Tlangcung hriamnam tlai haotu pawl lakah a mah pakhat lawng hi online interview tuah lio!

Tlangcung hriamnam tlai haotu pawl lakah a mah pakhat lawng hi online interview tuah lio!
=========
Chinram Federal kan hmuh khawh nakhnga caah nunnak thaptu kan Chin ralkap pawl, CNA, CDF nan zapi cungah Pathian nih in umpi in nan hmailei lam hruai chinchin ko hna seh. Chin ralkap Pathian nih thluachuah in pe chin hna sehlaw, nan hmuihtinh tluangtein nan phak hlang tiang, Pathian tu nih lam tha in ihruai ko hna seh.

CN0/CNDF ralkap pawl kan miphun caah kan i bochan hna. Miphun caah nan tuarsernak le nan pumpeknak vialte hi Pathian nih lam in hruai chinchin ko hna seh. Uar nan um i, kan in upat tuk hna. Nungak tete zong upatnak sang bik kan in pek hna.

Force Chief hi Election lio ah zeiruangah a si hnga Indpendence in a rak cuh ve hnga, khua ka rak ruah ngaingai. Chin miphun le Chinmi cu Chin Party ah funtom khawh dih siseh law, duh a nung tuk lai tiin ka thinlung tein ka rak uah tuknak kong ka rak ruat peng. Atu ah amah pumpek bak ralthuam le hriamnam he online ah hmuh a si tikah Chin ram a duhdawtnak tha tein hmuh khawh a si. Force Chief siseh, Chin ralkap nan zate cungah upatnak kan in pek hna.

Tutan Chin TV International Media nih interview an tuahnak kongah online ah phawhzamh cio a si tikah, Media nih Interview tuah lio ah Nungak a conghter pengmi ruangah soiselnak a tam ngaingai. Cheukhat nih tlangcung hriamtlai phu lakah aho hmanh Media Interview tuahlio ah a conghtermi an um bal rih lo, tiah an chim.

Peter Thang, CNDF, ralkap haotu pa khi ziah online interview tuah lio hna le media he interview ituah lio hna ah a kiang ah sentry conghtu a umter lengmang hna hnga. Mah kong hi fak nawn in ka SIA a rem lonak ka rak tial bang cang, midle-East lei ralhrang hna he an i lo pah caah sia a rem lo.

Tlangcung hriamnam tlai haotu pawl lakah a mah pakhat lawng hi online interview tuah lio le media he interview tuah lio ah a ralkap pawl a conghtertu ralkap haotu ka theihmi asi. Nungak no te ai conghter hrim khan ka zoh huam ti lo.

Cun, ramleng media pawl zong i ralrin ngaingai a herh lio a si. Kan ralkap pawl hi langsa tuk in tarlangh ngam ding an si rih lo. Ralhrang pawl nih fawituk in an kawl khawh hna caah a si. Teinak kan hmuh hlan ah hriamtlai phu pawl hi tarlangh tuk an si lo, tiah mipi cheukhat nih an ti ve. Kan tarlanghmi hna hna a tuan deuh rih ko, tiah chimh cio a si.

Chin ramkulh le Kawl rawn a um Chin ralkap vialte thla za kan cam piak peng hna. Kan Chin ram caah nan nunnak thap in nan pek mi hi kan in upattuk hna. Kaa in chimh khawh lo tiangin Pathian nih in bawmh hna sehlaw, teinak in pe ko
tukhna seh.

Rikhawdar khuapi Ralhrang sakhan ah meithal thawng lawngte theih a si! Chin ramkulh, Falam peng chung, Rikhawdar khuapi No.1 sang ralhrang sakhan lei in nihin May 23, 2022 zanlei suimilam 2:30 hrawngah meithal thawng le hriamngan thawng theih a si, tiah khuami sinin thawngpang theih a si.

ah March 29, 2022 ni ah Rikhawdar ramri gate ah CNDF hriamtlai phu nih um hmun an khuarnak ah ralhrang phu nih hmunhma an chuh hna hnu ah atu avoi khatnak hriamngan thawng kan theih hmasa a si, tiah khuami nih an chim.

Rikhawdar No. 1 Sang um khuami pakhat nih a chimmi cu meithal thawng hi kaphnih karlak meithal thawng bantuk in a thang, tiah a chim. Meithal thawng zong hi a din can le a puah can tiin a um peng. Hriamngan voi 4 hrawng thawng theih a si. Hi meithal thawng theihnak a hmunhma cu Rikhawdar lam le Falam lei kalnak tlangcung lei ah a si caah mipi hliamtuar cu an um lo, tiah thawng theih a si.

Hi meithal puah thawng kong he pehtlai in ralhrang phu le zei bantuk hriamtlai phu dah an si lai, timi theih khawh an si rih lo. Cu hnu ah nihin zing zongah Thantlang khuapi zong ralhrang phu le CDF hriamtlai phu kahdohnak ruangah ralhrang phu nih Thantlang khuapi cu an khangh than hi a si, tiah thawngpang theih a si.

Mindat khua ralhraang nih ningcang lo in hriamnam ngan an kah ca ah Madap khua bawhte pakhat a thi, ngakchia tel in hma pu zong an um.

Tu zing suimilaam 8:00 hrawng ah Council ralhraang pawl nih Mindat khua in Madap khuate cu hriamnam ngan in voi ruk nak tlawm lo an kah caah thla hnih bawhte pakhat a phei ah a khen i zaan ah a nunnak a liam, hma a pu mi zong an um tiah kan theih.

“Khua chung ah voi ruk hrawng a tla. Sii-inn pawng zong ah a tla. Lo chung zong ah an tla. A dihlak fonh ahcun zun 20 hrawng a si men lai. Safehouse ah a um mi thla hnih bawhte miakpi kuan nih a khen i zaan suimilaam 2:00 hrawng ah a thi,” tiah thawnghram pakhat nih a chim.

Cu lawng si lo in tu zing ah hriamngan kuan nih a khen mi ngakchia pakhat zong a ke khatlei a bul i khatlei a ruh a kiak. Wanmatu ah thlop ding in an timh. Ralhraang kah mi hriamnam ngan ruang ah khuami tampi zong hma an pu tiah kan theih.

Hriamnam ngan an kah mi chung ah a puak rih lo mi zong an um caah khuami an thin a phaang tiah theih a si. May 22 zaan ah CDF-Mindat nih Mindat khua Meithat Zung ah umhmun a khuar mi ralhraang pawl an va kah hna i ralhraang pahnih an thi tiah CDF-Mindat nih an thanh. Credit: The Hakha Post

Be the first to comment

Leave a Reply

Your email address will not be published.


*