Tulio Kan Dohthlennak A muichiatter Ngaimi le a thurhnomh ter tu

Tulio Kan Dohthlennak A muichiatter Ngaimi le a thurhnomh ter tu
=======
Tulio Kan Dohthlennak A muichiatter Ngaimi le a thurhnomh ter tu Lungput hna cu—Upa le khua ruat kho tiah ruahmi hna minung nih! Mah Myone or Pengtlang CDF hmang in power le Limhang ngeih I timh.

CDF hmang in, heh tiah CNF/A dohdalh, thangchiat le soisel peng. CDF hmang in,mah duhmi Agenda kalpi le tlinter timh. Vomkhuai luu tar zau in, Sachia sa a simi, Sakuh le Vawrvok sa hna pek he aa khat tiah ka ruah!

A si hrim tak ko eh. natial mi hi nai tan ah vei peng lei kan pa pakhat a bia chiam hrim kha cu a tu na tial mi bak hi a si ko. CDFs kong chim awk ka ngei tuk lo, CDFs hmang in ningcang loin cawlcangh aa timmi pawl khi mi an neng ngai cang.

Pengtlang CDF hi cu an dih deng cg Malaysia 🇲🇾ah tu kum chungah an kal dih te lai kan kan peng cio zg an dih dg ko cg hi. CDF supporting u pa cheukhat hrim hi an si tak ko u pa hruaitu tuan an hei duh ning khi. A si hrim tak ko eh. natial mi hi nai tan ah vei peng lei kan pa pakhat a bia chiam hrim kha cu a tu na tial mi bak hi a si ko.

CNF ca I phaisa thawh duh lo I mah peng tlang CDF ca I tan lak ngai phun khi. CDF an tanh tuk caah si loin indirect in CNF/A an doh a si tiah ka rak tial bal, CDF lawng bomh ding tiah aa cawnpiak mi khua hrim hna an um len rih hoi eh.

Hi catlap ka zoh ah hin kai laklawh. Kawl ralkap acozah nih a on mi sianginn ah kai hlah uh ti asi. Va kai ahcun acozah tha pek le international community sinah ram a dai cang, sianginn zong tha tein kan kai kho cang hih tiah ati lai ti phan asi. Kamkhat lei ah kanmah thazaang bakin sianginn hi kan kalpi kho zungzal ve lai maw ti hi asi hoi. Kal pi lo le tuah lo ah le hngakchia le mino an vaivuan sual lai ti phan asi hoi.

A kenkip in kanmah tein kan idahhriah i kan tuahtuan ahcun kan hauhruang vennak hriam le nam a thazaang a derter deuhtu asi sual ahcun kan sungh fahnak le kan himbawm lonak chinchin tu asi sual hnga maw? Kan lohma hi pakhat te chuah lawlaw izuam loin lohma a kenkip in kan domh tung i lohma pakhat hmanh chuah khawhmi um loin bangbat in a um lai hi phan a um hringhran. A kenkip kan dahhriahnak nih thazaang dernak chuahpi lo hram seh!

NUG nih an control nak hmun hmaah sianginn an onh ve bantuk in an control kho lonak hmunhma ah RH phu nih an onh ve. Zei poah hi Chinram drih hmun lawng in zoh ding a si lo. Kawlrampi hup in zoh ding a si. Sianginn kai le kai lo kong ah ti bia. RH nih tanbo ah an hman mi hna Zung rian tuan tu an tampi khi.

Kanmah khuami zong sianginn kong atu na bia bantukin ka ti bal hna. An tuah an tuanmi poh hi $ hmuh ding lawng an duh, ram har lio asi, ramchiat lio asi, pumpek in kan fimthiamnak hi hmang ve ko uhsih, ramleng zong nih an tuanchom te in $ hi free tein an kan pek ve ti kha an itheihter loh. A poi ngai.

Harsa ngai in kan tuan ciomi le kan kawl ciomi si le kanmah family cio hmanh kha harsa ngai in kan nunpi hna. Hi lio ah a kenkip in thawhbur kholh asi, an chim thiam tak hoi. Kei ka lung a mit. Thil pakhat a ummi cu anmah thazaang tein cawlcang hna sehlaw ti hi asi. Ram leng in harsa ngain $ kawlmi kha ramchung ah free bakin pek le kuat an si. Cuvebantukin anmah zong nih ramchiat lio le ram har lio ahcun an fimthiamnak kha free deuh hna in an chim kho ve hnga lo maw ti hi asi.

