Thluak Ngandamnak Phaisa Tampi Dih Hau Loin

Minung kan Thluak, Mental Health Caah A Biapi Taktak mi Thil (4) Rak Rel Ve Hrim: Nurse Van Zi.

Kan thluak chung ahhin chemicals (dat) riantuan tu tampi a um, cu lak ahcun mental health caah a biapi ngaimi pa 4 an um. A herh ngaimi pa 4 cu nifatin te kan i nuamhnak ding caah fawi tein kan chuah ter khawhmi lawngte an si. Hi dat pawl hi riantampi an ngei cio nain mental health ca deuh a riantuanmi lawng a tang ah ka tial hna. Get your daily D.O.S.E of happiness.

(1). Dopamine “the reward hormones” an ti. Caan tlawm te ah tuahkhawhmi thil  tlamtling ten kan dih caan le laksawng tibantuk kan hmuh caan tibantuk a chuak. Dopamine levels a tam deuhnak ding ahcun:

Zingka ah kan thawh bak in puan kan bilmi te zong khi kan thluak nih a rak duh tuk.

Mi pakhat khat kan bawmh tik hna zongah a chuak (random acts of kindness).

(2). Oxytocin “the love hormone” an ti. Hihi kan mah ten kan i dawt caan asiloah midang nih an kan dawtnak an langhter tibantuk ah a chuakmi a si. Romantic relationships theng lawng nih a chuah ter lo hawikom sin zongin a chuak ve. Hi levels a tam deuhnak dingah cun:

Kuh/kutsih (Physical touch) tibantuk zong tuah ding. Nikhat ah seconds 20 te fek tein kan i kuhmi hmanh nih khin kan lung a nuamhter tuk cang ti a si.

Hawikom he i chawnhbiak asiloah lenvah ti tibantuk zong mu

Hla kan duhmi phun zong ngaih.

(3). Serotonin “the mood stabilizer or the feel good hormones” an ti.  Kan mah tein kan i zumh (confidence/acceptance) caan ah a chuak. Hi nih a chuahpi mi cu kan stress tuk lio zongah lungdai tein rian a kan tuan ter khawh. Asiloah kan duhtukmi rawl kan ei caan maw kan mah ten kan i zohkhenh caan tibantuk zongah a chuak. Mah hormones a chuahnak ding ahcun:

Zaanfatin mitkuh thaw tein ih ding.

Innleng zongah chuah i nitlang toh pah ding.

Parks tibantuk hna kan i chawhmi te zong a tha ngai.

(4). Endorphine “the natural pain killer” an ti. Hihi lungfah/taksa fahnak kan ngeih tikah a chuak. Mah hormones a chuah caan cu:

kan nih caan le kan tah caan tibantuk zongah a chuak. Lungfahnak kan ngei i kan ṭah hnuah kan lung a damdeuh kan ti tawnmi khi hi mah hormones ruangah hin asi.

Thil a thakmi kan ei tik zongah a chuak. Thil thakmi kan ei tikah kan lei cu a fak nain a thak deuh deuh a thaw deuhdeuh.  Exercise tibantuk zong tuah ve ahcun a tha.

Credit: Katie Van Zi

 

Be the first to comment

Leave a Reply

Your email address will not be published.


*