Thawng Tha Tuk A Van Chuak Cang

Thawngpang Tuk A Chuak Ralhrang Zeitik Poah Ah Kan I Doh Pi Hna Lai Tiah Lungtling Nak An Ngei Cang.

Kachin Independence Army (KIA) he raltuk siseh, ramkhel ah siseh hmunkhat teah ṭangṭi ding in timhcia kan si, tiah Northern Alliance phu 3 simi Arakan Army( AA), Ta’ang National Liberation Arny( TNLA) le Myanmar National Democratic Alliance Army( MNDAA) hna nih nihin Febuary 5 ah cathanh an chuah. Nihin Febuary 5 ah tuah mi “Kachin Revolution Day” kum 61 tlinni lawmhpinak ah Northern Alliance phu 3 nih Ca an kuatmi hna chung zong ah hi kong hi an ṭial chih. Northern Alliance phu 4 hna cu a luancia caan zong ah ramkhel kong ah hmunkhat te an ṭuanṭi bantuk in a herh ahcun ral kong zong ah lungrual tein a rak dohṭi pengmi an si. KIA cu 1961 February 5 ah rak dirh mi a si caah Febuary 5 cu “Kachin Miphun Dohthlennak Ni/ Kachin Revolution Day” ah an hman i an miphun ning in uangthla ngai le hlunghlai ngai in kumfatin lawmhnak an tuah tawn.

Saw peng, Laungshi Khua Kahdohnak Ah Sergeant Pakhat Le Ralhrang Pakhat An Thi: Magway ramṭhen, Saw peng, Laungshi khua, meithat zung ah umhmun a khuar mi ralhrang pawl cu PDF-Laungshi le Yaw Defense Force(YDF) phu i bawm in February 4 zingka suimilam 7:00 hrawng ah an kah hna i Sergeant pakhat le ralhrang pakhat an thi. Ralhrang nih ruahdap in hriamngan an kah ve hna caah khua mi pakhat a thi i pali hliamhma an pu, tiah theih a si. Saw peng chung ah a um mi ralhrang nih umhmun an khuarnak hmun pohpoh le ralhrang lei ṭang, le ralhrang he aa pehtlai mi pohpoh hna cu PDF-Saw le YDF i bawm in nizan February 4 ah an kahdoh hna, hi a si. Ralhrang nih an duh caan pohpoh ah hriamngan le meithal ruahdap in an kah tawn caah khua mi dihlak nih khual tlawn rih lo ding le dum ah a kal mi zong nih ralring deuh in kal a herh, tiah Laungshi-PDF nih cathanh an chuah.

Credit .The Chin Post

 

Be the first to comment

Leave a Reply

Your email address will not be published.


*