USA Gas Dirhmun hi Chinmi nih theih a herh tuk hringhran!

MILL VALLEY, CALIFORNIA - MARCH 03: A customer pumps gas into his vehicle at a Chevron gas station on March 03, 2021 in Mill Valley, California. Gas prices have increased across the United States to a national average of $2.72 per gallon, an increase of 30 cents from one month ago. Gas in California has an average price of $3.68 per gallon, the highest in the nation. (Photo by Justin Sullivan/Getty Images)

USA Gas Dirhmun le An Harsatnak Ruang?
========
Moscow nih Ukraine a luhhnawh hnu in Russia gas cawk a duh ti lo mi ramdang tampi nih mizei sin in dah gas kan cawk lai, tiin an i dahphiah len lio ah US nih a kokek gas a chuahmi tumchuh lei a panh chin lengmang, ti asi. Kokek gas a chuahmi vawleicung ram vialte lakah US hi a chuahtambik ram a si. Asinain, 14-year high tluk hrawngin gas man ai hlirh ko bu ah, cu ti gas a chuahbiktu pahnih – Appalachian le West Texas pengkulh hna i gas an chuahnak an thazaang a khual a nuar ngaingai, ti a si. Pipeline an damhkhamnak kongah an derthawmtuk caah a si, tiah company pawl nih an thang an chiat ngaingai hna.

Feb. 24 i Moscow nih Ukraine a luhhnawh thok in khan Russia gas cawk a ngolmi Europe ram pawl nih vawleicung gas a chuahtambik US sinin gas cawk an i ruahchan len lio ah, US gas man hi 50% tluk sang in a rak i hlirh ve. Applalchia nih hin 2021 ah khan US gas vialte lakah 37% tluk a chuahpiak i, a tu hi a chuahnak thazaang a nuar ngai, ti a si. A ruangbik cu, Pennsylvania, Ohio le West Virginia pengkulh in a lenglei pi tiang company pawl nih pipe thar vun peh dingah harsatnak an ton caah a si, an ti.

Permian Shale hi US ram chungah gas an khonnak nganbik pahnihnak hmunhma a si i, heh tiah a khat in rawn an i tim. Asinain, nihin i gas an chuahnak thazaang a nuartuk ruangah hin, company pawl nih pipeline thar tuante i an bunh chom lo ah cun, Texas-New Mexico i gas chuahnak zong hi kumvui lei cun a hnumter chih te lai, tiah thiamsang hna nih an chim. 2021 ah khan Permian nih hin 19% tiang gas a chuahpi, ti a si.

Hi ti ning a si ko rih ah cun, 2022 chungah British thermal unit (mmBtu) ah $4.24 tiang a phan te lai i, cucu 8-year high a vung si te lai, tinak a si, tiah meitha lei thiamsang hna nih an chim. European economies nganbik nih Russia sin i nikhat lawng i gas an cawkmi a zat hi 18.3 billion (bcfd) a si. A tu dirhmun i nikhat chung i US nih ramdang a zorh khawh dingmi a gas zat cu LNG in 9.8 bcfd a si lai. Company tampi nih cun ramdang lei zuar khawhnak lam an kawl, asinain, duhning in LNG kuat khawhnak dingah cun hihnu kum 2 hngah hau dawh in an um, an ti.

Billion cubit feet hi US i million 5 inn ca i nikhat ca i ai zami gas a zat a si. A liamcia kum 10 lio ah khan cun, Appalachia hi US gas chuahnak kongah an rangtum bantuk in an i bochanmi a si i, 2010-2019 ah khan 36% tiang a chuahpiak khawh hna. Pipleline sernnak rian a khul a nuar, 2020 le 2021 chungah gas an chuahmi hi 4% tiang a tumchuk. A tunak tamdeuh in pipelines ser a si lo ah cun gas chuahnak a thangcho kho lai lo, tiah EQT Corp nih a chim.

Ready in lak khawhmi gas chuahnak kongah Appalachia hi a chambau (limit) a ngei cuahmah cang. Pipeline thar ser zokzok a si loah cun gas chuahnak thanchoter ding hi a lam a um ti lai lo, tiah Bank of America i mifim pawl nih an chim. Pipe a bunhtu company ngan taktak pakhat a si mi Atlantic Coast pipeline cu an duhherh a tamtuk caah ($6.0-$6.5 billion in $8 billion tiang) 2020 ah khan an rian an ngol, tiah theih a si.

Caan saupi chung delayed tuah cangmi Equitrans Midstream Corp nih ai ngeihmi $6.2 billion man Mountain Valley line zong cu West Virginia in Virginia tiang pipe a khingtu a si i, a tu hi tazacuai a ton caah a rian a tlinh kho ti lo ah a cang. “A tu i project a um kho men mi cu, Mississippi River in nichuahlei ah gas pipeline hei punh dingkhi a si hnga. Cu pipeline cu greenfield natural gas pipeline a si. Cu rian cu Mountain Valley nih 2023 ah khin ai awt te hnga,” tiah ClearView Energy Partners i mifim nih an chim.

Permain Shale hi US zinan field lakah a nganbik a si. Associated gas, tiin theihmi gas tor le cheng cu vawlei tangin a chuak. A hrim man hmanh hi barrel pakhat ah $100 tiang a phan. A tu i an hmanmi pipe pawl hmangin 2023 ah cu associated gas energy company tampi nih chuah khawh an i zum. 2021 i 8% tiang a gas chuahnak thazaang tum tiang dah ti lo kha cu, 2012-2020 tiang kha cu kum fatin 17% tiangin a gas chuahnak thazaang hi a kai.

A liamcia caan ah khan cun gas cotu pawl nih cu a chuekhat gas cu an rak khangh salam tawn. Asinain, kiangkap himnak caah le greenhouse i gas khuvai chuahmi zorter nak dingah, tiin cu ti gas khangh cu States kip nih an kham hna. Permian, Enterprise Products Partners, Kinder Morgan le Energy Transfer ah piple thar bunh dingin energy company tampi cu an lung a tho ngai, tiah theih a si. Credit: Chelsea Bawi

Be the first to comment

Leave a Reply

Your email address will not be published.


*