TNLA Nih Ralhrang Tampi An Thah Ruangah CHINMI Kan Min A Thang Chin!

TNLA Nih Ralhrang Tampi An Thah Ruangah CHINMI Kan Min A Thang Chin!
========
Russia in a cawk mi Jet Fighters le Helicopters 7 in TNLA CU MAH nih a tuk ve hna. KIA, AA, UWSA, PDF nih ral an doh pi. Tibual ah CHIN Ralkap an kah bangin an si an ti cio. Rallokap thazang chap awk ah a kal mi Vanlawng nih TNLA Ralthli hna an I thuh nak hmun ngelcel ah Rallokap cu a chiah hna. Ngalrual bangin TNLA nih an kah hna. Rallokap 100 leng an thi. 200 leng an thi a ti mi zong an um. Langta 2 an kah thlak. Hriamnam tampi an lak.

Rallokap a thih mi ruak zong an I fim manh ti lo. Rallokap Mithi Ruak cu TNLA nih an khonh I an pumh hna. Thing ai bang in Rallokap Ruak cu aa pawn len ko. Media cheukhat nih Mithi Tidil pi asi an ti phah. MAH nih a thluak a chuak I PDF ka tuk mi asi. TNLA kan tuk hna lo tiah Remhnak tuah a sawm hna caah ral an dai chung. Ralkap thazang tampi ngeih, hriamnam tlin tein ngeih, an Vanlawng thlak, ral hung tei pah ahcun MAH te Rallokap nih SAYA ti colh asi ve ko.

MAH nih CHINMI an kan ṭih ve awk ahcun, CNF/ CNA hi Minung le hriamnam thazang in kan ṭhawn ter bak a herh ko. Hriamtlai dang min in MAH nih CHINMI bia an kan ruah lai I an kan ṭihzah lai ti cu ka zumh lem lo. Kan bau mi cu Hriamnam asi ko. Ramdang in CHIN MINO cu an hung kir ko hnga nain hriamnam tlaih awk an ngeih hnga maw? Kan hriamnam tah Midang bantukin an ṭha I an tlin ve maw? I check ta loin bia thlah hi cu kan palh ko rua ka ti. Na palh lo hmanh ah a dik lomi bia asi lai.

Pauceh aa tlaih mi CHINMI a tei lo tu Rallokap nih Hriamnam phuntling a ngeih mi (Tuluk nih Bawmhmi) TNLA cu aa ti sual bak tiah Vawleipi nih an ti. Pauceh in CHIN MINO nih an hrem tuk mi le Motor 5-6 an hrawk piak khawh mi MAH Rallokap nih Tuluk nih Hriamtling an bawmh mi TNLA cu aa tuk sual cang. KIA, AA, UWSA, MNDAA, PDF nih an bawmh caah MAH nih an tei khawh ti hna lo. TNLA an I thuhnak rawn bak ah Rallokap cu Vanlawng in an chiah sual hna caah 100 leng an thi. An thih dih ati mi Media zong an um. A kal mi Rallokap thazang hi 200 an si.

Sakai ram ah Rallokap cu Civil thuam in an um. Hriamngan in an kah hna. Vanlawng ara kha an hmuh caah PDF cu an zam dih. Hi lio ah Rallokap cu Civil thuam he PDF cu an doh hna. Vanlawng nih a hmuh hna tikah PDF ah an ruah hna. Vanlawng in ceih lakin a kah hna tikah Rallokap 100 ah 80 leng cu an thi. A thli tein Rallokap Motor in an ṭhial hna. Sakai ah hin Vanlawng in anmah le mah an I kah sual hi voi 2 bak asi cang. TNLA he raldohnak ah an I palh hi voi 3nk asi.

Mi fimthiam le raldoh thiam hna nih an ti mi cu: CHINRAM cu 2nd Afghanistan asi caah, Thingkung ramkung le Lungpang chengpalang an tam caah Vanlawng in tei khawh an si lai lo an ti. Pathian nih an kan Pekmi kan ram nih Rallokap kutin an kan khumzual te lai. Kan tiram le Thingkung in Pathian sunparnak le himnak kan hmuh te lai. Hramhram in khuami le khua an kah lo ahcun Raldohnak ah Vanlawng in khumzual nak cu Pathian nih Kan tiram hi a fial te hna lai.

TNLA raldohnak ah CHINMI minthang nak cu Pauceh in Rallokap tei tu CHIN MINO, CHIN tiram cu Rallokap Vanlawng nih a tei khawh lomi Tiram an si ti asi. CHINRAM a chia tuk ti nawn hlah. Saram ram asi ti ti hlah. Mansung thilri tampi a chung ah Pathian nih a thuh rih mi CHINRAM asi. Kan Fimnak nih a phak tikah, Thil mansung vialte cu, Pathian nih, an kan hmuhsak te lai.

