Tutan na dam lo ah, na Pa le na U te he lawng cun sizung ah zaan hnih nan tuar!

Kafa,
=======
Titus Ngun Bawi Lian, a luancia thla 8 lio ah khan na chuahnak na Inn, na Nu le na Nau Hniang te kal tak in na U le na Pa he lawng in Mission rian kal nan i thawh. Na Nu nih sian lo bu tein caan karlak i tthen ta kun hna u sih mu, an ti hna. Napa nih, “Ka rianh mi kan Pathian nih harsa tuk cun a kan chia bal lai lo, zeizong te a mah nih a khan dih ko lai. Zei khom a si ah i thawh ko u sih mu”, a rak ti.

Mission rian nan umnak ah nan Pafa rual lawng cun zohkhenh tu ngei lo arfa rual bang nan cangvai. Napa nih zing he zaan he rawl an chuan piak hna ah a thaw lo nan ti bal lo – nan Nu rawlchuan cu na ngai tuk tawn ve ko lai nain mu. Nan u-nau tein Zoom in kan i chawnh tawn hna ah khan, “kapa Lian, Hakha ka ngai, ka nu le ka nau Hniang ka ngai bik hna”, na ti tawn kha.

Thal chuah cun inn kan tlung lai nan ti; ka Nu le ka Nau he kan i tong deng cang na ti tawn kha. Na nu nih a tu X’mas ah kan rak tlawng hna lai an ti lio ah khan, “Fungvei le chi-hmui ka phorh te”, na ti kha. Na nu le na nau Hniang lunglawm tein nan Mission chumtual in don na timh hna kha. Nan i ceih len kha.

Tutan na dam lo ah, na Pa le na U te he lawng cun sizung ah zaan hnih nan tuar. Tu zingka na vawlei nunnak a dih hnu hmanh ah khan na cangluang tlunpi nak ding na Pa nih a tawlrel kar te hmanh khan cawngtu ngei lo tein sizung na ih khan ah nangmah te lawng chiah ta na hau. Cu ngai cu; chuahpi u nau, pi le pu, cingla rualchan ngei lo bang, kafa. Ka thin hi a fah in a fak, kan lung a kekkui dih ko hi ta.

Kafa, a tu cu mu, na Nu chuanrawl hmanh ei manh lo tein na Nu le na Nau Hniang te kha na ruak in na fuh panh cuahmah hna. Na inn tlun dan cu kan celh tung lo kafa. Na Nu tu nih mit-thli he an don ko lai cu dah. Pathian khuakhan hi ruahthiam a har ko mu ka ti.

Na thlachuah tu kha na tantak mi na Pa, na Nu, na U le na Nau Hniang te sin le cingla rualchan kan dihlak sin ah chiah ta dih kun mu. Rest in Peace Ngun Bawi!

Peniel Tipil Khrihfabu i kan Pastor a simi le atu lio HBA mission Coordinator a tuan lio mi Pastor Cung Lian Thawng i a fapa Titus Ngun Bawi Lian Kum 9 cu a pa riantuannak Pyi ah a u le tiah an um hna. Cu ka an umnak hmun ahcun thichuah zawtnak in zing sml 9:00am hrawngah a nunnak a kan liam tak. A tu hi lampi ah an rak tlun lio a si thlacamnak in kan bawm cio hram uh.

Titus, Kan in siang rih lo ee, Ngun Bawi aw…, Na dam than lai kan ti cu, Hringtu nu nih tlawn an timh tung, Aan ka biak manh lo in
Na liam siaherh ve ko lai mu, Mission rian nan ttuan nak, Hmun rawn ah maw, A nunnak a liam an ti, Na pa a tuar lungfak tuk lai, Na Uu te nih ka nau tiah. An hlam peng lai.

Na nu aan nem na hlam len lai, Titus Ngun Bawi aww. I khawnden nak um lo in, Zawtfah nak um ti lo nak hmun. Vancung khua ah kan dong te mu. RIP . Titus Ngun Bawi Lian.

