Tuchun UN meeting kongkau a tawinak!

Tuchun UN meeting kongkau a tawinak!
==========
Registration, Online in sok ding asi lai i register ding ahcun an sining zoh in register kan tuah hna. Online registration kha tuah cio dih i Ref number eg. RM-10-012345 kha philh lo ding. Soknak catlap kha i fim cio ding.

Tlaihkhih kong; Card or catlap chuh ciami pawl tlaihkhih ton tikah zungah report pek ding. Mi catlap asiloah card i tlaih bak lo ding.

Card renew; Card renew ding mi pawl cu phone chawnh tiloin sms cakuat in ahlan kan zarh 2 in thawng thanh asi lai i ni 3 asi lo le ni 1 aa duh ah remind tuah than asi lai. Phone number update daithlan lo ding asi lai.

Family composition; Online in i benh nak sok ulaw kan i call hna lai. Lungsau le ralring tein hngah ding.

Damlo/sizung umnak; Damlo ruangah sizung a phan mi um ahcun doctor memo le hospital nih pek mi catlap he community sin ah kal in referral in UN ah bawmhnak hal khawh asi. Nain biakhiah nak cu UN nih a ngeih te lai. Tlamtlin lo nak le theih duh mi tete a um ahcun thawngpang hal khawh peng kan si.

Theihternak: CRC card tuahnak a tha cang; Hawikom dawt hna a luancia ni thumli chung CRC card tuahnak a tlamtlin lo caah card kan chuah kho lo. Min khumhpiak ciami card hlam ding lawng asimi poh rak laak khawh asi cang. Lungsau thinfual tein a rak kan hngakmi nan cung ah kan i lawm. Card thar tuah ding a kan hngakmi zong rak i tuah khawh asi cang.

UNHCR lei Thawngthanhnak; June thla thawk in UN card/ catlap renew dong pawl cu phone chawnh a um ti lai lo. Phone SMS cakuat nak in zarhhnih ( ni 14) aa duh ah cakuat in thawng an in thanh lai. Cun renew lai nikhat aa duh ah an in kuat than lai. A hlan bantukin phone in chawnh a si ti lai lo. Phone number aa thlengmi na si ahcun na phone number thar ka website chung hin update na tuah hrim lai. Siaherh nak he, Chin Refugee Committee, Malaysia.

Laimi Khrihfa kan ziaza te hi a mak ngai ve/khuaruahhar ngai kan si ve ko! Laimi (Chinmi) kan si zongah miphun dang an si zongah Kawlram in US ram ah Bible a rak kaimi zate ngawt in degree (boih) pakhat an dih hnu ah a dang a sang deuhmi degree an peh dih ngawt hna. Asinan aho hmanh nih an soisel hna lo i an vuivai hnawh fawn hna lo.

Kei vial cu ka sianginn pehthan nak kongah a vuivaimi le a ka soisel mi an tam ngai. Laimi Khrihfa kan ziaza te hi a mak ngai ve/khuaruahhar ngai kan si ve ko. Pathian teh a lawm hnga maw? Keimah tein phaisa zong ka kawl i ka kai fawn ko. Ka duh zat tiang ka peh khawh ko ka kai khawh ahcun.

Keimah nawl si ko. Nuhrin covo ka nei i thilttha ka thim fawn. Ka sianginn pehnak kongah nan ka soisel a si ahcun Kawlram in a rak kaimi vialte a pehthan mi pawl zong khi hehtiah hei soisel ve hna uh law an phunzai hnawh ve hna uh. Mahlo ahcun thleidannak nan neih a si lai i hnahchuahnak nan neih zong a si fawn lai.

Mah tik ah Pathian hmai le minung hawi hmai ah misual taktak zong nan si fawn lai. Aho Khrihfa buu he hmanh phaisa in bawmh i pastor ttuan ding timi biakamnak zong ka tuah bel lo. Salm catialtu nih a ti bang in Pathian bia a chunzan in a ruat i a rel i a cawngmi cu thluachuakmi an si a ti. Tiva kam i a kheumi thingkung bantuk an si a ti.

