Ukraine Khuapi Vial Te Cu Putin Nih A Huam Chungin Bomb In A That Ko Nain US Le NATO An Dap Ko Fim Maw A Si Ralchiat Dah.

Fim maw a si, ralchiat dah?

Ukraine hruaitu nih US le NATO sin an hal lengmangmi cu Ukraine ram chung ah vanlawng zuannak nawl phih no-fly zone ser ding hi a si. Nain, NATO nih an ngamh lo.

No-fly zone kan ser i Putin nih zei rel loin vanlawng a rak zuanter ko ahcun kah an hau lai caah Russia he i phomh caan a phan kho, WW 3 a chuak sual lai ti kan phang tiah NATO nih an chim.

Ukraine khuapi vialte cu Putin nih a huam chung in vanlawng in bomb thla ko seh tiah green light’ nan pek bantuk a si tiah Ukraine President nih NATO cu a mawhchiat ve hna.

No-fly zone hi Russia ram chung ah va ser ding an chimmi khi a si lo, Ukraine nih anmah an ram chung te ah kan ser piak u an timi khi a si.

Nan inn chung ah rap chiah awk asi lo, mifir aa foih sual lai i a thin a hun sual ahcun mifir he i vuak a hau lai caah tih a nung tiin mifir lor chin nak lam ser piak he ai lo ngai.

Sipuazi phihnak zong tam ngai an tuah ko nain US nih cun nikhat ah Russia ziinan 672,000 barrels bak a cawk peng rih ko. Ukraine nu le ngakchia thahnak ding caah indirect in Pu Biden nih Russia a bawmh ve len ko kan ti men hnga.

Laknak : Salai Lung Thli Tum

 

Be the first to comment

Leave a Reply

Your email address will not be published.


*