US ah fale te caah lam hman lo an kal caan hi abikin middle school an kai caan hi!

US ah fale te caah lam hman lo an kal caan hi abikin middle school an kai caan hi!
========
US ah fale te caah lam hman lo an kal caan hi abikin middle school an kai caan hi asi tawn ve. Abiapi ngaimi cu fale te aho he dah an ikomh ti a biapi. Hawikom bia an ngaih saling asi i hawikom tha lo hna an ikomh sual ahcun thiltha lo lam lei ah pial thai a tam. Hi pawl a cang lo nakding ah nu le pa nih fale te caan pek khawh, ineihniam a hau. Lungthli bia iruah khawhmi i pehtlaihnak ngeih hrim a hau.

Fale caah US ah kan um kan ti cio hna, nain fale caan peknak in overtime tuan a biapi deuh kan chiah tuk i fale te he caan hman ti caan ngeih lo, cun fale te he i pehtlaihnak tha ser khawh lo ahcun hawikom tha lo bia ngaih in an ila kho. Nunnak ah riantuan cu a hau, nain abiapi ngaimi cu rian le fale caah balance tuah thiam hi asi.

A ngaingai ti ahcun $ 1 million ngeih i fale sii tama maw nai thim deuh lai, siloah bill te ipek khawh fangfang i fale mifel si dah timi biahalnak um sehlaw fale mifel si kan ti cio ko lai dah.

Fale hi kum 18 an tling hlan chung hi nu le pa le fale kar ah i pehtlaihnak a thuk a fek nak hnga le bia iruahnak a that nakhnga caan ipeknak pakhat lam lawngin ser khawh asi. Kum 18 an tling cang hnu ahcun vate a thla a corh dih cang bangin duh zong duh lo zongah lo viar an zuang te ko hna lai. Nain felfai tein a zuangmi an si ahcun nu le pa nih an mah caah US kan umnak asi timi bia cu ilungsak cio asi ko hnga.

Norway ram i um fackbook tamtaktak a hmangmi pa min tampi a ngeimi (KCMC Lian /CM Lian KC/Moses Lian/ Lian za thang) Sung Iang konghe aa pehtlai in bia lehnak. Oman i um mi lainu zuar an si na ti mi kha anmah pumpak hrimhrim in online ah zuar kan si lo timi zapi theihin chungkhar leinih fianternak an tuahmi zong tha tein kan hmuh(Tial hlei cuai time line ah).

Sung Iang kongah Global rawn chin media leng cung tlang media si hnaseh Oman i ummi lainu pawl zong umthiam loin na tuaitaam hna i hnahnawhnak zong a phunkip in na pek hna cun Oman a cozah le Boss cungah sualphawtnak bia tampi na chim cun midang cung zongah na biachim mi tampi kan theihrih. Zeihmanh aa pehtlailomi UPC khrihfabu tiang na hnuarsuan.

Salena sui le nangmah cu kan dothlat tikah zeihmanh pehtlainak nan ngeilo nain puaisa bamtuk in Norway tangka thawng 22 hmuh na tim. Na riantuan mi cung le na thiltuahmi cungah mi ningcanglo na sinak kha tha tein kan hmuh cang.

Cu caah tampi tialhau loin a cunglei i kan lanhtermi hna vialte le Pi sung iang te chungkhar cungah ngeihthiam na hallo a si ah cun a hrelhning in riantuan kan i tim cang ti kha thawng kan in theihter. Pi sung iang te chung.

Lian Za Thang (KC MC Lian) Cu Norway Cozah Or Interpol Ah Report Dingin Hma Lak Lio Pi Asi (Moses Lian). Norway i a ummi Lian Za Thang (KC MC Lian) timi pate nih Oman ram i a ummi Lainu pawl um awk thiam loin hnahnawhnak a kan tuah caah Oman i a ummi Lainu le nih meeting nak kan ngei kho. A donghnak biakhiahnak kan tuahmi ah kan pule cio kan chimh hna lai, ti asi. Kan pule cu kan chimh hna i zahan kha an i tong kho, international laws a thiam mi an chawnh colh hna i ruahnak an hal colh, an kan timi cu a tanglei ning hin asi.

Oman ram i a ummi Lainu pawl ningcang loin tuaitam, hranhram loin Oman ummi Lainu pawl lihchim ter timh, Oman cozah ningcang loin social media ah mualphoh, nu hmanthlak ningcang loin lak in vawleipi hmuh in phohzar, ningcang loin Oman ummi online in phaisa vun kuat dingin hrocer ruangah, ningcang loin sex slave boss te puh le a umnak ram Norway cozah ningcang loin ai hman ruangah Interpol asiloah Norway cozah sinah petitions tuah khawh a si tiah international laws a thiam mi nih an ti, cucu tolrel zau dingin timhtuahnak an ngei.

Hi thil vialte hi photo in siseh, voice in siseh, recording in siseh, kan ngeih dihmi asi, i pheh khawh asi lo. Nan duh asi le zapi hmuh ah ka vun post hna lai i nan hmuh ko lai. Mithluak tling deuh lo a si kan ti ko nain mak a thiam ti lo caah thaizing hi kanmah Oman i a ummi i tonnak kan ngei hmasa lai. Mítam deuh nih cun Laimi le Laimi kan si ko i Norway Chin Community le a umnak Khrihfabu pastor te le upate chim hmasa ko hna usih, an ti ve.

Thaizing hi kan i tong phawt lai i kan biakhiahnak cu kan pule kan chimh te lai. Interpol asiloah Norway cozah sinah report ding le ding lo cu. Norway in thawl khawh asi an kan ti, hei thawl hna sehlaw khawika dah a kal lai kan ti i a ram Myanmar ah an kan ti. Kan hnu le i a kong ka vun post ahkhan a rak chawnh mi nungak pawl nih ca an vun ka kuat cio i, kei zong kan bawmh lai cuticun ka bia na ngai ve lai a rak kan ti le kan chawn huam lo cu, tiin an vun ka chimh cio. A hlan deuh lio le bang ahcun a til le a zang hmanthlak hna a rak kuatmi an um rua a mak ngai.

A photo kan in kuat lai rak post an ka ti len. A Facebook hi a tam khawh ning hi kan theih cawk lo an ti cio, KC MC Lian, CM Lian KC, Moses Lian, Lian Za Thang, Moses Pathian Dawtnak le zeiti phun dek tam taktak nungak hlen nak ah ai ngeih hna. A photo ahhin pastor phun in biakinn le necktie phun deuh in ai umter i nungak cheukhat nih cun a zumh sual mi an rak um ve.

Mi lungtlawm kan va ti ko hmanh ah um awk thiam loin mi hlen le mi mualphoh a hman caah zoh sawh awk a that ti lo caah mah bantuk in kan vun phozarh nak asi. Rak chawn citcet in rak zum citcet sual lai ucih, a phunphun in an hlen hna lai caah upa le khuafa kan ti cu bia cu a thiam ngai fawn lai khah.

Laimi le Laimi kan ti ko zongah, mi tlinglo kan ti ko zongah, buainak le hrokhrawl in mak hngal loin riantuantu cu miphun ca zongah tihnung asi lo maw? Cucu kan tuah awk hrimhrim asi, kan miphun himnak hman asi lehlam lai. Rak hngak ko seh! Credit: Khun Khun

Be the first to comment

Leave a Reply

Your email address will not be published.


*