Ka sianginn pehnak kongah a ka soiselmi le a ka thangchiatmi poah cu minung pakhat ah dawla 2000 in rak tho cang uh ka sianginn kainak caah/nan liam cang lai. Nan lungput le nan thil tuahmi cungah Pathian zong a lawm hrim2 lai lo.

Saduh ka hei thahmi cu US ram i a ummi, Chin miphun nih biatak tein kan milu a karh khawhnak ding in i zuam kho hna uh sih law a ttha tuk hnga ka ti. Vawlei lei upa te le biaknak lei upa te nih biatak tein forhfialnak zong an tuah awk a si ka ti.

Aruang cu US cu ramrum bik le ramthawng bik a si bang in fa tampi na neih zongah harnak an in pe lai lo. Tanghra tiang a lakka in kai khawh a si fawn ko. Miphun dang vialte zong milu karh khawh an i zuam cio. Khuaihliti le cawhnuk a luangnak US ram ah hin Chin miphun milu million tiang kan phak khawh zaunak ding in Kan i zuam a herh ve/Kan i zuam awk a si.

US ram ah Chin miphun million tiang kan um ahcun Laitlang kan sersiam khawh zau lai, Israel ram bantuk in. Cucaah cun US ram um Chin miphun nih fa tampi kan hrin a hau. Cu ve bantuk in EU ram um Chin miphun zong nih fa tampi in hring ve hna seh. Ramrumnak ahcun fa cawm a fawi ko dahawh. Ramrumnak I a ummi Chin miphun milu 2 million Kan si te tik ahcun Laitlang Lairam cu fawituk in kan sersiam khawh cang lai.

Laimi Khrihfa cheukhat zong kan tthat loning le kan sualning hi khuaruahhar si ko. Laimi zate cu kan si ve lo. Midang cungah a thli tein tthat lonak a phun2 zalong ngai in kan tuah. Asinan kan tuahmi tthat lonak kong cu chimpiak le phuanpiak kan si tik ah le kan duh fawn lo/kan thinhar fawn. Pathian nih kan tuahmi vialte a kan hmuh dih ko ti le a kan theih dih ko ti hi kan philh tawn lengmang rua.

Silole kan i theihter duh tawn rua lo. Sualnak le tthat lonak kan tuahmi cu kan minung hawi theih kan ttih deuh/kan duh lo deuh. A takte cun Pathian i hmuh le theih ding tuk hi kan ttih deuh ding a si nan mu. Dantatnak cu Pathian sin in a ra ko lai, minung nih dantatnak an kan pek khawh lo hmanh ah. Kawl phungthluk hmanh nih a ti bang in kan tuah ngam ahcun kan tuar ngam awk a si ko. A thli tein tthat lonak le sualnak kan tuahmi cu chimpiak le phuanpiak kan si tik ah kan tuar khawh ve a hau/kan ing khawh ve a hau/kan tuar ngam bak a hau.

Laitlang kan rak um cio lio hna ahcun kum 4/5 chungah phaisa 5000 te hmanh a nei kho lomi nungak tlangval kan rak tor hna. Ramrum le ramthang cho kan van phak hnu ahcun dollar ngah peng a van si tik ah kan thinlung put cu van a tawng cang. Kan biachim le kan thiltuah mi cheukhat zong a tumtum le a tlangtlang lawngte an si ko hna. Mah lio can ahhin hnulei kan tuanbia kha van zoh tthan lengmang an hau tawn. Mah lo ahcun pial taktak in kan pialsual lai phang a um.

Khrihfa nunzia le cawnpiaknak le zulh ding pawl le a dang tete zong hi kan dollar ngahmi he zohchih le cuaithlai tti lengmang a hau fawn lai. Pathian nih a kan cawisan ning kong le bang cu zeitik hmanh ah kan philh lo a hau. Dollar tlawmpal te van neih i micung i nawlneih duh tuknak lungthin kan neihmi zong remh pah kan hau cang lai. Bawi Jesuh vailam tuk hi kan i porhlawtnak si ko seh. Credit: Van Tum

Be the first to comment

Leave a Reply

Your email address will not be published.


*