Ukraine bomh khawh nak ding ah US nih Lean-Lease Act nun ter tthan an timh!

Ukraine bomh khawh nak ding ah US nih Lean-Lease Act nun ter tthan an timh!
=======
Lend-Lease Act ti mi hi ralpi pahnihnak lio (Hitler nih Europe a tuk lio) ah an rak hman mi asi. 1940 ah France cu Hitler nih a lak (Nazis nih an tei) hnu in Britain lawng kha German Hitler do tu ah a tang. Cu lio ah US cu World War II ah i peih duh lo in neutral in an rak um lio asi.

Britain cu hriamnam thazaang kong ah lungrethei in a rak um. Ti awk theih lo ah British PM thar Winston Churchill nih a mah pumpak in US President Roosevelt cu bomh a hal. US Congress nih an doh ngai bu ah Britain nih Hitler ral dohnak ah a herh mi hriamnam cu zuarh lo in a hlanh tu in hlanh siseh tiah Dec 1940 ah President Roosevelt nih “new policy” a rak chuah pi. Nain upadi chung ah Lend-Lease Act an nun ter tu cu March 1941 ah asi i Congress nih “passed” an tuah hnu ah President Roosevelt minthutnak he upadi chung ah an rak feh ter.

Mah cu Lend-Lease Act hmang in US nih Britain a van bomh hnu in Churchill hruainak he Hitler ral kha an rak tei khawh. 1941 dongh lei ah US nih “the lend-lease act policy” cu kau deuh in lam a on i culio Hitler ral dotu asi ve mi Soviet Union zong hriamnam a rak hlanh ve, China zong lend-lease policy chung ah an rak khumh.

Nihin NRK ttial ning ahcun World War II lio rak hmam mi Lend-lease Act kha USA nih Ukraine bomhnak kong ah nun ter tthan an duh i an nunter ahcun US president nih Ukraine hriamnam bomhnak kong hi fawi tein a tawlrel khawh cang lai (bureaucratic system chung ah a dotdot in helhum lengmang hau loin direct president biachahnak in thil a kal kho lai ti nak). Lend-Lease Act in Ukraine hriam an hlanh mi kha zeitik caan ah pek tthan ding ti mi a caan rikhiah a um lai lo ti asi.

Ram tampi ah Ukraine hi hriam ngan le chanthar hriamnam ttha he kan bawm lai maw bawm lo tiah an ceih cio. Cheukhat ram nih hriam ngam tthattha an kuat, cheukhat nih hriam ngan taktak cu kua ngam rih lo in an um. Tchnk ah German party cheukhat le mipi cheuhkhat nih Ukraine hi hriam ngan/ hriam ttha (modern tanks and weapons) kuat le bomh an duh nain German Chancellor Olaf Schol cu a lung tling lo. Kanmah lawng ral satarh in kan um sual ding kha ralrin deuh a hau, ramdang kan hawi le cawlcangh ning zoh pah a hau a ti. Cu lio ah ram cheukhat nih cun chanthar hriam ttha bunh mi “tank” tthattha an kuat len cang ko, i.e., Australia nih nizan nai te ah vanlawng nganpi cung ah modern tanks (chanthar raltuknak tanks) an khin i Ukriane ah an kuat ( a tang hmantlak khi si).

NATO ram pawl nih an kuat mi/ an bomh mi hriam pawl hi Ukraine ralkap nih an hmang kho lai maw ti hi military experts pawl nih biahalnak an tuah lengmang mi asi. NATO ram pawl hman mi hriam hi Ukraine ralkap nih an tongh bal lo mi high-tech weapons lawng te an si tik ah hi pawl an sin a phak zong ah an hmang thiam lai lo tiah cheuhkhat experts nih an ti.

Cheukhat nih chanthar raltuknak hriam tthattha Ukraine sin kuat an timh mi hi a ttha ngai mi timhlamhnak asi nain an duh ning in a work taktak lai lo an ti. A ruang cu hriamnam tthattha kuat mi pawl hi Ukraine ralkap nih an hman bal mi lawngte an si tik ah caan tawite chung ah a hman zia an thiam lai lo ti asi. Tchnk ah raltuknak vanlawng zong hi Soviet Union nih an rak ser mi MiG-29 lawng kha Ukraine pilots pawl nih an thiam/ an i ziak mi si caah Polen nih MiG-29 a ngeih mi dihlak Ukraine pek le zuarh ding in an rak timh nak kha asi.

Air Force an thazaang ai tlau tuk. Ukrainian Air Force nih fighter jets an nei rih ko nain tampi neih dawh an si ti lo. Cu pin ah Ukrainian Air Force hi Russian Air Force bantuk in advanced fighter jets an nei lo. Ukrainian Air Force nih vanlei ral kan i ven khawhnak ding a herh mi tools kan nei lo e, kan herh mi cu fighter jets F-15 le F-16 asi e an ti. Cucaah Ukraine President zong nih raltuknak vanlawng ttha (advanced fighter jets) le vanlawng kahnak kan bawm ko ulaw tiah a aupi lengmang.

F-15, F-16 pawl hi fourth generation fighter jets ti an si i 1980 in nihin tiang NATO ram pawl le ram rum deuh nih an hman mi chanthar raltuknak vanlawng an si. Norwegian Air Force nih F-16 hi kum 40 chung an hman i cu nak in a ttha deuh mi F-35 ah an i thleng cang (F-35 cu the most advanced fighter jets in the world ti mi asi).

Ukrainian Air Force nih cun F-15 le F-16 hi kan kua ulaw zarh 2 in zarh 3 chung ah a hman kan thiam ko lai an ti hna. F-16 pilots cheukhat tu nih cun zarh hnihthum men ah thiam khawh ding phun asi lo an ti. Norwegian F-35 pilot asi i F-16 zong caan sau pi a mawng mi Morten ti mi pa nih cun, “raltuknak vanlawng phunkhat in a dang phunkhat i thlen tik ah caan tampi lak in cawn a hau mi asi, a tlawm bik 12 tel an cawn lo ahcun Russian Air Force he airspace ah i doh ding ahcun a fawi lai lo, M-16 pilots manh nih an i harh ko lai” a ti.

Cheuhkhat nih Ukrainian pilots pawl lungthawhnak (motivation) kha a biapi mi asi. MiG-29 lawng a hmang tawn mi Ukrainian pilots zong nih an izuam le an duhnak nih a tei ahcun caan tawi te chung ah F-15/F-16 an hman khawh ve ko lai an ti ve. A tu tiang ah Ukraine hi anti-aircraft missiles tthattha cu tam ngai an kuat cang hna nain fighter jets hi cu a kua tu/bawm tu an um rih lo (hriamnam phun dangdang an kuat mi hna cu a tam tuk, air defence zawn van chim duh mi asi). Credit: Sangukceu Zinhlawng
6 m ·

Be the first to comment

Leave a Reply

Your email address will not be published.


*