Timit Kiangkap Um SAC Ralhrang An Thawngpang update!

Timit Kiangkap Um SAC Ralhrang An Thawngpang!!
=================
A luancia mi thla chung in Timi hlei cu SAC ralhrang nih remh dingah an rak i thawh peng a sinain kan Chin hriamtlai phu hna nih an kahdohnak peng hna i caan saupi chung hlawhtlin nak hmuh loin hnu lei ah an kir tthan ton.

Cu kahdohnak ahcun SAC ralhrang lei in 140 hrawng an thi cang, tiah theih a si ii an hriamnam zong zeimawzat cu kan Chin ralkap hna nih an lak piak chap hna pinah hriamnam a chia mi zong an um, tiah theih a si.

Cu Hakha le Thantlang kar Timit hlei cu SAC ralhrang nih an remh dih cang ii an kuttang ah an chiah cang, tiah theih a si pinah Timit a chak Titta pawngte zongah SAC ralhrang nih sakhan an sak-chiah khawh cang, tiah theih a si.

Dipa thla hram thawk tuan deuh zongah Timit um SAC ralhrang nih kan Chin hriamtlai phufonh an umnak Sakhan cu zing slm 4:00 hrawngah kahdoh lak timhin an pel hna nain an thlawhtling lo, tiah theih a si. Cu kong pehtlai in CDF pakhat nih,” Zingka suml 4:00 hrawng ah kan Sakhan lei ah SAC ralhrang an rak kai mi kan hmuh.

A tam cu an si lo. Kan umhmun lak an timhin an kan pel mi a si lai. Kan mah lei zong kan i ralring peng ko. SAC ralhrang cu dei lei mui chupchap hrawngah sakhan lak an hmang ii kan mah lei zong nih timhcia tein kan bawh peng ve ko hna.” tiah a chim. Timi um SAC ralhrang hi a tam deuh cu cung lei in rak thlah mi hna commando ralkap deuh an si hna, tiah theih a si.

Bukalay peng i CDM a lut mi Palik pakhat cu Mine bomb nih a puah hnawh i a nunnak a liam Ayeyarwaddy ramthen Bukalay peng i Palik CDM a tuah mi Kyaw Lin Aung cu Mine Bomb an thianh nak ah bomb nih a puah hnawh i a nunnak a liam tiah theih a si . A mah hi Kareni sinah CDM a rak tuah i dohthlennak ah a tel beh mi minung pakhat zong a si .

Mawngmakan Palik Sakhan Le Pyusawhtee Sakhan Tukdoh An Si, Dawei peng longlone myonay um, Mawngmakan palik sakhan le Pyusawhtee sakhan cu tukdoh an si nak le ralhrang a thi mi an tamnak kong Dawei Guerrilla Revolutionary Force -DGR nih nihin ah an thanh.

Hi tukdohnak hi Dawei Guerrilla Revolutionary Force – DGR(Dawei pah-kah-phah)၊ TPDF၊ Dawei Dafence Team- DDT tatkhuai(3)၊ Special Comando phu ၊ Dawei Dragon PDF B-1 i bawm in an tuah mi a si.

Intai Khua Cu SAC Meikhangh Nak Tuar In Hnarcheu A Ciam, Sagaing ram then,Kyunhlah peng Intai khua cu SAC nih mei in an khangh caah hnarcheutluk a ciamdih tiah Kanbalu a cawlcanglio mi phu nih an thanh.

Dec-6 ni zing ah SAC kee ralkap (B-361)le pyusawhtee fonh in (200) hrawng a si mi ralhrang rual nih Intai khuachung cu hriamngan kah pah in an luhhnawh hna hnu ah chun hnu Sml 3 hnu in meikhangh nak an tuah tiah theih a si. Indai khua hi inn (270) a um mi khua a si i,inn (143) a ciam tiah vawlei lei thawng thanh nak in theih a si.

SAC ralsernak ruang ah cu ka khuami le a pawngkam khua mi thongreng lo ral an zam i ,Hi ralser mi SAC rual hi nihin zing Sml 8:00 ah khua cu chuah tak in Taphanseih Sinsuai sakhan an phan tiah theih a si. SAC nih khua chung ah mine an hmanh tak hna caah khua mi cu kirthiam rih lo in ramtang ah tlam i ser in an um ko hna tiah theih chih a si.