Ramchung nih thil an tuahmi poh hi $ hmuhnak ah hman an timh rawh rua ti awk in…Anmah nih an tuah khawhmi hi cu an tuah pah ve awk si. Ramdang in $ hi free bak in bomh an si, cucu harsa ngai in tuan le hmuhmi cio asi. Cuvebantukin fimthiamnak a nei vemi nihcun atulio ramchiat lio le ram har lio ahcun free in a tuah khawhmi le a ti khawh vemi cu ai hman pah ve awk cu asi ka ti.

A tu kan dirhmun hi Khuami (A hlei in ramdang thazaang) cawlcangh nak cio deuh in kan cawlcangh hna nak thla 4/5 asi cang. Mah kan kalpi mi te a thazaang van tthawn ter deuh khi a rak herh tuk ve fawn. Mah caah cun Ral lei kan hnursuan lai ti an phaan bu tein a herhtuk mi number 2 dirhmun ah a dir ve caah budget tlawm deuh (khingzaang deuh) in an van suaisam ve mi asi i nan kan bawmhkhawh chih ahcun.

Phaisa thawh ka duhlo siloin, zeituah poh ah midang phaisa kholh le thawhmi in kan tuah lai timi khuaruahnak khi ka huat tuk caah ka tialmi a si. Tuah an duh taktak le miphun zawn an ruah ve ko ahcun, an mah tein thok hna sehlaw dirpi a tlakmi kha kan dirpi te ko hna lai. Kan mah lailei kan rak um lio, ramdang phan an rak tamlo lio zongah, khua nu khua pa nih hngakchia cacawn nak tham cu an rak tuah khawh ko.

Kan tuah deuhmi thil poh hi a phung ah kan ruah thai tawn le phaisa kholh zong hi a phungah ruah sual fawite ve cuh. Herh caan ah cun theihthiam cio si nain, a zungzal le zeithil tuah poh ah kholh ding a si lo. Kan hruaitu chung hin ‘out of touch with reality and reason’ an tam tuk! Lungdong si!

Kan dothlen nak hi caan zei tiang dah anguh lai ti hi ruahpah ve aherh ngai in karuah.Kan fanaupawl kumkhat siangin kailo nak nih hin zeitiang dah an tthanchonak a donh khawh hna hnga.Caan karlak ah fimcawn nak kong hi ruahchih awk atthatlo sual ah cun kanfa le ca ah ngaih chia ngai asi hnga.Dothlen nak hi atu ning in cun kum zeimawzat kan kalpi aherh lai ca ah, ruahtik ah vaansang ngai asi ko.

Atu khi ram tha hmanh sehlaw mino tampi cu ramtha ah kuli kan tuan thiamthiam a hau lai ti hi ka pom. India, philipine le vietnam te hna zong an tuan tung ko. Lai ram khi cozah department dah ti lo zapi tuah tuan khawh ding a um loh. satil zuatnak le ciinthlaknak zong ah a rem lo tuk khimu. Laimi cu ramleng ah kuli kan tuan peng a hau ko la. Atu mizo zong khi an dong ziahmah ve rua.

Kan pale cheukhat nih ramdang ummi kan tam tuk cang, kal a hau ti lo an rak ti kha mu. Atu lioah phaisa lei in cawlcanghnak a herhmi vialte hi ramdang ummi nanmah bak nan si. Ramdang ahhin tam deuhpi in rak chuak kho usihlaw kan dothlennak hi tuandeuh ah ai lim hmanh maw ti hi ka ruat tawn. Zei tuah paoh ah phaisa cun a si kho lo, nanmah lo cun phaisa luhnak lam nih a har. Thawhbur chuankhan in nan fale hna hi an min ah ‘Thawhbur’ hna sak a fawi cang.

CDF nih an rian Tuan ko seh. Education lei hi cu mah khua cio in tuanvo lak cio si ko seh law tha. Cu pin ah Chin miphun mirum hna nih boarder school kan tuah piak kho hna seh law tha tuk ko hnga. Tlang khat ah boarding school pakhat cio tuah kho hna seh law afawi cem.

Be the first to comment

Leave a Reply

Your email address will not be published.


*