Senthang Council (CDF- Hakha Battalion 2 (Senthang)) timi phu nih cathanh an chuahmi cu ningzak ngai a si!

Funtomnak bu kong Cathanh
========
A cunglei kong he pehtlaiin Senthang Council General Meeting ah zapi hnatlaknak in thah cang mi funtomnak bu min in rian tuannak pehzulh thannak kong cathanh tiang chuah in ramchung ramleng buainak an chuah pi caah a tang lei bantukin fianternak cathanh kan rak chuah.

1. 5th July, 2022, A voi (1) nak zatlang uknak General Meeting pi tuah a rak si. Cu meetingah cun khua upa pakhat nih ralkap le ralkap cu funtomnak kong ah bia ruah nak zong tam pi nan ngei cang. Asinain, kaphnih nu le pa tonbiaruahnak a um bal lo caah nan mah hnatlak pinakin tonbiaruahnak ngeih dingah a rak chuah pi. Cucaah, CDF-Hakha battalion 2 (Senthang) nih hnatlakpinak ngeih loin nu le pa nih tonbiaruahnak cu nan mah tein tuah te ko uh tiah a tanglei ralrin peknak he bialehnak tuah a rak si.

(a) Senthang Council (CDF- Hakha Battalion 2 (Senthang)) phunghram he kalh in rian nan tuan lai lo, (b) Mipi buaibainak nan chuahpi lai lo. A cunglei ralrin pekmi zul loin nan buar ahcun Senthang Council nih a herh ningin kan tawlrel lai tiah ralrin peknak zong ngeih a rak si.

2. Senthang Council nih ralrin peknak ngeih hnu in 5th July, 2022 ah Khua president cheukhat tonbiaruahnak an tuah i CDF-Senthang aa timi nu le pa he tonbiaruahnak ngeih ding in hnatlaknak an ngei.

3. 18th July, 2022 ah kaphnih upa cheukhat tonbiaruahnak an ngei i funtomnak bu tiah chungtel minung 9 in an ser i cawlcangh hram an rak thok. Funtomnak bu tonbiaruahnak an ngei i aa thencheumi khua cheukhat hna ah tonbiaruahnak an rak ngei, ramleng SOUSA he zong online biaruahnak tiang an ngei.

4. Funtomnak bu hi thlakhat leng a kal hnu ah tonbiaruahnak an ngeihmi khua hna le ramchung ramleng (CDF-Hakha Battalion 2 (Senthang)) mipi hna chungah buaibainak le i hmuh thiamlonak a chuah pi.

5. Funtomnak bu thlakhat leng a kal hnu an riantuannak zoh tikah funtomnak nak in ramchung ramleng buaibainak tu an chuahpi caah Senthang Council, CDF-Hakha Battalion 2 (Senthang) ralkap le mipi hna nih hnatlaknak in 26th August, 2022 General Meeting ah a tanglei bantuk in biachahnak tuah a rak si.

(a) A voi (1) nak Senthang Council General Meeting ah funtomnak bu cu zapi hnatlaknak in thah a si.(b) Funtomnak bu a riantuannak a langh rih ah cun SC nih a herh ningin tuanvo lak ding.

6. CDF-Hakha Battalion 2 (Senthang) cu mipi nih dirhmi a si bantukin Senthang peng chungah NUG, CNA/F, le CJDC nih CDF-Hakha Battalion 2 (Senthang) lawng hi cohlanmi le theihpi mi a si. Cucaah, funtomnak bu hi CDF Hakha Battalion 2 (Senthang) kan upa cheukhat ruahnak halnak le thithruainak in aa thok mi a si bantukin CDF- Hakha Battalion 2(Senthang) General Meeting pi ah thah a si cang.

7. 16th September, 2022 ah funtomnak bu nih Senthang Council phunghram le mipi biachahnak (Senthang General Meeting) upatnak ngeih loin le zeirellonak he funtomnak bu cawlcanghnak cu pehzulh than dingin Senthang Council sin ah nawlnak ca si loin theihternak ca tu an rak tial. Cu lawng hmanh siloin online page tiangah cathanh chuah in ramchung ramleng ah buaibainak an chuahter.

