Tlangval Fel Ngai Mi Davida Lalremsanga Nih Ka Nu Ka Van Lawi La A Ti Nain A Tuak In Char A Si.

Tuni Febuary ni 4, 2022- zaanlei suimilam 2:00 PM hrawng ahkhan Lunglei, Tarmit khuathlir timi ah Lunglei ZohnuaiTlangval fel tak David Lalremsanga kum 26 mi cu hi Tarmiy khuatlir timi lungpang hin a tla i aruak in char asi.

Hi bantuk in vanchiatnaak kong he pehtlai in Social Media ah an rak post mi cu. Lunglei Tarmita Khuathlir Lungpang tangah tlangval pakhat a ruak in hmuh asi. Vanchiatnaak atong mi hi tlangval David Lalremsanga kum 26 mi Pu C-Lalramzaua fapa Lunglei Zohnuai mi tlangval fel tak anti tawn mi asi.

David Lalremsanga naupa Remruata nih a chim ning ahcun ka U David hi Tarmita khuathlir ah khin a kal lengmang mi asi tiah achim. Tu zaanlei zong cu ka u David nih hin ka pa cu lengah ka chuak ta lai mitbenh cawk ka duh i tiah a hal i apa nih cun aw va kal ko tiah a ti hnu ah lengah cun a chuak mi asi.

Zaanlei 7:00 PM ahkhan David Lalremsanga nihcun a Nu cu phone a rak call i ka rak lawi lio asi tiin a nu cu phone in a rak chawnh. Phone a chawnh hnu caan sau nawn a rauh tik ahcun David cu inn a rak phaan bal lo i a chungle cu an khuaruah a har pah nain david hi a len chuah ahcun a lawi a tlai tawn mi a si caah nungak hna a vun leng pah i si ko lai tiah an thin a phaang lem rih loh.

A si nain a phone an call tik ahcun chawnh khawh si tilo i a rianran naak in david pa Pu C Lalramzaua le tlangval pakhat cu david kawl ding cun an chuak colh i tarmit khuathlir timi ahhin a kal tawn naak a si caah cu ka cu an va zoh hmasa colh. Tarmit khuathlir timi hi khua cuanh naak a rem ngai mi lungpang, chengpalang a si i nungak tlangval hi nichiar ti deuh in an kal peng hna naak hmun pakhat asi.

Lungpang tang cu an zohfel tik ah a Mobile an vun hmuh i, cun hla ngaihnaak sound box zong an hmuh tik ah a thlanglei deuh an hei kal cu David cu thing le thing kar ah a rak taang i ataksa zong a rak tthawm dih cang.

chengpalang hmunhma chia a si caah an mah long nihcun lam ah kaipi awk a tthat lo caah khuami mipi le police cu an chimh hna i a ruak hi sizung ah postmortem an tuah i, cun Covid test zong an tuah hnu ah tuzaan hi an vaar pi lai i thaizing ah a ruak hi vuiliam a si te lai tiah.

Mizo Official Channel nih cun a chim.

Be the first to comment

Leave a Reply

Your email address will not be published.


*