SAC Ralhrang Phu Le CDF-Kanpetlet Karlak Kahdohnak A Chuak I SAC Lei Minung 10 An Nunnak A Liam Tiah

Kanpetlet peng, Masatui (မဆာတွီ) khua le Saw peng Suailuaigin (ဆွဲလွဲကျင်) khua ah nizaan February 28, zinglei suimilam 8:00 in zaanlei suimilam 4:00 tiang SAC ralhrang phu le CDF-Kanpetlet karlak kahdohnak a chuak i, cu kahdohnak ah cun SAC ralhrang phu lei in minung 10 hrawng an thi hliamhma tuar an tam, tiah Chin Defense Force-Kanpetlet nih February 28 zaan ah cathanh an chuah. Kaphnih kar kahdohnak ah a thi mi SAC ralhrang phu hna ruak cu lamkam thlam pakhat ah an pon hna hnu ah cu thlam cu mei an khangh, lamkam ram rocar hna zong ralhrang phu nih mei an khangh chih.

CDF-Kanpetlet he hmunkhat raltuknak ah aa telmi Lawngshi (လောင်းရှည်)-PDF hna zong hliamhma tuar um lo in hnu an tolh kho ṭhan. SAC ralhrang phu hna he kahdohnak a chuah ṭhan khawh caah CDF-Kanpetlet nih mizapi caah zulh ding an tuah mi tete zulpliak rih hna ding in cathanh an chuah ṭhan.

Yangon-Mandalay Motor Lamhlun I SAC Ralhrang Umnak Sakhan Kahdoh An Tong: Yangon-Mandalay motor lamhlun lampi (Yaw Mingyi lam) ah umhmun khuar mi SAC ralhrang sakhan cu nihin March 1, chunhnu suimilam 2:00 hrawng ah luhhnawh in kahdoh an tong, tiah theih a si. Cu kahdohnak ah cun SAC ralhrang chungtel 5 nak tlawm lo hliamh an si, tiah Guerilla Force of Mandalay phu sin in theih a si. SAC ralhrang sakhan luhhnawh in kahdoh an tonnak kong ah Guerilla Force of Mandalay le Eagle Brothers People’s Defense MDY phufonh nih an tuah mi a si, tiah theih a si.

Credit: The Chin Post

Be the first to comment

Leave a Reply

Your email address will not be published.


*