8. Cucaah, funtomnak bu min hmangin cathanh chuahnak kongah ramchung ramlengah buaibainak a um tinak hnga lo ding le funtomnak bu cu mipi nih General Meeting ah Zapi hnatlaknak in thah cangmi a si i, an cawlcanghnak a langh than ah cun Senthang Council General Meeting biachahnak bantukin Senthang Council phunghram DAL VIII, No. 17 (j) le Administrator Rule ningin a herhningin tuanvo lak a si cang lai tiah thawng kan in thanh hna. SENTHANG COUNCIL

CNA, CJDC, CDF le CNDF pasalttha hna nih nunnak thap in an va lak mi hriamnam; Kachin ram ah Chin miphun ralkap hna nih nunnak thap in an va lak (Cawk) mi hriamnam zei maw zat cu Chin ram a phan cang. Chin miphun le ram caah tiin hriamnam an va lak ahhin an va kal duak in an va la lo.

Lampi ah harsatnak phunphun an tong, a caan ahcun Thinghnah bak ei ko lo cun duh thim ding dang an ngeih lo caan zong a um. Cun pasalttha hna nih nunnak an pek i hliam a tuar mi zong an um hna. Cu vialte thihlohnak le harsatnak tuar cicek hnu ah kan hmuh khawh mi hriamnam an si. Pasalttha hna Bawipa nih miphun le ram humhim tu ah hmang ko hna seh.

lawmh um hringhran, Kan miphun ca ah Pathian nih hriam tha ah kan serpiak hram sehlaw. Kan pasaltha hna kan nin bochan tuk hna. Pathian nih miphun le ram caah in hmang chin ko hna seh law. Kan rak i lawm cio e kan chin ralkap hna bawipa nih a zungzal in in um pi in lam in hruai hna seh law teinak kan hmuh hlan tiang le mipi kan tumtahmi zolawnnak le zalennak kan hmuh hlan tiang pa raltha si zungzal ko u, Kan in tampi peng ko hna.

CJDC Nawlpeknak le Fialmi asi tak tak maw? CDF-Mara spokeperson Paw Machei, USA nih The Chinland Post ah achim mi cu CDF-Mara nih Mara ram ah kan tuah mi vialte hi CJDC fial mi le nawlpek mi asi ati. A si tak tak ko ah cun kan revolution kalpi ning hi atha tein kan zoh than cio ah atha lai.

Hi ti ning kan kal ah cun mifir le damiah kan si dih sual lai i kan si hlan ah kan ngolh ah ah atha deuh lai. A ruang cu atu bantuk an thil tuah mi hi Mipi bawmhtu cu chim hla Mipi caah lurih hnahnawh tu men khi an si ko. An bia bang in atang ka vun langhter mi pawl hi CJDC nih nan fial mi le nawl pek mi (phundang chim ah cun CJDC Policy) a si lai cu.

1. Lailenpi ah MEC nih a ngeih mi COME school siseh, Cozah High School Library le Sipin zung mei an khang mi, 2. MEC Office ah zurit bu in meithal he MEC Pastor pawl an lut hnawh mi, 3. Pasai khiathar le Pathiantlang lei ah lam cawhnak JCB tawh an chih hna hnua ah phaisa tampi he an tlanh ter mi.

4. Zei sualnak atuah lo mi CDM, saya Vakhaitha cu (ရည်းစားစာလာပေးတာလား) a ti tiah phuahchom case in zantim ah meithal he a innchung ah luh hnawh i an tlaih. Cu lio ah a fapa cu a lau sual i atu Saiha Sizung ah an tlawp lio cuahmah. 5. Sualnak zeihmanh angeihlo mi Ngaiphaipi khua upa pathum an tlai hna i khuami nih sthi luanbak in an va nawl hnu ah an rak thlah hoi.

6. Lailenpi khuanu khuapa hna nih an fale ca cawn hna seh tiah na duh tuk caah an mah khuakhannak in sianginn an awn mi ah Riantuantu Saya Neitlau cu an va tlaih hoi i thi deng an vuak hnu MMK 30 laks in Lailenpi khua upa hna nih an va tlanh than hoi. An tukvelnak hmâ a faktuk caah atu Saiha sizung ah an zohkhen lio asi. (hi zawn ah CDM a tuah lo mi an ti ah cun amah long hi maw Chin ram pumpi ah Non CDM cu a si kun ne). Ziah mi dang zong nan tlaih ve hna lo.

7. A dang sualnak ngeihlomi tlaih le hrem ding ah an dawi i India ah azam mi hna an um len rih. 8. Mara ram in kawram lei Khultlawmg mi poh Lautu CDF gate tan khawh nak ding caah CDF Mara recommendation ahau an ti hoi i pakhat ah MMK 5000/- an hal mi le 10000 taing an halh hna.

