Sa le ralhrang lak ahmun um mi nan ton mi le tuar mi aharnak le afaknak cu nan mah nih nan theih bik ko.
Lungthawng tein kan Mipi le khuatlang rak dirkhamh rih ko uh.

Teinak caah khuaza ramkip in nan unau hna rian an tuan ko, thla an cam ko, nan tha rak chia hrimhrim hlah uh.
Teinak pekhotu athawngbik Sertu Pathian dawt mi Miphun kan si. Ralhrang hna cu kan tei hrimhrim lai. Hi ralhrang hna cu power duh ah Mi nunnak zei an rel loh. An kan hrawh dih.

Inn le lo, khuatlang Mipi nunnak zei an rel lo. Lih le dinfel lo tuk in an kan nem nek. Zumh an hartuk. Lungsau tein, lungthawng tein kan i dirkhamh hna lai. Kan tei hrimhrim lai.

Hi tluk i a kan that dih tu le kan in kan lo a khang dih tu he hna nan vai ton ko mi cu kan lung a fak tuk ko ee. Bia in chim khawh si loh. Vawlei cung ram kip sin ah Thantlang khu mi kan thah hna an inn vial te biak inn vial kan duah dih ko na in kan mah cozah he rian kan tuan ti tthiam ko ti mi tehte ah an in hman hna mi cu lungfak tuk. Miphun caah zumhawk tlak lo nun ziaza si Dalan nan si.

Khar Te, Na van fian ter le a tha tuk. A mah bel te zei tik hmanh ah mah hna he Than tlang ser Siam than tu cu I Tim bak hlah uh. Hi hnu cu an in auh hna zong ah Rak kal bak ti hlah uh. Ni zan nai te tiang a tang rih mi kan Biak inn hmanh a khang ko rih mi nih nan khua kan ser Siam than hna lai ti cu zumh awk tlak lo tuk mi a si. Cu hlan nan va ton sual mi hna tu cu nan thei fam lo cu teh ngeih thiam khawh nan si ko.

Thantlang Sersiam Thannak kong ah Hakha SAC he Tonnak kong Fianternak. (A tanglei fianternak hi June 30 ah Hakha SAC he tonnak ah aa telmi kan pale nih fianternak an ttialmi a si). 29.6.2022 ,zan ah Thantlang Myone Ohchohzi Hmu (Hakha Um)nih Thantlang Upa pakhat sin ah phone a rak chawnh Thaizing 30.6.2022 chun Suimilam 12 ah Vunci choh nih Hakha khua um Thantlang Upa le Pastors te Cozah Zungpi ah ton an duh hna tiah a rak chimh hnu ah Pakhat cio phone in a kan chimh.

Mah a chimh lio ah hin zei kong caihding le zei bantuk caah auh kan si zong a chim lo. Pastors te (4), Rev. Dr. Lal Uk, Rev Biak Mawng, Rev Mel Vin, Rev. Cung Lian Mang le Khua Upa (3) Pu Lawm Bik, Pu Ngun Hram, Pu Ram Khar kan kal. Meeting room kan phak ah Chin Cozah lei Upa le Pyine zungkip Lutlai an rak tling dih. Zing 10:00 am in meeting an rak tuah cang Thantlang lei Upa minung 7 le Thantlang Peng uk pa tiin a dang in an thut nak kam ah hmunhma an kan pek ve.

Cu kan thut tlawmpal ah Projector in kawlca in Ca an van tial mi a van lang. “Thantlang Khua sersiam than kong Caihkhan ti nak ” tiah ai tial mi a hunglang . Mah hnu lawngah kanmah Upa cu kan vun i fiang. Mah ca a langh hlan hi zei ah an kan auh kan thei bak lo . Kan Pastor te zong an thei lo .Khua Upa zong nih kan thei lo.

Vuncichoh nih Meeting On nak a chim hnu ah Duh Ttai Hmu nih a chim ve. Cu hnu ah Vunci dang zong nih an chim dih hnu ah Pyine hmu pawl nih an mah he aa pehtlai ning cio in an chim cio. A biapi bik an chim mi le Pyine hmu dihlak an cah mi hna cu “Thantlang kir khawh a si tik ah rianrang te in timhtuah a har lai caah a tu te in nanmah zung (Department) he a pehtlai mi cio in timhtuah nak (Plan) nan nei dih lai tiah Vuncichoh le Duh ttai Hmu nih cun an cah hna. Zei tik kir ding le Zei tik caan nan kir lai ti zong an chim lo. Cu dih hnu ah Vuncichoh nih Thantlang Upa biachim nak caan a kan pek.

Kan mah lei minung (4)nih kaa khat hnih cio kan chin. Kan dih lak nih kan chim mipakhat cu Thantlang kir than nak le Serthan nak caah hin Pakhat nak Biapi bik mi cu, Mipi kan him nakding (Security) hi a si ko ti hi kan langhter cio. Thantlang inn 1300 lengkai a kanghcang nak kong, Khuachung Ti le Mei a kangh dih nak kong a tu lio dir hmun cun Thantlang kir a fawi lo nak kong kan chim, Kan mah lei cun Bia tampi kan chim lo. A Ruang cu, March 29, 2022 hnu cun Ram a daih tik ah Thantlang khua Kirthan nak le Sersiam than nak ding kong hi ruah si seh tiah kan ruah . A donghnak ah Vuncichoh nih Rev. Dr. Lal Uk Thlacam a fial i thlacam nak in meeting cu an donghter.

Bia dongh nak ah, 30.6.2022 niah Thantlang Pastors le Khua Upa nih Ralkap Cozah cu “Thantlang kir than nak le Sersiam than nak kong ah an va ton hna ti mi Bia fang ” hi a hman bak lo mi si. An mah Cozah hi Thantlang kirthan nak kong le Sersiam than nak kong ah Bia kanruah bal hna lo. A tu tan hi an mah Cozah lei nih Thantlang Kirthan nak le Sersiam than nak ding kong ah an mah lei nih an i timhtuah mi tu kha an kan theih ter a si ti in kan ruah.
Hakha Um Thantlang Upa le Pastors

Be the first to comment

Leave a Reply

Your email address will not be published.


*