UWSA An i Sunghnak, Wa ramthen (state) serding an hal!

“UWSA An i Sunghnak”
=======
Wa ramthen (state) serding an hal. Mu-a-yah in hnatlaknak an ngah cu SAC he voi hnihnak an i ton ahkhan arak si cang, tuzarh i voithumnak an i tonmi kha thawngpang ngan ah a hun i cang than bia a si.

In strongman we trust ti phun hi politics ah a um lengmang. EAOs power zio an duh ca ah SAC nih UWSA, SSPP le TNAA pawl a ton bia kha a si. Mah phuthum hi CPB hrinsor an si ti cu SAC he aa tongmi anmah hruaitu pathum zoh in alang; 1989 lio CPB ralkap bawi an si hna, an ti. SAC bal nih cun 1990 luan kaa hrawng i an strategy pakhat EAOs le dothleng phu pawl kar ah thencheunak arak tuah khotu “divide and rule” kha hman a timh bia a si.

SAC nih British ralkap thong khat hmanh a tling lomi nih India milu million tampi a teinak “divide and rule” i a thil ti khawhnak cu a thei tuk ve ca ah a si. Power cu good strategy nih tthawng deuh in a ser ti cu SAC lawng a si lo, mi tampi theihmi a si. Phundang in SAC nih ram uk khawh a duh tuk ca ah EAOs cheukhat, a bik in NCA a thu lomi FPNCC chungtel pawl a ton hna khi a si.

Nain, Wa bal SAC he an i tonmi hi tam ngai a sung an ti. Wa state ser a duhmi cu SAC nih an i tlaihmi 2008 phunghram ning in pek a si ahcun; Wa state ah SAC nih political power 25% an co lai. Cucu nihin Wa dirhmun nakin a sung deuh.

Pahnihnak a sunghmi cu Myanmar rammi sin in trust a si. FPNCC chungtel pawl hi sii tha lo a tuahmi an tam ca ah democracy ram ser i, rule of law tang um khi an ttih ti a si. A tak ah, democracy ram pawl nih sanction an tuahmi lakah FPNCC hruaitu an tam ngai, kan theih ciomi a si. Cu bantuk dirhmun an ngeihmi an sinak kha tutan SAC he an i tonnak ah “hmanthlak bang” a hung lang.

1990 hrawng ahkhan KNU nih NDF ah UWSA, SSPP, TNAA te i an pu CBP luh a zalh lio ah an chimmi bia cu; CBP cu Communist an si, NDF ah kan um tti kho lo an rak ti. KIO bal cu resource an duh ca ah BCP in USWA tiang he ralkawi an si. China sin in indirect in bawmhnak an ngah. Nain, an hlawhtling kho ve rih lo.

A tlangpi in hei chim ahcun EAOs kar ahhin ideological conflict khi a um. Cucu SAC nih a theih cia ca ah a tthawngbik EAOs kha komh a zalh. A duh cun sanpuih zong a put te ko hna lai. UWSA card kha CBP card bantuk in hman a zalh khi a si ko cang.

Nain, Kawl sin in ralkap tthawng taktak a chuah sual ahcun SAC cu an lo bak ko lai. Cu ti a si ahcun UWSA zong sungzatlaknak kha a ton ve lai. Nihin ah PDF hi sing 2 fai an um lai ti a si. Cucu dothlennak teinak card a si te kho. Political strategy thlen thiam bal cu aherh hnga. (Ka hawipa rawl ei hngah pah ka hun tial sawhsawh). Credit: Chan Bik Ceu

Kawlram ah Elon Musk nih Starlink Bunh Dawh Asi Cang. Myanmar Democracy Activists/ ramchung mipi hna cu Min Aung Hlaing nih internet a duh tik caan poh ah aphih hna. Atu zong hmun tampi ah internet an hmang kho ti lo. MAH nih internet a phih ruangah ramchung mipi tamtuk harnak an tong, mipi hriamtlai zong harnak an tong.

