Malaysia ah kan dawtmi Thawng Pum Thang nih Mual A Kan Liamtak ee. (Kum-30)
=====
Minung nih theih kan duhlomi le kan hrial khawhlomi thihnak cu kan dawtmi Thawng Pum Thang nih tuni ah a ton caah khuami dihlak kan ngaih a chia ngaingai.
Malaysia Senthang Christian Fellowship kan menber chungin Kyarinn khuami Pu Thawng Pum Thang (Kum 30) nih ruah lo tuk in mual a kan liamtak. A Nupi le Fanu pakhat, apawi lio mi a rauhtak hna. An chungkhar ca le khua mi rualchan dihlak caah thlacam bawm cio hna u sih. Ruakvuinak kong kau cu Update kan vun tuahthan te lai.Tantak mi chungkhar Bawipa tunih hnemhram ko hna seh.
Thawng Pum Thang cu Kyarinn khuami Pu Than Za le Pi Par Hliang (USA) hna i an fa le 3 lak ah upabik fapa a si. A nupi hi Sandy Lat a si i fanu pakhat Sarah Van Sui Tha Par an ngei. Atu hi nausem an pawi lio a si. Hmuh lai an i ngaih tuk lio te ah a kan liamtak cu lung afak khun ee. Amah hi 2010 kum ah Malaysia a rak phan.
(20/07/2022) tuni Johor Baru an riantuannak ah zahan damlo in a um i tuzing ah Sekhan an kalpi. Sekhan nih Siizung ah va kalpi zawk ulaw an ti i Ambulance mawtor in Siizung pi ah an tlik pi i Oxygen an pek cawlh nain Doctor te nih an khamh manh lo caah ruahlo tuk in a kan liamtak hi asi.
Aruak cu (21/07/2022) chun ah Semanyint thlanmual ah vui a si lai. Tuzan nazi 8:00pm in ZZLMS programe in MSCF Biakinn ah (Funeral Service) pumhpinak a um lai.
Thawng Pum Thang nih tantakmi a nupi a fanu le a nu le pa a unau pipu rualchan chungkhar nan ngaihchiatnak kan in hrawmpi hna. Bawipa nih intuar khawhnak taksa thinlung thazang in pe ko hna seh. Kan in sianglo tuk ee. Malaysia Kyarinn Unau
Ka naupa sian na um lo tuk hringhran ena chantawi tuk e na liam siaherh tuk lai mu Pathian tu nih na chungkhar vial te le lung akuai mi vial te hnem cio hram ko hna seh sian lo bu tein mang tha law. Ca tluk ka ngeihchiat cu dah vawlei ngai hi aw zungzal kan um nak ding hrim cu a si hrim lo ee Ram lak pangpar ban tuk men hi kan si tak ko a kal tak mi nupi le a fa le Pathian tu nih intuar khawh nak in pe ko hna seh law.
Maw ka thin Sarah pa aw kn ngeih achiat tuk hring hran ee zumh hi ahar ko ee Sarah pa aw na dawt cup mam mi na fa dawt le na nu pi ca ko ah lung hi akeh kuai tuk hring hran ee na Liam siar aherh tuk ve ko lai mu Sarah le Anu bawipa nih atha bik in lam in hruai ko hna seh law khua in Khan piak ko hna seh law lungthawn nak tha zang in pe ko hna seh kn nih Chung khar nih ngeih chiat nak kn I hrawm pi ve hna.
Kan theih duh lo tuk mi thawng pang kan theih than cu a poi ngai ko Bawipa nih tan tak mi chungkhar intuar khawh nak in pe hram hna seh nan ngeihchia lung kuai nak kan intuar pi ve hna. Ho nih hmanh kn celh cio lo kn um nak cio in ka tuar kho lo maw a fak e ka ti vawlei kn nun can tawi zia Sandy Latt Kn tuar pi tuk ka nau Bawipa nih in kil ven ko hna seh ka tuar kho lo cu ka thin mitthli zul kialmal um nak cio ah.
Hi bamtuk thawng kan thei cu kan ngei a chia ngai e. Tantak mi chungkhar Bawipa nih hnem hram ko hna seh mu. Ka khuaruah a har i ka ngeih a chia mah thawng ka theih cu. Bawipa nih a tan tak mi chung khar in hnemh ko hna seh law. Ngaichiat a tong mi Pu Than Za Chungkhar le Malaysia um Kyainn Unau hna Bawipa tu nih nan mitthli in hnawh hna in, in hnemh ko hna seh,Nan ngaichiat nak hrawmpi bu in.
Leave a Reply