Kadawt tuk mi katu pa Titus vawlei har nak vialte nakal tak cangmu a rian natuan mi le andaw tu Pa. Pathian taangnem te ah nadin aiai cangmu, kan in siang lo ti zongah zei san hmanh a tlai ti lo e van cungkhua tu in rak kan dong temu. Mision rian nan tuan nak te thing riang mang ve lai tuzan cuNazun tuar in an um ve lai nan rian tuan nak Pyi zum tu le Inn pa vial te. RIP.

Taningtharyi Peng Ni 3 Chung Pehtlai In A Cangmi Kahdohnak Ah 6 An Thi, Taningtharyi peng, Laytit khua ah rallam sialtu SAC ralkap le tualchung hriamtlai phu kar kahdohnak ah SAC ralkap 6 an thi tiah theih a si.

November 25, 26 le 27 ah Laytit khua ah rallam sialtu SAC ralkap cu tualchung hriamtlai phufonh nih an kahdoh hna caah SAC ralkap lei 6 an thi tiah nihin November 28 ah tualchung hriamtlai phufonh nih cathanh an chuah. SAC ralkap hna cu Taningtharyi tualchung hriamtlai pah-kah-phah hruainak in battalion 2 tat-khuai 2 PDF, Myait pah-kah-phah phufonh hna nih ni thum chung pehtlai in an kahdoh hna tiah theih a si.

Myaungmya Hluttaw Palai U Wai Lin Aung Cu Kum 26 Thongthlak Ding In Biakhiahnak An Tuahpiak, A luancia kum 2021, December thla lio Kayin ramkulh Laykaekaw Myotit ah tlaihkhih a rak tongmi Myaungmya pyituh hluttaw palai U Wai Lin Aung cu Myawaddy pengkomh biaceihzung nih kum 26 thongthlak ding in nihin November 28 ah biakhiahnak an tuahpiak tiah theih a si.

U Wai Lin Aung cu SAC ralkap nih a luancia 2021, December 14 ah Laykaekaw Myotit ah an rak tlaih i, poh-mah 52(a), 50(a), 50(j) le poh-mah 122 tiin tazacuai a tongmi a si.

Pyituh Hluttaw palai si mi U Wai Lin Aung cu tlaihkhih a ton kum khat a rauh hnu ah a tu bantuk in kum 26 thong thlak ding in biakhiahnak an tuahpiak hi a si. U Wai Lin Aung cu hluttaw palai a si hlan ah Myaungmya Ga-yu-na-shin(ကရုဏာရှင်) mi bawmhchanhnak phu dirhtu a si i, 2020 thimnak lio ah NLD palai in pyituh hluttaw palai a tlingmi a si.

Taze Peng Ah SAC Ralkap Nih Tualchung Mi Inn An Khangh Caah Inn 150 Hrawng A Ciam, Sagaing ramṭhen, Taze peng chaklei ah a ummi Htanpin Seih(ထန်းပင်ဆိပ်) khua ah SAC ralkap hna cu nizan November 27 chun ah rallam an sial i voithum tiang inn an khangh, tiah theih a si.
Htanpin Seih khua cu SAC ralkap nih atu le atu an pal tawnnak khua a si i a hlan zong ah voihnih tiang an rak khangh bal cang.

Atu a voithumnak an khangh caah a khua ning in a ciam ti tluk a si ko, tiah tualchung mi hna nih an chim. “A voithumnak an khanghmi ah hin inn tam tuk a ciam. Va phalh kan duh ko nain SAC ralkap le pyusawhti an um caah kan kal ngam lo. Pyusawhti hi tualchung mi lawngte an si i anmah nih SAC ralkap pawl cu lam an hmuhsak hna,” tiah tualchung mi pakhat nih a chim.

SAC ralkap nih Htanpin Seih khua cu a voithumnak an khangh caah inn 150 hrawng a ciam kho, tiah tualchung mi hna sinin theih a si. Ralhrial bawmchantu pakhat nih,” Htanpin Seih khuami hna cu ralhrial in a himnak hmun ah an i dor. An khua ah an kir ngam rih hna lo. Umnak hmun serisiam piak an hau lai,” tiah a chim.

Be the first to comment

Leave a Reply

Your email address will not be published.


*