Thawngpang Tha Taktak; Min Aung Hlaing nih a lungrawk nak kong le a lungretheih nak kong a chim cang!!

Rampi Chawlehnak A Thancho Lo Caah Vuanthan Pawl Thlahlawh Kaih A Ngah Lo-Min Aung Hlaing!
=====
Rampi chawlehnak a thancho lo caah cozah riantuan vuanthan pawl thlahlawh kaih (chap) an ngah ti lo tiah, SAC ralhrang lutlai Min Aung Hlaing nih lungrawk ngai in a chim. Min Aung Hlaing nih” Vuanthan thazaang in rikhiah piak mi rian, tuanvo pawl cu tuan khawh dingah a herh nak kong,

MAH-Speeches.jpeg

A herh loin private sector ( ပုဂ္ဂလိကကဏ္ဍ) lei ah rian khinh tuah lo ding a herh nak kong, hruaitu zung le rian a tlai mi nih zung rian tuanvo ningin a dik tein tuanvo lak le tawlrel a herh nak kong, Tuan man thlahlawh kaih (cahp) khawh nak he pehtlai in rampi ii chawlehnak thangcho loin tuanvo laak piak a ngah lo nak kong,

MAH-Speeches.jpeg

Vaunci zung kip in tuanvo ngeitu hna nih rampi a thancho khawh nak, ngah awktlak le co awktlak phaisa a lut mi pawl cu tling tein ngah khawh nakhnga ding caah zapi i telum i bom in tuanvolak a herh,” tiah Nay Pyi Daw ah tuah mi Pyidaungsuu Cozah phu tonbiaruahnak ah (No-8/2022) ah lungrawk ngai in a chim.

MAH-Speeches.jpeg

Vuanthan pawl he pehtlai in tuanvo ngeitu hna nih a cung le a tang hlungtlai ngaiin chawnhbiak ding le uknak lei zong ah i fonhtom in ai tlukruangmi uknak system si ding a herh ii, an mah nih rian tuanvo an lak mi pawl cu cohlan a herh bantukin vuanci zung kuttang ah rian a tuan mi pawl nih chawleh riantuannak pawl cu tuanvo lak a si lai ii hruaitu zung lei nih vuanci zung nih biachahnak a tuah piak mi poilicy pawl cu dik tein tuanvo lak a herh, ti zong in a chim chap.

MAH-Speeches.jpeg

Ramdang phaisa ngah khawh nakhnga dingah ramleng thil kuatnak pawl cu tamdeuh in karhter chapin kuat khawh nak hnga dingah aa pehtlai mi vuanci zung lei nih i zuam in riantuan a herh ii, ramleng hna nih an herh mi pawl cu theih khawh dingin i zuam in ramdang phaisa ngah khawh ding timi cu langhter in rampi ii chawlehnak cu thancho ter dingin tuanvo lak a si lai, ti zongin a chim.

MAH-Speeches.jpeg

Assam Rifles Nih Myanmar Rammi 4 An Tlaih Hna, India, Mizoram ramkulh, Siaha pengkomh Tuipan khuapawng ah Assam rifles nih myanmar mi 4 cu Kenbo 125 cycle pakhat le hriamthil he ai pehtlaimi thilri he October 30 ah kan tlaih hna tiah cathanh an chuah.

A luancia October 26 ni zong ah Siaha pengkomh Niawhtlang khua pawng Myanmar ramri ah Kenbo cycle he hriamthil a phurtu Myanmar rammi 4 cu Assam rifles nih an rak tlaih bal cang hna.

Yangon Ah A Ummi Min Aung Hlaing Le Soe Win Inn A Hngaktu SAC Ralkap Check Gate Kah An Tong, Nawlngeihnak latu Min Aung Hlaing le Soe Win an inn a umnak Yangon, Inya lam ah humhimnak a latu SAC ralkap check gate cu a luancia October 31 zan ah kah an ton caah cuka hmun kiangkap cu motor luhchuak khawh a ngah ti lo, tiah palik he naihniam in a ummi hna sinin theih a si.

“Kah an tonnak gate hi Min Aung Hlaing le Soe Win an inn hngahnak ca ah biapi in an hmanmi gate pakhat a si i nizan November 1 thawk in zan sml 8:00 thok in lam kham dih ding ah SAC nih nawl an chuah,” tiah Khit Thit Media nih an langhter.

Min Aung Hlaing le Soe Win an inn umnak Inya lam le Pyi lam thluan vialte cu SAC ralkap nih an congh dih ko nain October 31 zan ah motor in check gate hngak SAC ralkap a kaptu motor an tlaih khawh lo ruangah anmah ralkap le palik lila checkhlatnak an tuah hna, tiah theih a si.