Hpapun Peng SAC Sakhan (3) Voi Khat Ah Tukdoh An Si Ralhrang A Thi Mi An Tam , Kayin ramkulh,Hpapun peng chung um SAC tatsakhan pathum chu voi khat te ah KNLA le FFD Drone ralkap phu hna nih an tukdoh hna i ralhrang tam ngai an thi tiah KNU/KNLA thawnglak nak in theih a si tiah khitthit nih a tar langh .

Dec -6 ni zing Sml 5:00 ah Kayin ram Hpapun peng chung um SAC tatsakhan (3) a si mi Letoo / Ngiatakhukyo le Khawpoh sakhan hna cu KNU/KNLA B-5 le an tantii phu hna nih kalhnawh in an tukdoh hna tiah theih a si.

Nizan zing Sml 6:00 ah Ngiatakhukyo sakhan cu fim a si i ralhrang a thi mi an tam hriamthil zong fimtawl chih a si mizapi ralkap lei (2) nih ramle miphun caah an nun nak an pek than tiah KNU he ai naihniam mi thawnglak nak nih an fehter tiah theib cu a si. SAC i Letoo sakhan le Khawpoh sakhan zong cu tukdoh chih an si i hi tukdohnak ah KNU/KNLA hna he tiah FFD Drone phu cu biatak te in an tang tiah theih a si.

South Korea zukcawl Zoh Ruangah North Korea Nih Ngakchia Pahnih Mipi Hmai Ah An Thah Hna, South Korea zukcawl an zoh ruang le an zuar ruangah ngakchia pahnih cu North Korea cozah nih mipi hmai ah a thah hna tiah MyanmaPlatform nih a langhter.

Thah a tongmi hngakchia pahnih cu kum 16 le 17 hrawng an si i an pahnih in a luancia Tho(October) thla ah Taluk ramri Hyesan khua vanlawng ground pakhat ah mipi hna hmai ah meithal in an khah hna hi a si. North Korea nih hin ramdang zukcawl zoh a kham i South Korea zukcawl pakhat khat a zuar a si ahcun ngakchia kumtling lo an si zong ah thah khawh an si tiah theih a si.

Thihdaan Pekmi Hein Htet A Pa Aan!, Thihdaan pekmi ah aa tel ve mi Hein Htet i a pa nih, ”tampi hal kaa tim lo, hi thihdaan in a luat ah cun kaa lungsak ko lai. Kum saupi a va si zong ah i hnemh khawh deuh a si, ruahchannak zong a um deuh. Thihdaan pi hi cu ruahchannak a dong ko,” tiah RFA nih bia an halnak ah a chim.

Hi dantatnak hi a tlari (fair) lo tiah a chim chap. Yangon, North Dogon um Kaba Yatana Bank manager ralbawi hlun Saw Moe Win nan thah timi sualpuhnak in November 30 lio ah SAC ralhrang nih thihdaan pek ding in bia khiah piakmi siangngakchia minung 7 lak ah Hein Htet hi aa tel ve. Hein Htet hi North Dagon University in degree a laak hnu in Korea ram i rianṭuan ding ah camipuai a awng cangmi a si.

Moesu (မိုဆိုရွာ) Khua Ah Mipi A Bupi In A That-tu SAC Ralhrang Hna Kan Tlaih Hna Tiah KNDF Nih Thanh, Karen ramkulh, Moesu khua ah December 24, 2021 i mipi a bu in a rak that-tu ah aa tel ve mi ralhrang တပ်မ (၆၆) tang um khah-ma-yah (108) chung in minung 4 cu Karenni mipi veengtu KNDF nih kan tlaih hna tiah thawng an thanh.

Hi ralhrang kut tang minung 4 hna cu bia an hal hna tik ah Moesu khua i mipi thah nawnnak ah hin တပ်မ (၆၆) kut-tang um khah-ma-yah (108) in an i telnak kong an phuan tiah theih a si. Hi thahnawnnak hi a luan cia kum December 24 lio ah Karen ramkulh, Moesu khua ah a cangmi a rak si i mipi 35 nak tlawm lo mei in an rak khangh hna.

Be the first to comment

Leave a Reply

Your email address will not be published.


*