Tulio Mindat-CDF lubik hi zeitluk ral he an ikah zongah

Tulio Mindat-CDF lubik hi zeitluk ral he an ikah zongah
=========
Tulio Mindat-CDF lubik hi zeitluk ral he an ikah zongah siseh, zeitluk zan a tlai cang zongah siseh, zeitlukin a hlanh zongah siseh a nupi le falete umnak inn te ah a va tin peng i mitku vuai zong vuai lo zongah zingka tein tho in raltuknak ah a thawh than pengmi minung asi, hi a nunzia hi upat awk a tlak taktak tiin a ka chimtu a um. Nupi le fale dawtnak le ram le miphun dawtnak a kemh kho mi pasal tha asi.

Pom zong pom lo zongah a hmanmi cu Mindat-CDF cingcing an si ko. Tutan Mindat-CDF nih Kawl ralkap pawl a puahhnawhmi bom hi tutiang ahcun Chinram chungah a pin bik bom puahmi record asi men lai dah. Chinram chungah Kawl ralkap tambik a thah kho tu le Kawl ralkap sinin hriamnam tambik a chuh kho tu hi tutiang ahcun Mindat-CDF hi an si ko.

Hi bantuk bom tampi le a pin takmi puah khawhnak tiang an thiammi zoh tikah Chin hriamnam dohthlennak hmai ah a kal thluahmah cang timi a lang.

Tlangcung hriamtlai hna nih mipi lei kan dir a hau: Cheukhat tlangcung hriamtlai pawl nih kaphnih karlak ah dir loin mipi kan dirpi hna le kahdohnak ah kan i tel a hau tiah Chin National Front (CNF) Vice Chairman Dr. Sui Khar nih a chim.

2022 March 20 ah a tlami kum 34 tlinnak Chin Miphun Dothlennak Ni conglomhnak puai ah Dr. Sui Khar nih onnak biatawi chimnak a ngeihmi video cu Chinland Information Center nih April 4 an a thlah. “Cheukhat tlangcung hriamtlai phu pawl cu atu kan ton cuahmahmi buainak he aa pehtlai lo bantuk in a karlak ah dir in chimrel lennak chacun mipi lei ah dir in raldo ve ding ah kan forhfial hna” tiah Dr. Sui Khar nih a chim.

A tulio caan hi, tlangcung hriamtlai phu pawl (EAOs), People Defense Force pawl (PDF) le National Unity Government (NUG) kan zapi tein hmunkhat ah ṭanṭiding caanṭha a si nain kan zapi kan i telkhawh dihding hi kan saduhthah a si nain ramkhel lei party pawl, tlangcung hriamtlai phu pawl an tuanbia, ramkhel lei an i fianning cungah an dirhmun a dannak hi a hlan in a tutiang a si cang tiah ramkhel lei thiamsang U Than Soe Naing nih a chim.

“A sikhawhnak bik in lungrual tein i teltum ding in kan nawl hna. Asinain, nan i teltum lo zongah kan in soi fawn hna lai lo. Tuanbia nih a mah le hmunhma te ah rian an kan pek ko lai timi zumhnak ka ngei” tiah a chim. Ram pumpi kahdohnak minthut (NCA) ah min a thu lomi Ta’ang National Liberation Army (TNLA) zong hramhram uknak dohding le Federal Democracy ram serkhawhnak ding caah tiin kahdohnak a tuah cuahmah lio a si.

“Dothlennak phu ahcun kan dirhmun aa khat cio. Kahdohnak a chuak le chuak lo hi cu cheukhat phu pawl cu hmuitinh aa khat ko nain a derthawmnak, a ṭhawnnak tete a um cio” tiah TNLA Major Mine Aik Kyaw nih a chim. Dr. Sui Khar biachimmi chungah tlangcung hriamtlai phu a simi CNF, KIA, KNPP, KNU le PDF hna cu hmunkhat te ah kahdohnak kan tuahṭi caah mipi thapeknak tling tein kan hmu tiah a chim.

Cun, tlangcung hriamtlai phu pawl le mipi hriamtlai phu pawl hna cu khuapi telh loin a dang hmunhma hna ahcun mipi uknak phung sersiam le dirh a si cang tiah a chim. Tlangcung hriamtlai hna nih mipi lei kan dir a hau: Dr. Sui Khar

Paletwa peng kahdohnak ah SAC ralkap 6 an thi. Chin ramkulh, Paletwa peng, Sami khua luhnak hauka ah a umi SAC ralkap sakhaan cu CNA le CDF-Paletwa bawmh in April 3 zaan sml 8:00pm hrawng ah an kah hna caah SAC ralkap 6 an thi I tampi nih hliamhma an tuar tiah CDF-Paletwa nih thawng an thanh.

CDF-Paletwa le CNA nih hriamngan le hriamhme in sml cheu hrawng an kah hna i 30mins tluk kahdohnak a chuak. Kahdohnak ruangah, hriamngan/hme thawng a thang tuk tiah khuami hna nih Khit Thit thawngzamh ah an chim ve.

Be the first to comment

Leave a Reply

Your email address will not be published.


*