Thantlang khuapi chung um hmunkhuar mi CNA, CDF Ralkap caah thawngpang tha!

Malaysia Zaantlang Fellowship Nih Thantlang Um Chin Ralkap Caah Kumthar Tuahnak Phaisa An Pekchanh
========
Thantlang peng, Zahnaktlang, Malaysia Zaangtlang Fellowship nih Thantlang um mi CNA/CDF kumthar tuahnak caah MMK 2774400 an lut hna tiah kan theih, Pechantu Malaysia Zaantlang Fellowship cungah lunglawmhnak tampi kan ngei Pathian nih thluachuah chin ko hnaseh.

Thantlang Um SAC Ralhrang 2 CDM An Tuah! December 25 tuzing suimilam 12:30AM hrawng khan Police sakhan ummi SAC ralhrang 2 cu kanmah le CNA tiin duty an laknak Van Thio inn ah an vun i ap i hriamnam pahnih le kuanzen zeimaw zong an vun i chuahpi. Anmah data pawl cu fiangfai in kan ngei deuh rihlo le a hnu ah thawngthanh khawh kan vun izuam tthan te lai. A zaan in (Camp Victoria) lei ah an lanhpi colh hna tiah tualchung hriamtlai lei in theih a si.

Mipi le Federal Ralkap Phu Nih Syria Ral An Tei Lomi Cu Bu An Tam Tuk Caah Asi! Syria Ral cu 5 March 2011 ah aa thawk. Kum 1-2 ah Tei awk ah an ti ko nain Kum 11 a rau cang. Mipi le an Ralkap nih an tei hna lo. Ralhrang Tamada Bashar al-Assad nih 2000 in nihin tiang a uk hna caah thlak an duh caah Civil War aa thawk nak hi asi.

Tamada Assad an tei khawh lo nak cu: Ralkap phu an tam tuk, Hmunkhat ah an I fonh khawh lo . An Policy le an chunmang aa lawh lo caah an I fonh khawh lo. A pak in RAL an doh caah Ralhrang tei khawh lo in, kum 11 an rau cang. Paucan Dohthlennak hi Ralkap phu kan tam tuk. Hmunkhat ah kan I fonh khawh lo, Kan Policy le Kan chunmang aa dan dih. Syria Civil War he a muisam aa khat ngai ko.

Paucan Dohthlennak ah EAOs le NUG pumkhat an si khawh lo. Alliance lawng in an um. One Command le Order ah an um khawh lo. C3C le C2C in ral an doh. Kawl ERO asi mi Bo Nagar (MRNA), BPLA tbk cu NUG nih hrawk an duh hna. NUG Kuttang PDF LDF an um dih lo. Sakai lawng ah PDF LDF 150 leng a um. Kawlte PDF LDF 400 leng ah hnarcheu nakin tam deuh cu NUG ah um an duh lo. NUG kuttang um duh lo hi EAOs le an fale CDF PDF lawng asilo.

NLD le MPs rual nih Federal an duh lo. NUG le NUCC ah Federal a duh lomi tampi an um. NUCC nih Federal Phunghrampi suainak in NUG Vuanci cheukhat le NLD MPs rual cu meeting in an chuak dih. Tlangcungmi duh ning in Federal Phunghrampi suai nan I timh an ti hna.

Cucaah Pumkhat siter khawh lo tu le lungrual ter lo tu hi NLD, MPs le NUG an si mi hi a poi tak mi cu asi. Pumkhat silo buin le lungrual lo pi in 2023 kum ah Ralhrang kan thluk khawh hna lai maw? Ruah len awk a tam ko. NDAA ning in USA le Ramdang nih Hriamnam bawmh ding asi ti lo. Mah le kutke tein Ralhrang tei awk hi Pathian Planning asi cang.

MAH kan thluk khawh lo ahcun Lungrual lonak le Pumkhat silo nak ruang tu ah asi te lai. Hihi Tukum Keimah Christmas Laksawng si seh. Syria raldohnak ah Ralkap hi phu 4 an um. (1) Tamada cozah Ralkap (2) Democracy Ralkap (3) Zalonnak a duh mi Tlangcungmi Ralkap, (4) ISIS Ralhrang phu ti an si. Ralhrang Tamada bawmh tu: Syrian Armed Force, Syrian Arab Ralkap phu, Iran, Russia, Lebanon hrambunh Hezbollah Ralhrang (Israel Cihmih duh tu)

Tamada Assad he zuamcawh tu: SNA (Syrian National Army – Syrian Interim Government). NUG, EAO, CDF, PDF he aa lawh ngai. SNA bawmh tu cu USA, Turkey, SSA, SSG Syrian Salvation Government, Syrian Salvation Army hna an si. Syria ram ah Muslim ram dirh a duh mi cu ISIS an si. Bawmh tu Muslim le Arab Ralhrang hna cu: Al-Qaeda, Jabhat al-Nusra; Jabhat Fatah al-Sham; Hurras al-Din. Muslim Prophet asi I Crusade ral tei tu Caliphate II nak kan si tiah ISIS Hotu bik nih Muslim Ramthar dirh a duh. Jerusalem, Israel, le Krifa ram vialte hrawk dih an duh.

Zalonnak caah Raldoh tu phu hna cu: Kurdistan Ralkapbu, Autonomous Administration Of North And East Syrian (SDF); CJTF – OIT; Maghawier al-Thowra (Syrian Free Army). Kurd Miphun hna hi Iraq, Iran, Syria, Turkey, Armenia tbk ah aum mi Kurdistan miphun vialte fonh in Ramthar dirh a duh mi an si. Babylon SPH Nebuchadnezzar an tei I Empire an dirh. Bible chung ah aum mi; Daniel Chiandeih thongthlak tu SPH Darius kha Kurd Miphun asi. Iraq ah Kurd Federal an um cang. Kurd Empire Teitu cu Iran SPH Cyrus (Nehemiah A Pu) asi.

Be the first to comment

Leave a Reply

Your email address will not be published.


*