Ukarin Mipi Le Ralkap Hna Nih Rusia Raltuknak An Hrawh Piak Mi Hna

Bucha khua, Ukraine Ah….
Russian raktuknak tank le motor pawl cu Ukraine mipi nih an hrawh piak hna i, tlang bangin aa pong ko hih.

Credit. Jacob R. Thang

Relchap

HAU LENG RAWL
—————————–

2 Sianpahrang 6-7 chungah Siria siangpahrang Benhadad nih a ralkap vialte cu a pumh hna i an hung kal i Samaria kha an kulh. Hi lio caan i raltuk an i timh ning hi phundang ngai asi. Va kal i va thah ding khin an i tim loh an khua hi kan kulh lai i leng chuak kho lo in kan tuah hna la. Cu ti cun kan erh hna lai le an neihcia rawl a dih cun an thi dih ko lai an ti. Hi lio caan i Siria nih Samaria a tuk ning hi thlarau lei thil a hmuh sak. Sual i a tlu cang mi minung paohpaoh cu kan nu pawchung kan chuak ni in sual man thihnak nih a kan hngahmi kan si zeitluk in kan fim zongah zeitluk in kan thiam zongah zeitluk in thil ti kho kan si zongah Vawlei in a chuak mi paohpaoh vawlei in kan hmuh mi paohpaoh cu nunnak taktak hmuhnak ding an si loh, donghnak an ngei.

Satan nih hin ai tinh peng mi cu. Siria mih samaria a khulh i chuak kho loin tuah a timh bantuk in kan i chuakkeh pi mi vawlei thil kha chuak tak kho lo ding in a kan tuah i vawlei thil ah hin i nuam hna seh law a dongnak ah cun ka sinah hrem hmun ah kal te hna seh ti hi a rian ngan bik asi.

Dawtmi u le nau le hna fakpi in ruat ve hmanh. Ni khatkhat cu thihnak nih a kan hngahmi kan si dih. Vawlei par lawng a tlaanmi si ti hlah u si.

2 Siagpahrang 7:3 ah thinghmui pali hau leng i an chiahmi hna kong kan hmuh. Kannih nih hi ti hin kan thut ko i hitihin kan um ko hi a tha loh. Khua chungah va lut u si ti zongah khua chungah rawl ei awh a um loh kan thi thiamthiam ko lai. Cu caah Siria ralkap umnak ah kal usih. Kan nunak a kan zuah le kan nung ko lai, a kan zuah lo le kan ti ko lai tiah a kan ceih i Siria ralkap umnak lei ah cun muichupchap ah an kal. Pathian nih thinghmui pali kal thawng cu Siria ralkap hna theihnak ah ralkap bu tamopi thawng le rangleng tampi tawng bantuk in a theihter hna. Samaria siagpahrang nih pei ramdang siangpahrang ai sawm hna le an kan kulh ko hi a kan ti. A ran khawh chung in kan nunnak a him khawhnak hnga an ti i an thilri le an riahcaw vialte an zam tak dih.

Thinghmui pali hna cu siria riahnak an phak tikah a ho hmanh an um ti lo caah an ti le an rawl an kal takmi kha khim taktak in an ei. Cu hnu ah an kal tak mi thil kha an i thuh hna asinain khua an ruah than tikah mah tihin zan khuadei kan um ko ahcun nihin hi thawngtha ni asi. Cu caah pathian dantatnak kan ing sual la an ti. Cu zan ah cun khua chungah an lut i cu kong cu siangpahrang ka an hung chimh. Thinghmui pali hna thawng in Samaria khuami hna cu rawl lo thihnak chung in an luat. A fak bik lai tiah ka ruah mi cu rawl lo in thih hi a si ko lai tiah ka ruah. Hi ka zawn nih hin thlarau lei thil a hmuhsak. Kan nih zong zeitluk in vawlei ah kan hlawh a tlin zongah hau leng ti le rawl kan ei lo ahcun kan thi thiamthiam ko lai. Hau leng rawl ei khawhnak ding ah cun hau leng ah um hmasa a hau. Hau leng nih a hmuhsak mi cu vawlei thil si loin vancung in a ra mi Jesuh a hmuhsaknak asi.

“Jesuh nih nunnak changreu cu keimah hi ka si, ka sin i a ra mi cu a hohmanh an rawl a tam ti lai lo i keimah a ka zummi cu a hohmanh an ti a hal ti lai loh”, Johan 6:35. Nihin kan miphun zoh tikah za ah za khrih zumtu kan si cang nain khrihfabu,chungkhar le pumpak nun zoh tikah kan ei duh phun hi hau chung rawl minung nih kan kut in kan hmuh mi le vawlei in kan hmuh khawhmi hna hi kan zuan hnawh. Thawngthachimtu si hna seh biaknak lei riantuantu tam deuh nih kan ei taktak mi hna hi hau leng rawl Jesuh Khrih nakin vawlei fimnak le a chung thilri hna hi an si deuh ko.
Samaria kha Siria nih ti le rawl lut kho loin a cawngh hna i rawl loin thi dih hna seh ti kha ai tinhmi asi. Cu bantuk in Satan nih Khrihfabu le pumpak nun ah thlarau ti le rawl a luh khawh lonak dingah a cawngh i a kham ve. Kan nih laimi le bang cu Covid le ralhrang zong hi thlarau ti le rawl a luh khawh lo nak dingah Satan nih hriamnam ah hmanmi pakhat asi. Daithlang hlah usih biakinn i kan i pumh khawh lo ruangah na tha chia hlah Pathian umnak taktak cu biakinn si loin nangmah le keimah pei kan si ko cu. Nangmah lawng in Jesuh kha hawkom nak tuah lengmang. Baibal rel lengmang, thlacamnak in na thinlung kha Bawipa pe, hla thiang in thangthatnak ngei peng, Jesuh na bochannak kha chim peng.

Salm 37:5 ” na nunnak kha Bawipa pe tuah amah kha i bochan law amah nih an bawmh lai “. Jesuh vawlei i a rat tikah thil dang a kawl lai lo mifim a kawl lai lo, cathiam mi zong a kawl lai lo, mirum zong a kawl lai lo, milianngana kal lai lo. Jesuh nih a kawl dingmi hna cu a bia a umnak minung a kawl lai amah nun ngeitu hna a kawl hna lai. Cu caah hau chung i a ummi vawlei in a chuakmi lawng ei lengmang mi cu ni khatkhat cu kan thi thiamthiam ko lai sihmanhsehlaw hau leng rawl Jesuh cawnpiaknak a ei lengmang mi cu zungzal in an nung lai.

Bawipa nih thluahchuaknak kan pek piak ko seh.

 

Be the first to comment

Leave a Reply

Your email address will not be published.


*