Internet line, phone line a phih ruangah an duh poh in mipi cungah fahnak an pek hna, an thah hna, an hrem hna. Cu vialte thawngpang cu vawleicung mirumbik Elon Musk sinah National Unity Government’s communications minister U Htin Lin Aung nih achim.

National Unity Government’s communications minister U Htin Lin Aung nih Elon sinah nawlnak a tuahmi cu, zeikhom sisehlaw kanram mipi an temtuar tuk cang, kan harsatnak le ralhrang riantuannak vialte vawlei pi nih an hmuh khawhnak hna Starlink kan pe hram ve ko tiah a ti. Atu hi Elon nih Ukraine le Iran ah a tuah piak cuahmah lio hna asi.

Ukraine le Iran adih in Myanmar hi kan tuah piak ve tiah a nawl. Mah nawlnak hi tlamtlin dawh asi. Elon nih Starlink a kan pek ahcun mi vialte internet, phone line tibantuk ah harnak a tong ti lai lo pinah ralhrang thiltuah mi vialte cu fawi tein vawlei pi nih a theih khawh cang lai. Elon Musk nih a timi cu, “Myanmar mipi nan harsatnak kan hromhpi hna,” tiah a chim.

Relchap, N.Korea Cu S. Korea President Yoon Suk Yeol Nih Ralrin A Pek, N. Korea nih ngiarnak a tuahmi le aa hrocernak hi American le ṭangṭi ram hawikom hna nih ṭha tein kan sersiam lai i a phi kan kawl lai, tiah S. Korea president Yoon Suk Yeol nih nihin October 1 ah a chim.

May be an image of 2 people

N. Korea nih nuclear hriamnam a hman ahcun S. Korea le American nih fak bikmi dantatnak kan tuah lai, tiah ralrinnak a pek. Nihin October 1 “S. Korea Ralkap Ni” ni sunglawi cu S. Korea ram thlanglei ralkap headquater ah ah an tuah i, atu bantukin President Yoon Suk Yeol nih a chim hi a si.

May be an image of 2 people

N. Korea cu vawleicung ram tampi nih an soisel cuahmah ko bu ah nuclear hriamnam le Missile bomb serchuahnak le hneksaknak a tuah cuahmah rih ko, tiah S.Korea president nih cun a mawhchiat. Korea ram chungah a dikmi daihnak hmuhkhawhnak caah nuclear hriamnam hrawh ding hi N. Korea nih a tawlrel ding a si, tiah a chim.

May be an image of 2 people

Russia President Putin nih Ukraine ram hmun 4 cu Russia hmunram a si cang tiah a thanh mi kongah American le NATO nih an cohlang lo!! Moisku, Kremlin ah, Russia nih a lakmi Ukraine ram cu, kanmah ram a si cang tinak minsen thutnak puai cu, nizaan September 30 ah an tuah tiah theih a si. Cu puai ah cun, Russia nih a thimmi hruaitu hna nih, hi ram hmun 4 cu Russia hmunram a si cang tiah minthunhnak an ngeih.

Russia nih Ukraine ram hmun 4 a lakmi hna cu, Donetsk, Luhansk, Kherson le Zaporizhzhia hna an si. Putin nih Ukraine ram hmun 4 cu kan hnunram a si cang tiah a thanh hnuin Ukaraine cu seh thilri dollar 13 billion man bomh rih ding le Ukraine ram a latu Russia telhin, Russia lei ah a tangmi ram hna zong caan tlawmpal ah dan pek dingin American President Joe Biden nih cun a chim.

Ukraine Ram Thlanglei Ah Russia Nih Tualchung Mi Motor An Kah Caah Minung 23 An Nunnak A Liam, Ukraine ram thlanglei Zaporizhzhia hmunram ah har tongmi bawmhchanh dingin a kalmi motor cu, Russia ralkap nih rocket in an kah hna caah tualchung mi 23 an nunnak a liam, tiah Ukraine nawlngeitu hna nih an chim. Nizaan September 23 zinglei ah Ukraine ram Zaporizhzhia hmun khuapi ah kahdohnak a chuak ṭhan i minung 28 hliamhma an pu, an dihlak in civil mi lawngte an si, tiah theih a si.

