Salai Ni Mang Kan Upat! Hi ciamman hi pei thawngpang tha cu a si hi!

SALAI NI MANG KAN UPAT!
=========
Hakha khuapi i palek a ṭuan liomi Salai Ni Mang, meithal zuun 2 le kuan tam ngai he Senthang CDF sin i a tlik mi kong Salai Williams Hlawnceu nih a ṭialmi ka hmuh i a ran nak in lamkam ah ka mawṭaw ka dirter i fiang deuh in ka rel ṭhan. Hmanthlak he bak a tar i biadik a si a fiang i kai lawmh khawh ning cu, amak!

Hi ciammam hi pei thawngpang ṭha cu a si hi tiah ka feibuk i van ṭial ve lo in ka um kho bak lo. Salai Ni Mang upat peknak le donnak ah nan feibuk cahmai ah rak tar cio uh. Hi bantuk pasalṭha hi van um thluahmah sawh hna seh. Laksawng tampi (sing/ting 100) bak an pek hi a phu bak.

Hakha Palik Pakhat Nih CDF-Senthang Sin Ah A Hriantling He CDM A Tuah. Chin ramkulh, Hakha palik sakhan ah rianṭuanmi palik Maung Ni Mang cu 2022, October 8 ah mipi lei ah ṭang dingin a hriamthil (BA 63 G3) meithal pahnih le kuan he CDF-Senthang sin ah CDM cawlcanghnak a tuah tiah theih a si.

Ral hriamthil meithal pahnih he mipi ralkap sin ah CDM cawlcanghnak a tuahtu cung ah upatnak kan pek tiah CDF-Senthang nih an langhter. Hrianthil he CDM a tuahtu Maung Ni Mang cu phaisa sing 100mmk laksawng pek a si pinah a himnak hmun ah kalter a si cang tiah CDF-Senthang nih cathanh an chuah mi ah an langhter.

Chinland Defense Force-Thantlang Battalion-4 (Zahnak) Ralkap 4 Bomb In Ai Hliam Mi Lakah Minung 2 An Nunnak A Liam
Chinland Defence Force Thantlang Battalion-4(Zahnak)ralkap hna cu, nihin October 10 zinglei ah, Lungler SAC sakhaan thing ah an laak mi bomb a puak sual caah minung pali an i hliam.

Hliamhma a pu mi hna cu sizung ah an kalpi ko hna nain sizung an phanh hlan ah, Zaangtlang khuami Biak Tha le Lungler khuami Tum Bawi Tling an nunnak a liam tiah theih a si.

Chinland Defense Force-Thantlang Battalion-4 (Zahnak) Ralkap 4 Bomb In An I Hliam! CDF bomb in aa hliam sual mi hi an tlawm ti lo e. A poi taktak, pasal kawl ralkap pakhat tal ka thah kho ve hnga maw tiah harsa an in an in i , mah tein i khonden sual ruang ah nunnak sung le tlamtling lo ah i chuah hi cu an i cenat lo tuk ve lai mu. Bomb hi a tawngtham thiam deuh mi nih tawng hna sehlaw tha, ralrin ngai hau ko hi.

Chinland Defence Force Thantlang Battalion-4(Zahnak)ralkap hna cu, nihin October 10 zinglei ah, Lungler SAC sakhaan thing ah an laak mi bomb a puak i minung pali an i hliam tiah theih a si.

Lungler SAC sakhaan thing ah bomb an thianhhlimh i bomb cu an lak, cu hnu ah nitlang ah an pho i cu lio ah cun bomb cu a puak i minung pali an i hliam. Pakhat cu a hliamhma a faak ngai, an pali in Tikir sizung ah an kalpi hna lai tiah battalion 4 ralkap pakhat nih The Chin Post ah a chim.

A thawng tuk mi kn nau le a poi kho tuk e. Bawipa nih dam nak tling in pe hna seh. Maw ka thin ee..afak tuk hringhran lai ee. Pathian nih damnak tling pe tthan ko hna seh! Maw ka thin aw kan pasalttha hna nan tem tuar tuk ee Bawipa nih damnak in pe hna seh law lungtthawnnak thluachuah in pe hna seh.

Bawipa nih damnak in pe than hna sehlaw. Hitluk nan tuarnak hi mipi nih kan philh hrim lo e. Thlacamnak in kan rak tuarpi ve hna. Bawipa nih a rauh hlan ah damnak tling pe hram ko hna seh. Kan fa le Bawipa nih damnak tling pe ko hna seh law. Zohkhenh tu le thlop bul tu nan nih lak cung zong ah Bawipa nih daih in pe ko hna seh.

Bawipa kut caak an cung cio ah i phuang seh law damnak tling pe ko hna seh mu. Maw fa dawt le hna nan in tuarnak vial te Bawipa nih theih hram ko seh. Bawipa nih thinlung thon nak le damnak in pe dih ko hna seh law. nan tuar tem tuk ko mu maw ka thin aw kan zoh ngam tung ne hna lo pa thin bawi pa nang mah nih dam nak pe ko hna.

