US President Hmurka in Armageddon biafang a chuakmi cu tihnung pah ko!

US President Hmurka in Armageddon biafang a chuakmi cu tihnung pah ko!
===========
US president hmurka in “Armageddon” biafang a chuak. RUSSIA president nih Tactical Nuclear hman a timh ko cang tiah an zumh i, Zeitindah kan lehrulh lai timi kong ah US Cozah cu biatak tein khuaruat sehlaw a dawh.

Putin nih tactical Nuclear pawl cu Ukraine ramri lei ah a kalpi cuahmah cang tiah thawng a chuak. UKRAINE ah RUSSIA Ralkap an sung thluahmah. PUTIN nih reserve army, Ralkap thar a auhmi ah tampi nih an zamtak fawn. Cucaah, Ralsungh ding nakin tactical Nuclear hi a hman te lai tiah zumhnak hi a si.

Putin nih Tactical Nulear hi a hman sual ahcun, pakhat lawng a si lai lo. Hmun tam nawn ah a kah lai tiah an zumh. Tactical Nuclear in Ukraine a kah sual ahcun, West/ US nih a respond/ lehrulh lo awk a ttha lo. Putin nih nuclear a hman i, an lehrulh lo ahcun, North Korea, China, tbk vialte caah, fawite in Nuclear hman ding lam a sialpiak hna a si lai tiah an ruah. Cucaah, respond/ lehrulh hrim a herh tiah West/ US thinlung ah a um.

Joe Bidden nih private fundraising event a kalnak ah a chimmi cu, “Putin nih tactical nuclear hman kong a chimmi hi a capo a si lo” a ti. “Fawite in Tactical Nuclear hman in, Armageddon phak lo tbk hi a um lai ka zum lo” a ti. (He is not joking when he talks about the potential use of tactical nuclear weapons,” Biden told donors. “I don’t think there’s any such thing as an ability to easily use a tactical nuclear weapon and not end up with Armageddon.”)

Joe Bidden bia zoh tikah, Putin nih Tactical Nuclear a hman cikcek ahcun, fakpi in respond a herh ko caah, WW3 a chuak ko lai timi hi langhter sisehlaw a dawh.

Tulio ni 2, 3 chung news ahhin Putin nih Tactical Nuke in Ukraine a phawmh kho men timi fak ngai in an chim.
Tactical Nuke hi Nuclear hriamnam ah a fa deuhmi a si i, Russia nih 2000 hrawng an ngeih tiah an chim. Vawlei tuanbia ah Tactical Nuclear hi raldohnak ah an hman bal rih lo.

Putin nih Tactical Nuclear hi a hman te ko lai tiah an zumh ngai cio. Aruang cu Ukraine ralkap nih an nam than thluahmah hna. Russia 🇷🇺 Ralkap hnu an ithawn thluahmah. Cucaah, Ral sungh ding dirhmun nakin Tactical Nuke hman aa thim deuh te ko lai tiah an zumh hi a si.

Putin nih Ukraine ram ah Tactical Nuke a hman sual ahcun, US nih lehrulhnak tuah an itimh tiah bia a chuak. Amah belte Nuclear hriamnam in lehrulh cu a si lai lo. Ukraine 🇺🇦 ram ah a Ralkap base le a hmunhma pawl hrawh piak in a si lai tiah media ah a chuak.

Tactical Nuke hi a hme deuhmi Battlefield ah hman ding in sermi a si i, a thazaang, Range hi 1 Kiloton in 50 kiloton karlak an si an ti. Putin nih tactical Nuke hi a hman sual sehlaw, zeitluk thazaang tthawng dah a hman lai timi cu a ho nih theih awk a ttha lo.

US nih Japan ram, Hiroshima le Nagasaki ah an rak thlak balmi Nuke a thazaang ah, Hiroshima ah an thlakmi kha 15 Kiloton a si i, Nagasaki ah an thlakmi kha 25 kiloton a si tiah World Nuclear org ah an ttial.

Fim chan, 21 first Century kan phan cang kan ti nain, Vawlei ah rualremnak a leng kho hrim rih lo. Duhfah, Hakkaunak nih Vawleipi a kalpi cuahmah rih ko.

Nizan ah, Vawlei cung ah ram nganbik,ram kau cem a ngeitu Russia/ Putin nih a innpa ram, ram hmete, an ram ah a tthatnak le hmunttha regions 4 a chuh hna i, Russia ah a khumh. Russia 🇷🇺 ah zungzal in an um cang lai tiah Vawlei pi theih in a thanh i, UN nih International community phung a buar tiah an mawchiat.

UKRAINE ram, Regina 4 a chuhmi hna pehtlaih in UN Security Council nih dantat ding vote an thlak nain, UN Security Council chungtel lakah veto kho dirhmun a si ve tikah, sualphawt khawh lo ding in a veto. China 🇨🇳 le India nih an dirpi lo.

US- Bidden Cozah nih Sanctions fak taktak in an leh i, Ukraine nih NATO chungtel si dingin applications an luhter ve. NATO chungtel ah Ukraine ram cohlang ding ahhin NATO phunglam ningin, NATO members vialte an lungtling dih a herh caah, Russia lei a tangpah mi, NATO chungtel Turkey ram an lungtling ve ahcun, NATO chungtel an si colh te lai tinak a si.

UKRAINE nih an ram lak tthan dingin Raldoh ngol an itimh ve lo. US zong nih Phaisa tam chinchin in a bawmh hna. RUSSIA nih Ukraine ram a chuhmi hna ven dingin Russia Mino tampi raltuk ding a khawmsuat hna pinah a Russia ram ven ding ahcun Nuke zong ka hman ko lai tiah Vawleipi a tlerh hna.

Cucaah, Russia Mino tampi cu an innpa ram ah a tomtom in an zaam. Russia ah sandahpiah an karh. PUTIN duhlotu an karh ve. Ukraine nih an ram an lak tthan khawh ve ti lo ahcun, an sung thai kho ti nak a si. Asinain, an ram a tangmi te ven khawhnak caah NATO chungtel ah an lut kho ve lai tinak a si. Credit: Zasang Cinzah