Hi vialte thil acang mi hi CJDC nawlpek mi le fial mi asi tiah an spokeperson nih The Chinland Post ah a chim cang kha mu. Hi hi maw Mipi ralkap ding cu an si. Mipi tuk le vel i chimhrinnak nih hi ta kan revolution a awng min taktak lai tiah na zumh maw. Defance ti silo in Damiah ti tu ah kan min i thlen a hau cang. MAH Ralkap hman a tluk lo mi nih Mipi ralkap e, ram kan veng lai e ti cu a si thiam ngai hnga maw. Mah lei ttanpi lo poh ah kan ral in kan rel ah cun hi hnu kum khat ah cun Mipi hi kan ral an si dih te ko lai.

Lailenpi um kawl Ralkap nih Sianginn awn uh zong an ti ballo i kharh uh zong an ti bal fawn lo. Mipi tu nih an fale zawnruah ah Private in an awng mi tu a si deuh. MATC nih siang inn 30 leng an awn mi zong zei te hmanh hna an hnawh bal fawn lo i Mara ram hruainak an kalpi cuahmah mi zong ah cukha an ti bal rih lo. Kawl Ralkap nak in CDF-Mara tu nih hnahnawhnak an tuah deuh lehlam khi asi.

CDF Mara pawl an thil tuah mi le an bia chim ning a si ah cun zeiruang ah CJDC nih Hakha, Falam le hmun dangdang zong ah ralhrang siang inn an awn mi pawl hna khi nan luh hnawh ter ve hna lo, Mara ram siang inn khel khel hi maw Kawlram revolution teihnak ding cu a si tiah nan ruat. Ralhrang noh an awn mi a ttung lo, khuami nih ‘’kothukotha’’ in an awn mi pei asi ko cu.

Meithal puak lawng hi MAH dohnak cu asi lo i apuak rihlo mi poh zong MAH ttanhtu an si ve fawnlo ti hi kan theih zong a herh. Tuchun Mara ram chung thisen luang lo te in MATC/ MDF nih uknak 90% an tuah kho. CDF-Mara hi hna hnawh hla sehlaw 98% an control dih diam lai ka zumh. Cu bantuk Civil uknak kan duh ruang ah cu pei Meithal kan i tlai chih mi hi a si lo maw. Meithal hi i thah i nawngnak ding lomgah silo in kan duh mi a tlamtling khawhnak ding caah bawmhchanhtu hmanrual pakhat asi tiah ruat ding asi. Kan theih ding cu tutan revolution hi Meithal in a dih khawh ding khi a si lo i political solution dang pakhatkhat chap chih a herh te lai ti hi philh hla u sih.

Atu CDFs le PDFs tampi hi NUG nih a hmuitinh taktak mi policy an nganh thluahmah mi hi a poi ngai ngai. Cu ka ah cun CNF/A zong hi aa tel ve thluamah cang. Mipi zong nih doh le kap lawng hi revolution tauh ah kan rel ve hoi cang. Meithal puak long ah MAH a doh mi asi heiti phun khin kan Federal ram serhnak caah kan saduhthah nak cu a si cang. Khua fak deuh in kan ruat tthan a hau. Kan dohthlengnak lam hi kan pialtak sual cikcek ah cun kan mah mipi lila nih kan tuar te lai zong hi philh hna hla u si.

Thuro bang nunmem i rul bang fim u sih timi kha te khawika dah nan chiah dih ne. A tu lio te hi Miphun tenau vialte pakhat le pakhat duhnak i theithiam piak le pakhat le pakhat kan i khah lonak zawn tete kha i cohlan piak i kan i khahnak vialte funhtomh in hmunkhat te ah kan ram sersiam nak caah dothlennak tuah caan zong asi. Kan vorh lei ah kan ram sersiamnak rian kan tuan pa lai i kan ke lei ah kan ral kan ni veng pa lai. Ral long kan zuanhnawh ah cun kan hmuitinh mi kan tlolh lai ti hi fiang tuk in a langh.

Cu caah atu i CDF Mara bantuk mumal ngeihlo, terrorist bantuk, damiah bantuk, gangstars bantuk hi Chin ram chung Dawhlanzi kan kalpi asi ah cun Chin mi lungrualnak a hrawktu tayekhan cu CDFs le CJDC hi kan si te lai. NUG le CRPH policy pin lei ah kan kal cuahmah cang ti hi philh hna hla u si. Credit:

Be the first to comment

Leave a Reply

Your email address will not be published.


*