Cawbuk Check Gate Ummi SAC Ralkap Nih Khualtlawng Mi 8 An Tlaih Hna! Chin ramkulh, Hakha Cawbuk sang, check gate ummi SAC ralkap nih khualtlawng mi 8 an tlaih hna, tiah theih a si. Tualchung mi pakhat nih, “October 8 zing ah cawbuk sang check gate ummi SAC ralkap cu kah an ton caah khualtlawngmi 8 an tlaih hna. SAC ralkap a thimi le aa hliammi an um le um lo cu hngalh a si lo,” tiah a chim.

Tlaih a tongmi hna cu SAC ralkap umhmun an khuarnak rungtlang ah an kaipi hna i, cun palik sakhan ah an ṭhial ṭhan cang hna. Biaceihtu cu Covid-19 in a zawt caah tlaih a tongmi 8 cu nihin October 10 zinglei tiang ah an thlah rih hna lo, tiah theih a si.

A luancia October 4 zong ah sii-inn ah zawtnak aa checkmi, mizaw cawngtu le Covid-19 zawtkham sii aa chunmi 19 hna cu SAC ralkap nih Hakha sii-inn ah an rak tlaih cang hna.

Buanlung Khuami Pa Pakhat Cu Rang Nih A Perh Caah A Nunnak A Liam. Hakha peng Buanlung khuami kum 40 tluk a simi Pu Lian Kulh(Tumte) cu a luancia September zarhhnihnak ah rang nih a perh caah hakha sizung an phak pi, asinain a dam khawh hlei lo caah nihin October 10 zinglei sml 4:00 hrawng ah Hakha sii-inn ah a nunnak a liam, tiah theih a si.

Buanlung khuami pakhat nih, “An rang va lak ding in Zaṭhal khua ah a kal i, rang nih cun a paw ah a perh caah a rilpi a kek. Hakha sii-inn ah thlakhat tluk a um hnuah a nunnak a liam,” tiah a chim.

Nihin October 10 zinglei sml 4:00 hrawng ah Pu Lian Kulh(Tumte) cu Hakha sii-inn ah a nunnak a liam i, Buanlung khua ah zing sml 8:00 ah an tlunpi cang. Pu Lian Kulh cu fapa pakhat le fanu pakhat a ngei i, a fale pahnih le a nupi he Buanlung ah khuasami an si.

Chin ramkulh Mindat Peng, Ralhrial Sakhaan Mibawmchantu Phu Nih A Luan Cia September Thla Chungah, Facang Tun 138 Le Thil Dang Dang An Phawt Zamh Hna! Chin ramkulh Mindat peng, ralhrial sakhaan mibawmchan tu phu hna nih a luancia September thla chungah, facang tun 138 le thil dang dang an phawtzamh hna tiah theih a si.

Mindat peng, khua pa 6 ah minung pakhat facang pi 7 cio tingco dingin, minung 442 caah facang tun 138 kan phawtzamh hna. Kahdohnak ruangah, Mindat peng chung ah mah umnak kaltaak in ralhrial dirhmun a phanmi mipi hna caah sii-aii, ruahkham thilri le Datsa(ဓာတ်ဆား) hna zong kan pek chih hna tiah an langhter.

Cu pinah, a dang khua te 16 hna zongah, mibawmchan tu phu hna bawmhnak thawngin, ti thianhnak seh, tipung, hnawmchiahnak pung, Sapiat, nu hmanmi thilri, mask le thil dang dang hna zong kan phawtzamh hna tiah Mindat ralzaam camp ii, mibawmtu phu nih an langhter chih.

Cinthlaknak Caah Phaisa 140 Billion Kan Bomh Hna Lai-Min Aung Hliang! Facang le a hringso cinthlaknak caah phaisa 140 billion tiang bomhnak peek dingin timhtuahnak an ngeih nak kong, SAC ralhrang lutlai Min Aung Hlaing nih kum 2022, October ni 6 ah a chim. kum 2022, October ni 6 Nay Pyi Daw ah tuah mi Myanmar Rice Conference-2022 toanbiaruahnak a chim.

SAC ralhrang lutlai Min Aung Hlaing nih, “A rauh hlan ah a rak phan hnga mi thal facang a chuah caan caah acres ting (8.5) ah thathnemnak hmuhnak Contract farming riantuan ding caah rampi cozah nih Acre khat ah zatuak in ting (2) in phaisa cawihnak cu timhtuahnak ngeih a si lai i, Facang le a hringso caah phaisa 140 billion tiang bomhnak peek dingah timhlamhnak ngeih a si nak kong,

Cu phaisa bomh peknak pawl cu nawn..etc..tiabantuk in cinthlak mi a thattertu, cithlak pawl caah thazaang bomhchanhnak a pee khotu pawl caah bomhnak peek a si lai i, Cu pawl he aa pehtlai mi mipi lei nih eibar a theitlai a chuah khawh nak hnga ding ah le thathnemnak hmuh khawh nak hnga ding ah felfai te le siamrem tein tuanvo lakti a herh.” tiah a chim.

