Than Shwe uknak cu nan rak celh ti cio lo caah Delhi le Malay ah nan rak zam cio, CNA ralkap tampi telh in!

Than Shwe uknak cu nan rak celh ti cio lo caah Delhi le Malay ah nan rak zam cio, CNA ralkap tampi telh in!
=========
Than Shwe uknak cu nan rak celh ti cio lo caah Delhi le Malay ah nan rak zam cio, CNA ralkap tampi telh in. Kum a vun rau deuh i ramtha nan phan, tampi nih ‘Than Shwe ruang ah mah zat zat Laimi ramtha kan phak hi Pathian khuakhan a si’ tiah lawmhnak nan chim pah tawn.

Atu ah CNF kan zoh ah cun a hlan i a rak zam cangmi ramtha phan kan pale deuh khi CNF lutlai an si dih ko. An zam nak hmun in ram an rak dawt khawh thiamthiam ko – Pu Zing Cung le Dr. L H Sakhong telh in.

Atu ah CDF an hun thawng ngai i a hnu lei in fek tein a dirhkamhtu cu Than Shwe chan i kan ram a rak zam takmi ramtha phan Laimi thiamthiam nan si fawn. Nanmah um hlah uhlaw CDF khi thlakhat hmanh an nung kho lai ka zum lo.
Atu ah, MAH uknak celh lo ruang ah kan ram a zamtakmi zong hi mawhchiat tuk awk an si lem lo.

Hmailei ramtha an phak ahcun CDF president zong an tuan ve te khawhmi a si, nawl ngei takmi supporting committee hotu or Vaurawng hotu or CBCUSA president zong an si ve kho. Nek ngam ding an si lo khi. Kei belte cu ka chungkhat Malay kal duhmi an tam tuk i bawmh an ka hal lengmang tikah minung pakhat ah ting 30 leng puaisa pawl pek a si fawn i ka phaisa a dih deng cang — tadawng-sa ah kai chuah cang men lai.

Zam poah ah khin kan ram zam tak cu a si ve lem lo i, ruah lo piin an phaknak ram zong in CDF president zong an rak tuan khawh vemi a si ve ko. zarh fatin Lai mino tam taktak nak Saya Sangpi biakinn ah kai pum, pumh dih in Laimi tam biknak Butiria ah sabuti kan ei peng. Ka hna ngam tuk deuh rua.

Acaan ahcun thil hi fianghlang in chim ding te a rak si. Khati chimh hau phun zong an rak tlawm ve lo. Nain, na cawih hlei deuh mi le na cawih fawn lo mi an um pah tawn, ka Kawipa, kap hnih in vun bih tawn law.

Hruai tu dirhmun le bawm chan tu Kan si khawh nak ding ah i zuam deuh Kan hau ko hih um hmun lawng in cun si khawh dawh si lo hih. Hi bantuk bia hi cu tam tuk chim a tha lo aw, kan ram a rak that lo ruangah a si ko i, a tha ati mi caah cun nuamnak a si ve ko lai.

Na chim mi thil dik cu si zeipoh te kap 2 in zoh thiam leh hmuh thiam kan hau kawl holh cun အကောင်းမြင်ဝါဒ thil chiat nak a umtik ah a that nak lei he zeitin kan zoh lai hmuhthiam ve a hau ko nan chimbang in meithal cu a kuanglawng cun zeihmanh san a tlai lo zen a hau a mu a hau mi nung zawng a hau Pathian riantuan nak zawng chimphuang tu a um bangtuk in tangka lei pekchanh tu an um bangtuk in thlacam piak tu an um ve an dihlak in hmunkhat riantuan ning aa khat dih mi si ko.

Be the first to comment

Leave a Reply

Your email address will not be published.


*