U Aung Tan Le Nay Lin Aung Le Pu Ngai Tham Maung Nih Mindat Bawmhnak Cu!

U Aung Tan Le Nay Lin Aung Le Pu Ngai Tham Maung Nih Mindat Bawmhnak Cu!
==========
Mindat tangka MMK sing 2,000 aa zaampi tiah puhmi Pu Mang Lian maw mifel, MP Tioral tli hna dah mifel site lai?
Thantlang peng Dawn khua mi Mizoram Aizawl khuasa Pu Mang Lian nih Mindat ramleng um hna nih an peng Mindat caah tiah India tangka sing 96 (ting 96) aa zaampi tiah Mindat lei nih Chinworld sinah an thanh hnuah CW nih an taar.

Pu Mang Lian le Mindat in MP a rak tlingmi Kawlpa Aung Tan kar in mah thil hi aa thokmi a lo nain Mang Lian nih fianternak a tuahmi ah Mindat pengin MP tli Aizawl um hna chungin U Aung Tan lawng siloin Nay Lin Aung le Pu Ngai Tham Maung hna zong, mah tangka MMK in sing thong hnih hmannak ah an itel tiah ahun langhter.

Mang Lian nih tangka aa zampi tiah an rak tarmi ahkhan,Mang Lian hi a zaam lo, Aizawl ah aum ko i, a zaammi tucu Mindat MP hlun U Aung Tan tu a si tiah minung pa 5/6 sinin theih asi. Mang Lian hi Aizawl khuasa cia le um peng asi tiah Aizawl um Laimi nih an chim ciomi si.

Thilfiang hi theih rih ahar,Mindat lei nih Chinworld media ah an chimmi kan theih cang ,Mang Lian nih Chinworld lila ah fir nan ka puh hi adiklo tiah ahun chim ve.

Tutan a taangmi ah cun, June Amang an ti maw? Mah nih Youtube ah a chimmi khi a taang,khoika in Mang Lian nih a fir ko tiah a theih ve hnga? CW media ta cherhchan lila cun maw a aupi ve hnga tikha hun ruah ding a um rih. Pic hi Mindat MP hlun U Aung Tan a si. Tuhi Vairam ah a um i pehtlaih awk tha lo an ti. Credit: Chinland Morning News

Tulio hi a phei lei in maw khua ruah a that deuh hnga a tung lei in dah? Chin Miphun kan tuanbia a hrawk tu cu kan mah Chin Miphun lila kan si. Kan tuanbia a chiat ter tu zong kan mah lila kan si. Remh than ding ah biapi bik cu bia a kan el ngam mi hna le biatak deuh in bia a kan ruah ngam mi hna he, riantuan tii kan duh hna lo. Cu ruang ah remh than ding hi cu a har ngai rih ko lai dah.

Kan mah he level hrawng in khua ruat kho le biachim kho Minung hna kan pheo hna rian fial awk the men ah ruah mi hna lawng hman kan timh hna. Cu caah a dongh nak ahcun kan thil tuah mi kan riantuan nak vialte hna hi tuanbia tha ah a ser khawh tawn lo nak a si!

Kawl Ralkap hrim hrim nih an mah nak in an cung lei ah hruaitu dang um ter an duh hna lo bantuk khi kan si ve tawn ko rua. A caan caan ahcun Khua hi a tung in maw kan ruah lai a phei in dah kan ruah lai ti ruah caan a tam ko. A tang link hi Pu Mang Lian fianternak.
https://www.facebook.com/100064570214540/posts/391816299647374/

Bago ah motor a dir duh lo tiin palek bo hnih Thiha cu ralhraang le palek lila nih an kahthah. Bago ramthen, Bago khua ah palek bo hnih (Ye Oh) Thiha cu a motor a dir duh lo tiin ralhraang le palek nih June 1 zaanlei sang ah an kahthah tiah tualchung mi nih Yangon Khit Thit Media ah an chim.

June 1 zaanlei suimilaam 5:30, Bago Collage pawng Traffic point ah ralhraang le palek nih moto le cycle pawl an check hna. Cu lio ah Palek officer Thiha mawngh mi private motor cu thilphor motor nih a phenh ca ah checknak gate lonh ah a dir ca ah ralhraang le palek nih motor innka cu an hon i a mawngtu cu a kah ca ah Thiha cu a hmun ah a thi tiah kan theih.

“Kahthah a tong mi cu palek Ye Oh (Bo hnih) Thiha a si tiah kan theih. Traffic point i an check lio ah ralhraang le palek pawl cu zuu an ri tiah an chim. An kahthah hnu i an check hnu lawng ah palek bawi a si an theih. Anmah le anmah hmanh mah tluk in an i thah a si ahcun mizapi ca ah cun ruah ngam hmanh a si lo.

Motor innka hon riangmang in kahthah cu timh ciammam tein kahthah mi a si ko tiah ti khawh a si. A kaptu zong palek, a thi mi zong palek a si i aa ning deuh. Rammi a si lai ti ruahnak he an tuah mi a si nain anmah le anmah tu an rak si. Mah ti an tuah mi hi mizapi an kan nihsawh a si,” tiah Bago tualchung mi pakhat nih a chim.

Palek officer Thiha ruak cu sii-inn ah an kalpi. A chungkhar lei in report tuah dawh an si. Bago mizapi nih cun palek bawi Thiha an kahthah mi cu i timh ciammam tein kahthah mi a si tiah an chim. Source: Khit Thit Media

Be the first to comment

Leave a Reply

Your email address will not be published.


*