Thawngthar. ..Falam Inn Duahtu CCTV Nih A Mui A Tleih

Thawngthar: Khah Falam Inn Khantu An Mui Hmuh Khawh An Si Cang Hih.

Falam Khua Inn 4 A Khangtu Minung 3 Hmanthlak An Hmuh March 5 ah khan Chin ramkulh, Falam khuachung ah minung 3 hna cu Saikel he hmunthum ah inn khangh an rak i tim nain an hlawh a rak tling lo.  Asinain a thaizaan, March 6 zing ah Rih- Falam tlawnkalnak lamkam ah a um mi lothlam an khangh pinah a zaan sml 11:30 hrawng ah minung an umlonak inn pakhat an khangh caah a kam inn hnih a tlaih i inn 3 a rak ciam. March 5 zaan i inn khangh an i timh lio cu CCTV nih record a laak i, an photo cu zalen nih a tar langh.  Falam holh in an holh tiah inn pawngkam mi hna nih an chim. Hi hna 3 hi atutiang  an tlai kho rih hna lo, tiah theih a si. Ref: The Chin Post

Relchap: 1) March 03, 2022: Kalaymyo in Hakha lei ah a rak kaimi Kawl ralhrang hna cu Dokṭhet le Chuncung karah CDF Hakha nih bomb in kan kah hna caah ralhrang lei minung 8 an thi. CDF Hakha nih kan thlakmi video CDF file ah kan fim. Kan bomb kahmi nih fak tukin a khen hna caah hmai an kal ngam ti lo i Dokṭhek ah an riak. Cu an riahnak ahcun ralhrang a thimi an hawi le kha an ruak an lak hna i inn chungah an chiah hna, cu hnu ahcun inn an khangh. Dokṭhek khuami inn an khanghpiak mi hna inn 16 a si. 2) March 03, 2022: Hakha lamruk tonnak Gate hngak Kawl ralhrang hna cu kah an si. Leng a rak chuakmi pakhat a thi.

3) March 04, 2022: CDF Hakha nih an hmailei in kan bawh hna. Raltuknak tank kha hmai ah an kalter i hriamngan in an kan kah. Kunfang a niam tuk caah kan duhning in kan kap kho hna lo. 4) March 05, 2022: Chuncung khua pawng ah mine chiahmi (voi 8 ) an i lamh caah ralhrang lei in minung 11 (11:00 AM) an thi. An kal ngam ti lo caah lam cungah hmunhma an khuar. Kan hriamnam ai dan tuk caah chunlai ah kap loin zanlei muih kan hngak. Zaanlei muih hram a van i thawk ah (7:00 PM) kan pel hna i kan kah hna, minung 10 an thi.

5) March 06, 2022: Chuncung le Hakha thar karlak ah kan kah ṭhan hna, ralhrang minung 3 an thi. Mine kan chiahmi (mine detecter an hman) an theih caah an kal ngam ti lo i Hakha rungtlang ummi (266) sinah bawmh an hal. Rungtlang lei in chanh dingah a rak rami cu Hakha thar an lonh ah kan kah hna. Minung 2 an thi. Inn le Lo an khanghmi le hliamhma tuarmi 6) Dokṭhek (March 03, 2022) khua i ralhrang an riah lio ah khuami inn 16 an khangh. 7) Hniarlawn thar an phak lio ah inn 2 an khangh, pastor pa inn pakhat aa tel.

8 ) Nu pakhat hliamhma a tuar. Ram le Miphun Caah Nunnak Pemi 9) March 05, 2022: Chunchung khua i ralhrang an riah lio ah Pu Rung Hu cu ralhrang kut in a nunnak a liam. 10) March 05, 2022: Kan ralkap chungin Van Ṭha Simoen (kum 21) nih ram le miphun caah a nunnak a pek.   Fianternak: A tanglei kahnak ah, Kawl ralhrang lei in 18 tluk hliamhma an tuar. Report kan ṭialmi hi Hakha peng chung i kahnak lawng kan langhtermi a si. Ref: The Hakha Post

 

Be the first to comment

Leave a Reply

Your email address will not be published.


*