Tlangcung mi Chemical Weapons le Nuclear In Cihmih Awk Ah Min Aung Hlaing Russia A Kal!

Tlangcung mi Chemical Weapons le Nuclear In Cihmih Awk Ah Min Aung Hlaing Russia A Kal Asi Men Lai!
========
Kawlram ah ruah lo tuk in Li aa hninh nak kong Tuak cio usih. Nipidaw le Mandalay Lamthluan ah Li aa hnin. Ruah asur lo, khuacan a chiat lo, Rili ah thlichia a hrang mi aum lo. MAH Thaninthari ah kan hnu thla ah khan a kal. Tlawmpal PDF he raldohnak fak pi in aum colh, khuami ralzam tampi an um. Arau hlan ah li aa hninh ti asi hoi. Tuak awk ngai asi ko.

Thaninthari kili kam ah khur thluanpi an cawh tiah thawng pang a rak len bal. Salone miphun hna cu Thaninthari Ti ah nga tlai ti hlah uh tiah an khap hna. Can rau lo te ah, Thaninthari rilikam le Maih Tikulh kiankap ah Nga relcawk lo an thi timi thawng kha.

Than Shwe le S1 Khin Nyunt chan ah, Nuclear zung an tuah tiah thawng a rak len bal. Golden Triangle ah Vanlawng a rak tlau bal, Bumuṭel Tikulh a hluan ve kan rak ti bal cio kha, nan cing cio lai dah. Chinland ah Nuclear zung an sak hnik ti tiang a rak than bal.

Cu vialte thawngpang he kan pehtlai ter tikah, MAH Russia akal hi a sawh sawh a si bal lai lo. Tidaku Phungki pa he Buda pathian kan va chiah, kan va biak aa ti ter. Nuclear Energy kan ṭuan ṭi lai tiah senthuhnak an ngei kha. Tuak cio awk asi. An silhnalh mi cu: Cinthlak nak, Sii ai chuak siamnak le thilri dang chuak siamnak caah an ti nain, zumh awk tlak cu an si lo. Russia Aa-kaa-tah Agency he tawn ka duh a ti mi kha, nan tuak cio maw? Rocket le Satellite a hlan hna lai I, Tlangcung mi kahnak le cihmih nak ah hmang aduh I asi lai an ti cio. Satellite timi cuduh kha hmang in, cuduh (Rocket/ Satellite) code Nambar in, Nuclear or Chemical Weapons in Tlangcungmi kah a duh hna a ti lomi an um ti lo.

Zumh an um lo nak cu: Tuluk Ramdang Vuanci kawlram ah ara. MAH he an I tawn le tawn lo an thanh bak lo. A Thaizing ah MAH Russia ah a kal. Panama Tilawng cu Sentary biatak tein an cawng. Russia he Rilikam zalon tein hman nak nawl senthuhnak an ngei. Cucaah MAH ni Nuclear or Chemical Weapon a hmang khawh kan ti cu asi.

Tuluk le Russia ah cawkmi Chemical Weapon a phan cang tiah Mizzima nih kan hnu lei thla 5 ah an rak thanh bal. Ukariṭah raldohnak ah Thailand ram tiang a zuang mi pilot cu Russia pa asi ti asi. Bomber hna cu Russia nih tidan pek mi lawng an si tiah Ka hawinu Navy Ralkap CDM nih a ti. Tuluk ah MAH nih Raltuknak Vanlawng 20 a cah chap ti asi rih.

Ramkhel hi lakhruak thil asi bal lo, Raldohnak zong I khonden sual ti aum bal ve lo. Timhlamnak le planning tampi ngeih hnu ah a hlawhtlin mi ve ve an si. Mipi le kan ralkapbu nih timhcia tein, ralrin tein, thla fim tein, kan um khawh nak hnga dawtnak le zawnruah nak he post mi asi. Credit: Joseph R. Thang

CJDC Upa nih (Mara-MDF/MATC Cu CJDC member ah lutthan dingin an sawm hna! Hnaring khuapi ah CJDC meeting an tuah dih hnu ah 14th, July 2022 ah CJDC upa a si mi hna, Timi(GS, CJDC & AGS I, CNO), Salai Paul Lu (Information Secretary, CJDC le President, CDF-Palettwa) le Salai Willian Chin(GS, CNO) hna nih Mara Defence Force (MDF/MATC) hruaitu upa hna cu MDF/ MATC Headquarters a um nak Siaha Office ah an va tawn hna.

Atu bantuk in an va tawn hnanak a ruang cu CJDC Member chung hruaitu cheukhat hna chung in MATC/ MDF konglam a diklomi le zumtlak a silomi thawngpang diklo tamtuk a chuak lengmangmi kongah thawngpang dik le thildik a chuak chin khawh nakhnga caah tiah CJDC, Defense lei tuonvo ngeihtu hna he hmunkhat ah rian ttuan-tti than dingin tawnnak an ngeih mi a si.

Cu an itawn nak ah cun MATC/ MDF hruaitu upa hna zawng nih MDF/ MATC kong thawngpang a diklo mi phozar a sinak kongah an lung a thatlonak le MATC/ MDF an si ning taktak Chimfiangnak an ngeih ve hna.

Sihmanh sehlaw MDF/MATC nih Chinland ramchung Defense phu vialte hmunkhat ah ikawm ding an duhnak kong le MDF/ MATC aa thawhkehnak kong fiang tein CJDC upa hna sin an chim dih hna tikah CJDC upa lei zawg an ilawm tuk ve. Salai Timi, GS CJDC nih MATC/ MDF cu CJDC Member ah lut than dingin sawmnak bia a cah hna.

Kan Chin ram chungah a tlawnglengmi dihlak karlak ah a ngan deuhmi le a hme deuhmi miphun kan um lo nak kong “Equal Partners” based timi tlukruang tein khuasak tti a herhnak kong, Chin affairs timi kongah phunkhat le phunkhat hniam deuh in i hmuhnak “Subordinate” tibantuk hi kan karlak ah a um nak hngalo izuam dingin saduhthah an ngeih nak kong zawng MATC lei nih an chim ve. Cu hnu ah kaphnih lei thil dik le a diklomi thawngpang a chuakmi kong ah hal duh mi te te ihalnak le fianternak an ituah dih hnuh an meetingpi cu an dongh ter.

CJDC upa hna hi lamhlatpi in a ra mi an si caah MATC nih thaithaw thawtak in an chuan piak hna i, rawl dumttinak an ngeih tti kho. Credit: ISSUED BY: Information & Publicity Department, Mara Administrative Territorial Council, Maraland.

Be the first to comment

Leave a Reply

Your email address will not be published.


*