Ukraine raltuknak nih China ṭhanter chinchin!
=========
Russia nih amah huham thladem tangin zaam ai tiimmi Ukraine cu a tuk. An ram va uk-pen dingin a tukmi si lo, tiah anmah tein an rak iphuan. Ukraine hruaitu thar capo saihthiam Zelensky nih Russia huham tangin chuah i NATO lei thladem tang iduup a duh. Cucu, Putin nih a rem lo. Mah caah a tukmi a si.
Vawleicung economy hi US nih a tlaih rih, ti awk khan a si. Cucu China nih mah tik kum ah US economy cu a phanh lai an rak ti. Ukraine raltuknak a chuah hnu bel in China nih US economy a canh zaunak ding aa naih chinchin. Vawleicung i No.1 economic power house an si zau cang lai. Mah cucu vawlei pumpi ca tuak tikah a ṭha maw, ṭhalo tiah cun “ṭih a nung” tiah kan ti colh ko lai. Nain, a ṭha deuhmi lam zong an serte khawh men ko; chim khawh si lo.
US lawng nih monopoly a tuah zungzalmi zong cu zuamcawhtu a rak um kho lo i mu. Confucius pawl zong kai tuah hna seh ca, zeidah lawh lai tiah zoh te ding khi si hnga. EU le US te dawng nih Russia cu economy kan phih ti an si. Mah hihi annih rual hman keel tawn political tactics phun cu si, kan ti ko lai. Hi tactics hi tu chan caah ai kaih ti lo dah kaw ka ti tawn.
Russia cu an phih ciammam, Putin a zeihmanh poi lo. Anmah tu an cei lai a tongh ko. A meiti hriim le gas vialte China sinah a bongh khawh thotho. 2021 ahkhan China nih a economy dihlak i 18% khi Russia he ipehtlaihnak in a rak hman. Russia meiti hriim US $ 96 billion man a rak cawk hna. 2022 ahhin cun, a tam taktak cang lai. Atu tiang i Russia meiti hriim a cawk cangmi $147 billion man reng ti lo ti si.
China nihcun zaang “power energy” khi a ṭhanchonak ranter deuh dingah tam tuk lawmmam in a herh. An milu khi tuak, an mifim tuak hna. Plan an rak isuai dih cang. Africa vialte an va laak khawh dih cang. Kawlram pakhat luklak hi cu an rampi chung i an theih lo bikmi Yunnan Province ca ceo ah kan si cu.
Tuak ko. US le EU nih Russia an phih i China nih meiti hriim cu man-ol deuh in a ngah khawh lehlam lio ah US le EU ah tinam fiim man a kai dih. South Korea le Japan tiang nih an tuar. China ram cu Nitlak ram pawl lawng si loin, Kawlram mi mi zaran hna kan ruahnak nak leng in a ṭhangcho. Khi tluk milu tamnak ram ah an ṭhancho ningdan le an zatlang nunkhuasak tuakah cun, an tiru tak lawlaw khi an si.
Milu 1.4 billion chungah khin mifim, mithiam, mizer, mi thilti kho hawihlei cuang kho lawngte an tam bik. An mihrut khi US Republican Party i an MP cheukhat nakcun an fiim deuh rih kho men. Mah tluk cu an si. Tikah, tutan i Ukraine raltuknak kongkau ahkhin cun US zong khi WWII lio bantuk cun an iralring ti lo hlah maw ti awkin a um ngai, ka ti.
US dollar can-ai ah Chinese Yuan tbk hna hman tukmi i aa can sual citcet ahcun, Lai pa pawl Tuluk nu ṭhit khawh rak izuam ko cang kun uh ti hau dingin a um hnga.
China a uar tukmi ah nan ka ruah lai. Nemmam! Ka uar hna nak zawn bel um ve ko. Vawlei pumpi caah cun an ram khi (an minung ka ti lo) si kho rih lo. An zeihmanh ka uarmi um rih lo, except, Chinese product lakah cun, an van ṭhancho hnu i ai dawh tukmi an nungak tete an chuah lulhmi khi ka uar cem hna. Credit: Salai C Alexander
WMD Hriamnam Hman Lo Dingah Biden Nih Putin Ralrin A pek! US President Biden nih Ukraine kahdohnak ah Weapons of Mass Destruction (WMD) hriamnam hmang lo dingin Russia President Putin cu ralrin a pek tiah theih a si. “Weapons of Mass Destruction (WMD) hriamnam cu hmang bak hlah, na hman ahcun ralpi pahnihnak (World War II) dih hnu in ton bel rih lomi ral na thawhter a si lai” tiah, US ralrin peknak kong cu CBS media nih interview an tuahnak ah Putin nih a chimphuan.
Russia nih Ukraine tuknak ah Weapons of Mass Destruction (WMD) hriamnam pawl a hman ahcun zeibantuk in dah lehrulhnak tuah a si lai timi tu cu US President Biden nih cun a chim chih lo.
A luancia March thla lio ah President Biden cu European Union, G-7 le NATO ram hna he tonnak a ngeih hnu in a tu bantuk in WMD hriamnam pawl hman lo ding in Russia ralrinnak a van pek hi a si. Russia ramleng minister Sergey Lavrov nih cun Nuclear raltuknak a chuak sual lai maw tiah thinphan lengmang mi cu a tak in a chuak kho dingmi dirhmum a si ko tiah, a chim ve.
Russia President Putin Thah An Timhmi Hlawh A Tling Lo! Russia President Putin cu thah timh a si ko nain hlawh a tlin lo caah nungdam tein a luat than tiah, Euro Weekly News nih september 15 ah a tial tiah theih a si. Putin citmi mawtaw cu a hmailei ke puah hnawh a si nain a himnak hmun tiang mawtaw an khalh than khawh caah hlawh tling a si lo tiah, Euro Weekly News cun a tar.
Putin thah timhnak kongah mi tampi zong tlaih an tong nain Putin thahtimhmi ni le caan le hmun tucu langhter chih a si lo. Russia nih Ukraine a tuk hnu in Putin thah timhnak thawngpang hi a rak len pah ngai, Putin nih cun voi 5 tiang thah an ka timh cang nain nungdam tein ka luat peng tiah, 2017 lio ah mizapi hlan ah a rak chim bal.
Leave a Reply