Thantlang khua Chungah Tlangval Van Ceu Cung Kum 21 Cu Bomb Lamh Sualnak In A Nunnak A Liam

February Ni 4 Ah Thantlang ah CNA sergeant pakhat a nunnak a liam ti ah theih si. Thantlang khua Chungah Tlangval Van Ceu Cung Kum 21 cu Bomb lamh sualnak in a nunnak aliam Tlangval Van Ceu Cung Hi Thau a si A tuak hi Thau lei ah an tlun pi tiah Theih a si.

Ban tuk hin Ralhrang Nih Aana An lak Tangin Ni hin nitiang ah Ram le Miphun Caah ti in Rian Tuan tu hna nih an Nunnak tam an pek cang an caah Thlacam dai thlan awk a tha Hrim Hrim lo kan ram caah Rian tuan tu hna hi thlacamnak in bawm peng hna uh sih.

Credit: The Chin Post

Relchap:Cakuat: Fahniang pathum: Chun laicer ah Arfi an ṭil! Nizaan, June 5 zaanlei sang thil cang mi cu lungthin a kheh, a khuai i a hman dih cikcek. Hringtu nule nih an dawt cukmak mi hna fahniang pathum nih nikhat te ah miphun le ram caah an nunnak an pek. An i ruah mi a si hrimhrim lai lo mu, hiti thil can ding…

Lai mi nih, sonhtarh in zun ngaihnak thla kan timi June ah nunnak an pek! Philh awk a ṭha hrimhrim lai lo! Hringtu nu le pa caah Fahniang an si lawng silo in, Miphun caah hrimhrim ah fahniang ṭhirual khi an si. An no tuk hringhran! Hmailei ah, bochan tuk ding an si… nain… Zapi kan Thaizing caah, an nih an Nihin cu an kan pek piak ai kun mu.

Arfi fi pathum, fahniang hna hi hringtu nu le pa nih cun zohchun taktak mi an si hna hnga mu. Riantuan ah fel mi, chungkhar caah santlai mi, pumpak in a zuam mi. Tutan buai hlan ahcun, Sianginn ṭha tein a kai cuahmah mi, pum pawcawm nak ah lo rian ṭha tein a ṭuan mi le biakinn ah a si khawhnak in a cawlcang mi kan nau hniang le an si. An tuah mi ah hawi nak in thiamhlei cuang mi…

Hawi sin ah cun, miphun le ram caah a ti ko nain, Inn phanh ahcun, hringtu nu sinte ah a benh i, nu kiang te ah itzau mi le fahniang si ko bu in, chungkhar caah pum pawcawm nak ah a fel taktak mi a si. Ram buai hlan ahcun, Inn le Lo ah fel taktak mi, Dum ṭha taktak a tuah i, saṭil zuat in le tulio ah lar mi Tolreba cin in nitin a cawlcang mi khi a si.

Hringtu a nu nih cun, Kafa nang cu chuak ve duh hlah law, keimah ka um pi ko, keimah ka zohkhenh ko tiah a hei ti len ko lai mu ka ti. Nihin ah, hopoah nih tuah khawh lo mi, Miphun caah nunnak tiang a pek, miphun nih kan tuar. Zei tluk in dah hringtu a nu nih a hei tuar hnga mu…

A dang pakhat hi, Biakinn ah a pe i Pathian ram caah siseh, zeitindah ngakchia le kan naule hi ṭhan ṭha in an ṭhan khawh lai tiah a cawlcang zungzal mi mino fel. Culawng hlah, Biakinn ngeih a ngeih mi chawhlehnak ah hman mi thonghtham zong ah a fel taktak mi khi a si.

Hmmm! an pumpululh chuih thiam cu chim awk a um lo. Cu an thiam mi an pahrang in miphun zong an rak aiawh. Zeidang silo, Kawl Ral pawl hi cu a duh poah in a tuah kho ding mi khi a si. Ram hei ṭha chinchin sehlaw cu a huam mi le a thiam mi in a pumpaw a cawm ding tuk khi a si.

Hmmm! Fahniang lawngte … hmailei ah miphun le ram caah santlai te hnga i, chungkhar caah zong ah a kan thathnem pi lai timi ruahnak he, a thancho lai ding mi kan sinak in, a herh ding mi “Engineer” a cawng lio mi ngakchia te khi a si. A liklak, nih huam, mi a nuamter tuk mi a si. Chungkhar ah fahniang a si nain, miphun rian ah tuah ding, umkal le thut dir ding ah zeitik hmanh ah a al bal lo mi te a si….

Ka siang hrimhrim hna lo! Caan tawite kan um chung ah, kan duh mi a khah ruang ah, hmuitinh a khat mi si ruang ah, um ti caan ka ngeih khawh mi chung in nihin ah miphun caah nunnak tiang an pek…

Ka siang hrimhrim rih hna lo ka naule fahniang pathum hna! June thla phanh hi ka rak zenh in, ka rak tih zungzal lai ding hi ka phang… Teinak thantar he ton ṭhan ding cu ka rak hngak hlang nain… kan ruah phanh lo mi, theih lai kan zenh tuk mi, ton kan duh lo mi nih, thihnak varal ah na kan kal tak chung mu!

Asinain, Miphun caah zumhtlak in nan cawlcang i nan nunnak nan pek timi cu kan rak philh lai lo …. Chun laicer nan ni a tlai ai kun mu! Nan u santlai lo. A luan Cia cang mi a si nain kan chiah than mi si.

Credit: The Chinland Post

Be the first to comment

Leave a Reply

Your email address will not be published.


*