Ukraine Khuapi Nih A Tuar Mi Hi Zoh Ah

Ukraine Khuapi nih a tuar mi hi zoh ah lungfak Tuk si Celh bak si lo e minung zei zat dah Liam le har tuar mi an um ti mi cu theih dih si ko.

Minung thi mi hna hmunkhat Teah an fim hna an thlan zoh ah hin a sau ngai nain khat tein Mithi an chiah hna lung a fak ko mu.

Relchap:Atulio Ukraine cu Russia bomb thlak ruang ah Kharkiv Khua ah rawhralnak, thihlohnak hliamkhuainak a tam. Ukraine ram Nitlak-chaklei kap ah a ummi Kharkiv khua ah Russia ralkap nih bomb in an thlak ca ah rammi a thimi le hliam a pumi an um len. Kahdohnak pehzul in a um caah mithi, rawhralnak le a hliammi a zat an thei kho rih lo. Crd-the chin jouner.

A peh tlaih mi thawng Rel chap rih: Russia Vanlawng (5) Bak Kan Kah Thlak Tiah Ukarain Nih Thawng Thanh!, Tuzing lei in cun Russia ralkap nih Ukarain ram tukdohnak tuah hram an thawk ruangah Russia vanlawng (5) le helikopter (1) cu kan kah thlak tiah Ukarain ralkap nih an chim.

UNO zulhphung section 51 ningin mah le mah i vennak le i khamnak caah kan tuahmi a si i, Ukarain ralkap hna nih ramri chungah luhhnawhnak tuah in kahdohnak tuah a timhtu kan ral pawl cu zoh dawh ngaiin lehrulhnak an tuah kho tiah Ukarain ramchung runvennak zung nih cathanh an chuah.

Boruak dirhmun cu kan control kho i, Russia ralkap an sungh tiah a chim chih. Sihmanhsehlaw Russia ralkap nih cun kan vanlawng an kan kah thlak piak lo tiah an i phehnak cu anmah ramchung thawngzamhnak pakhat TASS nih a langhter. Ukarain ram kahdohnak kong he pehtlai in cathanh an chuahmi kongah vawlei cung thawngzamhnak dangdang nih cun an fehter kho lo tiah theih a si. crd-the federal times.

Be the first to comment

Leave a Reply

Your email address will not be published.


*