Thantlang Kahdohnak kongah Ralhrang Nih Thawngthanhnak an Tuah!

Thantlang Kahdohnak kongah Ralhrang Nih Thawngthanhnak an Tuah!
========
Nizaan zaan lei suimilam pa 7 hrawngah Chinram, Thantlang khuapi ah CDF le tatmadaw ralkap karah kahdohnak a chuak ii CDF pawl nih an kahdoh hmasa hna caah tatmadaw ralkap lei nih an kahdoh ve hna ii CDF in minung pa 3 an nunnak a liam pinah CDF sinin hraimnam ceilak an laak piak chap hna tiah SAC ralhrang media a si mi Fitty Two News nih thawngzamhnak a tuah.

“Thantlang na ngai maw?”; Korea pawl khi World War II dih ka hrawng ah, Rawl ei ding a ngei lo an rak tam tuk, an ti. Pakhat le pakhat lam an i ton ah an I halmi cu, “Rawl ei ding na ngei maw?” ti siloah, “Rawl na ei cang maw?” tiah an i hal an ti. Ei ding an ngeih le ngeih lo chuan khan in An i hal mi khi a si, an ti. Lai lei cu phun 3 in kan i hal. “Na dam maw? “Rawl na ei cang maw?” “Zeidah nai meh?” Chuankhan mi kan rak ngei lai zumh a um.

Mirang pawl khi an khua caan chiat tuk ruangah Khua caan chuankhan in “Good morning, good evening le Good night” ti bantukin, lam ton ah an hman. Lai lei cu “Good night” can-ai ah “Mang tha” ti kan hman. Ka nu nih “Khim tein rawl na ei lo cun na mang chia lai” a rak ka ti tawn. Mang that nak ding ah khim tein ei a hau rua.

Laimi hi din ei kan rak har tuk ruangah maw Hi bia hna hi kan hman nak a si hnga, ti ka ruat. Ral kan zaamnak ah kan hawi le he kan I ton caan ah, kan i hal mi cu “Thantlang na ngai maw?” “Nan inn na ngai maw?” ti hi. Kan I hal ngaimi bia a si cang. Kan ngai rilmal. Cheu khat nih an kan ti.

Ral nan zaamnak hmun ah nuam tukin nun I tim hlah u. Mit nan kem an kan ti. Kan lenglang cun ai nuam mi zong kan lo ko lai. Kan chung cun aw, “Thantlang kan ngai. A kang cia kan inn kan ngai” A kangcia inn le lo bantuk ngeih khawhnak ding caah Samfa tiah ruahchannak he kan hmai kan I panh ter. Credit: Salai Velte

Amay Suu cu Nipidaw Thong Inn ah an ṭhial tikah, Kawlram mipi kan ngaihchiat dih hihiar ko. Abik in NLD fans asi mi kan nih vialte kan zual khun. Voi hnih thih bang in kan ni faksak bak ko. Nain Keicu hmuhning dang in ka hmuh. Ahlan ahcun khoika an chiah kan hngalh lo. Tu cu kan hngalh cang. Cucu Amay Khamh nak le khumzual nak caah Lamkaltu asi.

Hi tluk a ṭhancho mi vawlei ah, IT fimthiam nak le IT thilri hmang in; Amay Suu le Ralhrang keneh zulh hi a har bak lo dakaw? Minung an um ballo nak, thetse ramcar, khua te pakhat ah aathup huar ko mi Binladin hmanh an kawl I an hmuh khawh. Siichunh awk ah aa ken mi siichunhnak kha an char. Cu ka te ah aa benh mi DNA kha an lak. Cucun Biladin keneh zulh an thawk khawh. Binladin he aa nainiam bik mi an um nak hmunhma kha Zoom In an tuah hnu ah;

Binladin khoika dah aum ti kha fiangput in an hngalh khawh. Ava mak em em ee, ti mai aw. Nipidaw Bantukin a fate tuk mi khualipi ah Amay Suu an thuh ti cu: nihchuak capo asi ko. Nikhat hnu nikhat thazang a ṭhawng chin lengmang mi CDF CNDF PDF Le UG hna nih Amay Suu an thuh nak hmuh ah fawi tein, an duh tik can poah ah an phan / phak khawh ti hi Uihrut rual nih hin an tuak lo maw asi hnga? An thluak nih a phan lo I maw asi hnga?

Amay Suu an rak khamh nak ah an I kah lai, an I tuk doh lai. Cu lio ah poipang thil pakhat khat asi sual ahcun: mawphurh tu ding cu anmah Ralhrang an si ko hen cu. Vawleipi nih dantat colh ding an si te lai. American, EU, NATO le Nitlak ram aathlak cang lai ti hi an thluak nih aphan khawh ti lo. Uktu le SPH si duhnak lawng zu le bing Bantukin a rit mi MAH asi caah. Atak ti ko lo ahcun Amay Suu le Rampi luban hna hrenkhumh hi ṭuanvo a lian tuk ti hi an hngalh rua lo. Amay Suu pakhat khat asi sual ahcun an kan zulh dawi cawlh ti hi an bang khawh rua lo.

U Than Shwe chan ah Amay Suu Inn ah an hren. Thinphang daih loin an um lio theng te ah, William Yettaw timi pa nih tilio in Amay Suu khumzual aa timh. An ningzak tuk ah Vawleipi hmai an khap tilo caah thong an thlak bak ve. Tu Bantukin Amay Suu an ṭhial timi hi an chiah nak hmunhma kha a him tilo, UG nih an rak khumzual sual lai an ti caah asi ko hen cu.

Zinbo le Kimminchu hna bangin Inn pakhat ah, amah te lawng in an chiah ti cu kan hngalh dih ko hen cu. Thuh santlai lo asi. Thong Inn asi caah, Sentary a ṭha tuk mi asi caah, biatak tein veng him a herh lo an ti nak asi ko men lai dah. 1nk: An caah a him ngamsam tiah an I ruah nak Nipidaw hmanh ah, Kan mah lei ah a um mi relcawk lo thetse zat kan si kha an hngalh lo caah asi.

2nk: Ahlan ah an chiah nak kan hngalh lo. Atu kan hngalh cang. Saphu a thal hma a mah tein aa chimh asi ko lo maw? 3nk: Hlan ah cun minung um lo nak ah, thawngpang I theih khawh lonak ah an chiah. Tu cu Thong Inn ah an chiah cang caah Amay Suu he aa pehtlaih mi thawngpang arau hlan a chuak zau lai. Hi hnu zong ah pehzulh tein Amay Suu thawngpang hngalh khawh asi cang lai. Cucaah adang tein an chiah timi asi khawh lo men ka ti tawn.

Kan holh duh rih lo I asi ko. Ni khat khat cu Kimmicho zeidah a tuah te lai ti kha ka hngalh. Ka zumh mi kha ka hngalh bang in. Achiakha mi lakah ṭhatnak tampi kan hmuh te lai. Mipi hna nan Ngaichiat hrim hlah uh tiah kan ti ko hna hi aw…Cucaah Amay Suu zangfah tuk asi ti hlah uh. A ning ṭih ti hna kha cu Lai thluak asi. Asi khawh lomi asi. Thluak ngeih lo tuk bia hen ta. Credit; Zingtincuai Cinzah

Be the first to comment

Leave a Reply

Your email address will not be published.


*