Ukraine Russia Ral le Paucan Dohthlennak Cuaithlai Nak; 22.12.2022 ah khan Ukraine Tamada pa Pu Zelenskyy cu USA a va tlawn hna. Pu Biden a tawn. Senate le Congress fonh in Biatawi chimhnak roling a ngei. American ah a larbik mi pa asi tiah Pu Biden nih a ti. USA Magazine Time nih Pekmi Man Of Tha Year 2022 cotu Zelenskyy asi. Never Surrender, Victory with American People pa hnih hi Pu Zelenskyy bia roling a chim mi cu asi. American mipi thawng in Russia ral ka tei hlan tiang ka doh lai a ti hna. Senators le Congress nih pu Biden nak in an tlaihchan deuh rua ti tiang in an cawnglawmh. Bia a chimh mi le kut beng thawng aa zat ko.

Russia le Ukraine dohnak ah bawmhtu hi ram 40 leng an si. NATO ram nih an bawmh dih ngawt. NATO kan ti nain USA hi a bawmh bik mi asi. NATO hriamnam 70% cu USA ta asi. NATO in USA hi aa phuah ahcun Cyber le Media in raldohnak an tawn lai caah NATO ah a um zungzal nak hi asi. Russia, Iran, N. Korea, Tuluk cu USA ral ngan bik an si caah, USA nih Ukraine a dirhkam hi asi. Soviet Union cu 1992 ah ram 15 in aa ṭhen mi ah Ukraine cu Ram pakhat asi. Nuclear hi 5000 leng a ngei. 1994 ah Budapest Biakamnak in Nuclear cu Ukraine nih an hrawk. NPT phu ah a lut (Treaty on the Non-Proliferation of Nuclear Weapons).

Nuclear a ngeih mi cazin cu USA 5428: Russia 5977: China 350: France 290: UK 225: Pakistan 165: India 160: Israel 90: N. Korea 20: Ukraine nih Nuclear hi hrawk hlah sehlaw, Superpower 3nk asi lai. Ukraine dohtu cu USA, Russia, UK, France nih kan tuk hna lai tiah Budapest Biakamnak cu asi. Russia nih a biakam let in 2014 ah Ukraine ram Crimea cu an lak. NATO ah lut naa timh tiah, March 2021 ah Russia nih Ukraine an tuk ṭhan. Suimilam 40 ah Ukraine ka lak lai tiah Putin nih a ti nain, tucu Ukraine tu nih an tei hna.

Russia Ralkap Nuai 1 leng an thah cang hna. Ukraine nih Russia Hriamnam an hrawk mi cazin: Tanks 3005; Combat Armored Machines (APV)V 5986. Miakpi 1984. Rockets kahnak MLRS 414. Vanlawng kahnak 212. Vanlawng 283. Helicopters 267. Drones (UAV operational) 1698 (+5), Cruise missiles 653. Tilawng 16. Ralkap motors 4622. Special equipment 178. Ral an sung caah Putin nih PEACE a duh nain, Ukraine nih Crimea kan lak hlan tiang ka doh hna lai an ti. Putin zam aa timh a timi Media zong an um pah len.

American, EU, UK, France, Germany le USA hawikom hna ram 40 bawmhnak thawng in Ukraine nih Russia ral an tei lio hi asi. USA bawmhnak lawng in a tlawmbik USD 50 Billion leng asi. EU bawmhnak USD 30 billion le ram 40 bawmhnak he cun USD 100 billion leng asi. 2022 kum American Humhimnak budget hi USD 831 Billion asi. NDAA bawmhnak 400 million hi USA Security Budget he cuaithlai ahcun let 2000 in a tlawm.

Hriamnam asilomi bawmhnak cu NUG EAOs PDF LDF CDF ka bawmh hna lai tiah NDAA nih a ti. NUG sin ah tam deuh cu a kal te lai. Chinram caah 10 million, CNA CDF caah 10 million tal kan co khawh ve hnga maw. NDAA hi NUT kut ah pek asi ahcun: NUG um tuning kan zoh tikah CHINRAM le CNA CDF caah hman awk a um lem lailo. USA ummi Chin Upa hna thawng in NDAA hi aum tiah Vawleipi Media nih an ti mi cu va si kaw, NDAA bawmhnak kongah siseh, Ukraine bang in USA nih an kan bawmhnak dingah siseh, USA ummi CHIN Hruaitu hna nih nan kan kuri a herh ko.

Pauceh le meithal I za lo buin, Kuan semrel buin Ralhrang kan doh nain Ka tiram le Pathian thawng in kan him I, ral kan tei lio asi. Ramdang um CHINMI thawh mi hi maw NUG nih aa rinh zungzal ko lai. Vanlawng in doh kan si tikah, Pathian pek mi kan Tiram um hlah sehlaw, ral tei cu chimh lo, Pumpak le mipi himnak aum lem lo. Phuntungtu Ramdang um CHINMI thawng in Nihin tiang Ral kan dirh onh khawh hi asi. Chinram le CNA CDF hrang ah NUG kutneh hmuh kan duh ve hrinhran ko. Credit: Saya H. Rung Kaw

Be the first to comment

Leave a Reply

Your email address will not be published.


*