SAC ralhrang lei nih rampi a tha-nuam i a rum khawhnak le eidin ti le rawl humhimnak timi miphun riantuannak pa (2) cu hmathlak in tuanvo lak a si nak kong, Kan ram ah 70% cu leirian in a paw aa cawm mi an si hna i, Cinthlak, Saram cawmkennak cu hrambunh in chawlehnak cu thanchoter dingah tuanvo lak a si nak kong, Facang hi a bikin cin bik mi le chuah bik mi cintlak a si i, cinthlaknak hmun area hi 34% hrawng a um nak kong, zong Min Aung Hlaing nih a chim.

KIA le PDF Phufonh Nih BanMauk Palik Sakhan An Kah Hna, SAC Ralkap 11 An Thi. Sagaing ramṭhen, BaMauk palik sakhan cu KIA le PDF phufonh nih an luhhnawh hna i an kah hna caah SAC ralkap 11 an thi tiah BanMauk Revolution-BR nih October 9 ah cathanh an chuah. BaMauk palik sakhan cu kahnak hi a luancia October 4 ah luhhnawh in kah an rak ton mi a si, cu kahdohnak ah cun SAC ralkap 11 an rak thi.

Asinain cu kahdohnak kong ah SAC ralkap nih thawngdik thanh duhlo in, a thli tein an umnak sakhan hmunhma chung ah a thimi ralkap ruak cu an rak vui tiah Banmauk Revolution – BR nih an langhter.

Launglon Peng Ah Pyusawhṭi Pakhat Kah A Tong, Kutser Meithal Telh In Meithal 2 An Chuh! Launglon peng Maungmakan(မောင်းမကန်) khua in SAC ralkap hmanrua pyusawhti phu chungtel simi Zaw Win Shing cu kah a tong tiah Dawei Guerrilla Revolutionary Force – DGRF nih October 9 ah cathanh an chuah.

October 8, zaanlei suimilam 7:30 hrawng ah Maungmakan(မောင်းမကန်) khua mi pyusawhṭi phu chungtel pakhat simi rithaisi cawk/zuar in SAC ralkap thazaang petu le bawmtu Zaw Win Shing cu DGRF, LLPDF le T-PDF phufonh nih fimhlawm a si tiah an thanhmi ah cun an langhter.

Kah a tongmi Zaw Win Shing sin in 22 meithal pakhat, Air gun pakhat, nam pakhat, phaisa sing 14mmk, le rithaisi thlainak cuai telh in zeidang thilri kan lak tiah an langhter chih.

Gangaw Peng Kahdohnak Ah SAC Palik Bawi Pakhat A Thi, PDF Pahnih An Nunnak A Liam Ve. Sagaing ramṭhen, Gangaw peng Gan khua le Kyunkhonta(ကျွန်းခုန်သာ) khua kar ah October 9, zaanlei suimilam 3:00 hrawng ah tualchung PDF 2 le Gan khua palik sakhan um palik phu kar naih tein kahdohnak a chuak i PDF lei in minung 2 nunnak a liam, palik lei in palik bawi pakhat a thi i minung pahnih hliamhma an tuar tiah tualchung mi nih an chim.

“Tualchung hriamtlai minung pahnih cu lampi ah SAC palik he an i tong i, palik nih pakhat deuh cu a Hna ah meithal hmuahchih buin a khup a bilter, cu lio ah a hawipa nih a meithal i ai chuah i a kah ve hna hnu ah kahdohnak a chuah hi a si” tiah tualchung mi pakhat nih a chim.

Cu kahdohnak ah cun palik bawi an hliamh hnu ah a nunnak a liam, kah a tongmi palik bawi cu uniform aa hruk lo, kuan nih a hliamh caah sakhan an phak hnu ah a thi” tiah tualchung mi pakhat nih cun a chim.

Nattalin Peng Ah Rallam Sialmi SAC Ralkap Bomb Puahhnawh An Ton Caah Ralkap Pali An Thi. Bago ramṭhen Nattalin peng ah rallam sialmi SAC ralkap pawl bomb kan puahhnawh hna i ralkap pali an thi i hliamtuar zong an tam tiah Nattalin PDF nih cathanh an chuah.

October 9 ni ah Nattalin peng Kayinswai (ကရင်ဆွဲရွာ) khua lei panh in rallam sial ah a kal mi SAC ralkap thazaang 23 cu Tharyawaddy pengkomh battalion 3801, tatkhuai 4 le MRF Nattalin nih bomb an puahhnawh hna tiah theih a si. Cu bomb puahhnawhnak ah SAC ralkap 4 an thi, 8 leng nih hliam an tuar tiah an cathanh ah cun an langhter. Credit: The Chin Post

Be the first to comment

Leave a Reply

Your email address will not be published.


*