US ram um Chinmi Cheukhat nih Cozah ngunkhuai nan liam cang lai!

US ram um Chinmi Cheukhat nih Cozah ngunkhuai nan liam cang lai!
=========
2023 January 1 hin cun Truck a mawng mi poh nih IRS ah an tlik mi meng zat in meng khat ah 75 ti bantuk in cozah ngunkhuai nan liam cang lai tiah Biden miṭhi le lalang pawl nih phungthar an chuah ee tisi. R-Party nih cun an duh ruam rua loh.

US ram truckers pawl nih cun taza kan i cuai lai tiah an i timlam ee an ti. Truck a hmet-ngan in siseh, non-profit pawng sihna seh, ER pawl sihna seh a mah le hawih cio in an pek mi aa dang la ee tisi. US ram kan umtik ah Federal level in siseh State level in phungthar tete an remh mi le an chap mi tete nih theih le hngalh khawh i zuam hna u sih.

Kutken meithal hna hi Indiana a cozah nih cun 2020 July 1 cun kum 5 caah license na sok ah cun free an ti i atu 2022 July cun license tuah hrim hrim nan hau ti lo ee tiah phungthar an fehter cang ti bantuk State phung tete hi cozah website ah rel khawh i zuam hna u sih. Ka hngal lo ee tiah zaangfah um lo i na inn zong ah ra in an rak in chim theng hna la loh. Salai Cung Khenglawt

Chinmi nih nitlak lei ram kan phaknak hi, buaktlak in kum 15/20 hrawng fai te lawng a si rih. Hi Kum chungah Chinmi nih! Zudin ruang, daitlan ruang, thathut ruang, tlonlen thiam lo ruang, dinfel lo ruang etc tibantuk hna ruangah kan tonmi hi kan I muai cawk nawn ti lo.

Hi Kum zeimaw chung teah mitampi cu, Pathian thangthat le Biakinn va phak zong hi biapi tukin kan chia ti hna lo! Hi ruang hrim ahhin a ruah hlan ah muai cawk loin kan hun ton colh dingmi thil biapi ngaimi hna cu! Pumhkomh le Pathian mithmai va kawl nakin vulei chawva le thilri tu kan zuanhnawh deuh ca le Pathian tihzah upatnak pek kan hngalh/duh ti lo caah!

Fanu pafa chimh ngaih lonak le fanu sual, fapa sual in a kan hrem te lai. Zawtnak thalo le damlonak hna in a kan hrem te lai. Chungkhar buaibainak a phunphun hna in a kan hrem te lai caah—a tu te hin Pathian hmai kawl le Pathian tihzah upat tu I tim cio ko hna usih.

Minung tampi nih, ka fanu ka fapa hi khua le ram, Pengtlang, miphun, khrihfabu ah bochan mi si hna seh ti cu kan duh dih viar nain, kan ti khawh tawkin kanmah va I pek le va cawlcangh ve tu cu kan duh ruam hoi tawn lo!

A va si khawh ahcun zu hi cu din lo tein um kho cio usihlaw a tha cem mi a si ko,nain,kan vaa I sum khawh hrat lo le kan va hrial khawh hrat lo ngamsam a si hmanh ah—inn chungkhar rawhralnak le pawngkam ca tiang ah hnahnawh buaibainak chuahpi lo le pawcawmnak rian hna tuan kho lo tiang hin cun kan i teiter cio hrim lo hi cu a biapi hringhran ko rua ee! Credit: Salai Tial Thawng

CDF-Thantlang Control Area Ah Avoi 2nk Khuabawi Tonpumhnak An Tuah! Chinland Defence Force CDF-Thantlang Control Area, khua 51 ah zatlang uknak cu November 27-28,2021 ah khan rak thok a si. Zatlang uknak ahhin fimcawnnak, lam le sul, biaceihnak, police, ngandamnak lei le khuabawi hna hi biapi in kalpi an si.

Khuabawi pawl hi kum 1 ah term 1 ṭuan dingin mahle khuami cio i mipi hna nih lungtling tein thim an si bantukin 2022-2023 chung khuabawi tuan ding zong khuami cio nih thim than an si. Thim tharmi khuabawi hna he i tonpumhnak cu 2022, November 29 le 30 ah tlamtling tein kan tuah khawh tiah Public Administration Thantlang nih an thanh.

Matupi le Mindat Ah Helicopter A Țum. Chin ramkulh, Matupi khuapi ah hrambunhmi SAC ralkap camp ah nizaan December 1 chun slm 12:00 ah SAC ralkap Helicopter pakhat a țum tiah theih asi. Cun, Mindat khuapi chung ah hrambunh mi SAC ralkap officer pawl zong an i thleng tiah theih asi.

Helicopter cu Lailenpi lei zong ah a vai hel pin ah Matupi khuapi pawng khuate hna zong a hel hna hnu zaanlei ah Kawlrawn lei ah a kir țhan. Nihin, December 2 zing slm 10:30 zong ah Helicopter pakhat cu Mindat khuapi hrambunh SAC ralkap camp (274) ah a țum i zaanlei slm 2:00 hrawng ah niam tein Magwe ramțhen lei ah a kir.

Chin Ramkulh Chung In Leitang Bomb Ruangah India Ram Sii-Inn Ah Thlop Mi 100 Leng An Si Cang. Chin ramkulh chungah, leitang bomb phummi i lamh sual ruangah, India lei ah aa thlopbulmi minung 100 leng an phan tiah theih a si.

Chin ram chaklei thlanglei ah bomb in aa hliammi minung an tam i, a tam deuh cu, lo kalnak, dum kalnak le sia an kawlnak ti bantuk ah bomb an i lamh sual caah aa hliammi an tam. November 29 lio zong ah, Matupi Laungban khua ah, nuva hna dum an kalpah ah bomb an i lamh sual caah, an pa cu a hmun ah a nunnak a liam i a nupi cu Naypyidaw sii-inn ah an kalpi tiah theih a si.

Waimaw (ဝိုင်းမော်) Ah Inn A Kang, Chungkhar Minung 7 A Kangh Chih Hna. Kachin ramkulh, Waimaw peng Naungching (နောင်းချိန်) khuakomh, Innkan (အင်ဂန်း) khua ah nizan December 1 ah inn pakhat a kaang i unau 6 le an piter pakhat cu mei nih a kangh chih hna tiah theih a si.

Inn a kaang i an thilri zong a kangh chih dih. Inn tang i meilul( Phayaungdan) an vaan mi in mei aa thok lai tiah kan ruah. Inn tang i an chiahmi datsi pung a puah hnu lawngah kan theih i meiphalh nak caan zong kan ngei manh lo ngakchia kum 2 tel in Unau 6 le an piter kum 70 tluk cu mei nih a kangh chih hna tiah tualchungmi pakhat nih a chim.

An inn a kangh lio ah hin an pa cu lei(neel) ah a um lio a si i, an nu nih meithah dingin ti cawi ah a kal i a ṭih tuk nak ah lungfim lo in a rak tlu tiah a chim chap. Inn kanghnak in a nunnak liam mi hna hi piter kum 70 le an fa le ngakchia bik kum 2 in upa bik kum 11, an dih lak minung 7 an si tiah theih a si. Cu Inn kanghnak ah cun cycle pakhat, lei thuannak seh pakhat, phaisa sing 20 le innchung thilri a dihlak in a ciam dih tiah theih a si. Credtit; The Chin Post

Be the first to comment

Leave a Reply

Your email address will not be published.


*