Tamu hriamtlai phu nih Ralhrang 20 renglo an thah hna!

Tamu peng ah SAC ralkap pawl bomb in an rak doh hna caah 20 renglo an thi!
========
Tamu khuapi in Kalay khuapi lei ah a rak kir mi SAC ralkap pawl cu lampi ah mizapi ralkap nih mine bomb in an rak doh hna caah minung 20 renglo an thi men lai tiah theih a si.

Nizaan tihni Pur 26 ni ah khan Tamu in Kalay lei panh in an kir, a zaan ah Tamu PDF battalion 3 nih lampi in an rak bawh hna i mine bomb an puah hnawh hna caah SAC ralkap mawtaw 3 a khen caah minung 20 leng an thi men lai tiah khuami hna nih an chim.

Tamu peng Khawhmunnuam khua ah an ria i, mipi inn an bauh, vok le ar zong an i thah i an ei hna. Cun Khawhmunnuam khua le Yan Lin Fai khua ah nizaan Pur 27 ni ah khua chung ah heh tiah meithal an puah caah khuami 2 hliam an tuar tiah theih a si.

Facebook comment ruangah nau pawi lio mi nu SAC ralkap nih an tlaih. Kan hnung i PDF pasalțha 12 an thihnak kong ah ttuanvo ngeitu tiah SAC ralkap bawi pakhat a chungle hmanthlak he Mizzima news nih a langhter mi tangah comment a pek ruangah a inn ah an va tlaih nak hi a si.

Kan hnung Pur 22 ni ah PDF pasalțha minung 12 nih ram le miphun caah nunnak an pek nak ah le a nung in minung 3 an tlaih hna tan ah khan SAC ralhrang lei bawi pakhat a si mi pa kong an ttial mi tangah “Anmah bantuk in tuar ve ko seh” tiah comment a pek mi ruangah SAC ralhrang nih cun an va tlaih tiah theih a si.

Kachin ram Shwe Ko khuapi ah a um mi nu hi facebook i a comment pakhat te ruang bak ah an va tlaih. Amah hi fa a hring deng cang mi a si i Pi Te Te a si i Online ah Shwe Myint Moe tiin facebook account ai tuah i thil a zuar mi a si.

Dothlennak caah a ngeih mi phaisa Sing 900 leng man zuar in 60mm Rocket a ser. Myanmar National Armed Force (MNAF) hruaitu pakhat a si mi Bo Mya nih cu a ngeih mi Sing 900 leng hmang in 60mm hlawhtling tak in a ser khawhnak kong a chim.

MNAF ah Deputy Battalion Commander a si mi Bo Mya hi dothlennak ah biatak tein thazaang le fimthiamnak a chuahtu pa a si i, a ngeih mi phaisa sing 900 leng hmang in 60mm rocker a ser mi cu hlawhtling taktak in a hniksak cang i SAC ralkap dohnak zong ah hman a si cang.

SAC ralkap doh awk ahhin Lai Meithal he lawng a ngah lo timi ai fian tuk caah a innlo a zuar riang mang in a hmuh mi phaisa sing 900 leng hmang in a thiam mi 60mm rocket siseh, mine bomb le a dang hriamngan tampi a ser hna. A ser mi 60mm rocket nih hin Meng 1-2 karlak hi a hei kah khawh tiah a chim chap.

Khua tuan deuh ah Vanlawng kahnak ka rak ser, ka lim cang nain hniksak kai timh lai te bak ah kan camp an rak luh hnawh i an ka khangh piak dih. Hi tan ahhin Sing 100 leng man kan sung tiah a chim.

Phone in Game ai celh tuk ruang ah a mit caw. China ram ah nungakno te pakhat nih nikhat ah sau nawn chung a phone in game ai celh peng ruang ah a mit a caw tiah theih a si. Kum 21 mi nungakno te pakhat nih China ram ah a lar ngai mi game Honor of Kings timi game cu a mit ai rawk hlan lo ma kho lo in ai celh peng ee tiah theih a si.

Cu hnu ah a mit ruang ah Si-iin ah kal in ai piah len ko nain a tlai deuh cang ko rua. Wu Xiaojing nihhin a vorh lei mit zong RAO in a rak i zoh ter bal cang. Asinain a tu hi a mit a caw thai kho men cang mi dirhmun ah a dir. A nu le pa zong nih ralrinnak an pek lengmang ko “na mit hna ai hrawk sual lai ee” tiin. Hi bantuk in nai celh peng ah cun na mit caw taktak lai hi aw ti zong ah ralrinnak an pek.

“Rian ka ttuan lo ni ah cun, zing suimilam 6 ah ka tho, thaithawh ka ei, cu khawh bak cun zaanlei suimilam 4 tiang game cu kai kah” tiah a mit a cawmi nu te nih cun a chim. “zei maw ka ei, caan tawi ka van i hngilh, ka tho tthan, cun game cu kai kah i zinglei suimilam 1 le 2 tiang cu ti cun ka caan ka hmang” tiah The Global Times sin ah a chim.

Minung nuai 200 nih Honor of Kings timi game cu an smart phone ah an i chiah tiah theih a si. kum 12 tang hngakchia ca ah nikhat ah suimilam 1 chung lawng celh khawh ding in tuah a si. China mi lawng an si lo, Laimi lak zong ah hi bantuk minung an tam pi, hi hnu ah mit tthalo hna an um sual nakhnga lo midang zawn ruahnak he rak Share ve. Credit; Suimilam Media

Be the first to comment

Leave a Reply

Your email address will not be published.


*