Kahdohnak A Chuak Sual Lai Ti An Phan Caah Paletwa Peng Khuate Pathum Um Mipi An Zam Dih , Chin ramkulh, Paletwa peng ah AA le SAC ralkap kar kahdohnak a zual ngaingai caah Paletwa peng khuate 3 um khuami hna cu an zam dih, tiah mi bawmchantu pastor pakhat nih a chim.

“Zeitik ah dah kahdohnak a chuah lai ti chim khawh a si lo. A zammi khua 3 hna cu AA ralkap le SAC ralkap an umnak he naih teah a ummi an si caah a hlan kan in an zam chungnak a si,” tiah a chim chap. Tharyarkone, Kyaukpala le Sattharlawa(ဆပ်သာလ၀) khuami inn 90 hna cu Miza khua ah an zam i milu in 350 leng an si.

Church min in kan kuatmi hna hi kyats sing 10 hrawng lawng a si. Chungkhar an tam caah an i za lo, a tlawm bik sing 100 leng paoh cu a hau lai, tiah pastor pakhat nih a chim. Paletwa peng ah AA le SAC ralkap kahdohnak a chuah ṭhan caah tualchung mi hna cu Paletwa khua chungah a zammi zong an um. Ralhrial in Paletwa khua chungah aa dormi hi 5,000 leng an si cang, tiah theih a si.

SAC Ralkap Nih Khualtlawng Mi An Dirter Hna I, An Cycle Ah An Phone Battery An Tun Hnuah An Kalter Hna, Chin ramkulh, Hakha Cawbuk sang check gate hngak SAC ralkap nih khualtlawng mi hna cu an dirter hna i, anmah an phone battery an tun hnuah an kalter hna, tiah theih a si. Crd-The Chin Post

Khualtlawng mi pakhat nih, “Ka pi a dam lo ruangah Hakha ah kan kalpi i cawbuk check gate kan phak ah ralkap nih sentari an cawnghnak buk tiang rak kai u an kan ti caah kan kai, sau nawn an kan hren hnuah kan lan kho ṭhan,” tiah a chim.

“Kan phone an kan check hnuah khoika in dah nan rat tiah an kan hal. Nan cycle ah ah kan phone battery kan i tun ta lai an kan ti i, an i tun ko. Minutes 15-20 chung hrawng an i tun hnuah kal cang ko u an kan ti i an kan thlah,” tiah khualtlawng mi pakhat nih The Chin Post ah a chim.

Hakha mei a rawh ruang ah a si lai, ralkap zong phone battery an ngei ve lo, an van a sang ngaingai. Ka pi dam lo ruangah hnawhnam ngai in Hakha kan kalpi i, atu bantukin harnak an kan pek i kan cycle ah an phone battery an i tunmi hi cu a poi ngaingai ko, tiah a chim chap.

Cun Cawbuk check gate hngak SAC ralkap le palik nih khualtlawng mi cheukhat cu zu cawkpiak ding in Hakha lei ah an kirter tawn hna, tiah theih a si. Zu cawkter a tongmi pakhat nih, “Khua lei kal ding in kai thawh i check gate hngak ralkap nih zu cawkpiak ding in zu dawr ah an ka kalter caah ka khuallam zong kai i tinh ning in ka phan kho ti lo. Ka cawkmi zu zong ding ve an kan ti ko nain ka duh lo,” tiah tiah The Chin Post ah a chim.

Hakha Ah Ni 13 Chung Mei A Rawh Caah Meilul (Phazawngdan) Le Meihol A Dih Cang , Chin ramkulh, Hakha ah mei a rawknak ni 13 a si cang i, meilul (pha zawng dan) le meihol a dih cang, tiah theih a si. Hakha dawr kip ah meilul kan kawl i cawk awk a um ti lo, an rak cawk dih cang. Hakha dawr ngan bik Pearl Store zong ah a um ti lo. A man zong a kai ngaingai i minung pakhat nih voikhat cawk ah bawm tam pipi in an cawk, tiah theih a si.

Mei hi caan sau nawn a rawk rih kho menmi a si tiah thawngpang a len caah cheukhat cu solar le battery an i cawk cio hna. Mi sifak deuh nih meilul bawm khat hnih te kan i cawk i, cu hmanh cu a dih cang. Meihol cawknak chinchin cu a har ngaingai ko, tiah tualchung mi pakhat nih a chim.

Hakha ah Kawl leiin a ra mi meihol tunkhat ah kyats 15,000 le Lai meihol a tlawm bik kyats 18,000 a phan nain cawk ding a um ti lo. Meilul hi bawm khat ah kyats 1,500 in 2,000 kar a phan, tiah theih a si.Crd-The Chin Post

Be the first to comment

Leave a Reply

Your email address will not be published.


*