Russia ralkap nih rocket in an kahmi motor chung ummi hna cu Russia nih an lak cangmi hmun ah har tongmi va bawmhchanh dingin a kalmi mi bawmchantu an si, tiah theih a si. Cu kahdohnak cu Russia nih kanmah kan si lo, Ukraine ralkap an si, tiah an puh hna.

Russia President Vladimir Putin nih, Ukraine ram chung ah zeimawzat hmunhma an lak cangmi hna cu Russia ram he i fonh ding in biachimnak a ngeih lai ah Russia ralkap nih atu bantukin Ukraine rammi 23 an kah thah hna hi a si. Ukraine ram chung ummi Zaporizhzhia le Kherson khua hna cu Russia President Vladimir Putin nih September 29 ah zalong tein um khawhnak nawl a pek cang hna, tiah theih a si.

Laung She Pengah SAC Ralkap Bomb Puahhnawh An Tong I Ralkap 2 An Thi, Magway ramṭhen, Laung She(လောင်းရှည်) peng Setutayar-Laungshi(စေတုတ္တရာ) lam cungah rallam a sialmi SAC ralkap pawl cu, bomb puahhnawh an ton caah ralkap 2 an thi, tiah Laung She Region People’s Defence Force nih an thanh. Nizaan September 30 zing sml 10:30 ah motor 1, cycle 7 le SAC ralkap 30 leng cu, bomb lung 8 in an puahhnawh hna. SAC ralkap cu Setutayar in a kalmi an si i, Kah Pah Sah 25 ralkap sakhan in a chuakmi an si, tiah theih a si.

“Kah Pah Sah 25 in a chuakmi SAC ralkap motor 1, cycle 7 le ralkap 30 leng cu, bomb lung 8 in kan puahhnawh hna caah motor cu kal kho ti loin a dir. Cuka ahcun kaphnih kar kahdohnak a chuak i, hriamngan in an kan kah ko nain kanmah lei a thimi le aa hliammi um lo tein hnu kan kir kho,” tiah Laung She Region People’s Defence Force in ṭuanvo ngeitu pakhat nih a chim. SAC ralkap pawl cu Laung She khua chungah lut an lut kho ti lo i, motor pakhat nih a rak don hna. Kut le ke a kiakmi SAC ralkap pawl tu cu mizaw phorhnak motor nih a rak don hna, tiah theih a si.

Sagaing Peng Sataung(ဆားတောင်) Palik Sakhan Cu PDF Nih An Kah Caah Palik 4 An Thah Hna, Sagaing ramṭhen, Sagaing peng Shwe Bo-Mandalay lam cung um Sataung(ဆားတောင်) palik sakhan cu, nihin October 1 zinglei ah kan kah i palik 4 an thi, tiah PAFD nih cathanh an chuah. Nihin zing sml 5:30 hrawng ah Sataung khua um palik sakhan cu, PDF ṭangṭi phu hna nih 40mm le meithal in an kah caah palik 4 an thih hi a si.

Sataung palik sakhan cu Sagaing peng Shwe Bo pengkomh Walet ramri ah a ummi a si. Atu kar hrawng cu PDF nih Shwe Bo-Mandalay lampi cu caan karlak chung an kham caah mi tlung kal an um lo, tiah tualchung mi hna nih an chim. Sataung palik sakhan kahdohnak ah People’s Army To Fight Dictatorship(PAFD) Companny DK PDF(MMU)၊ People’s knight Defense Force Myinmu (PKDF-MMU)၊ TAUNGTHA People Defense Force (TTAPDF)၊ D.B.B.F-MMU / Phoenix(SGG) hna i bawm in an kah, tiah theih a si.

Monywa Sipuazi Bank (စီးပွါးရေးဘဏ်) Ah A Ummi SAC Ralkap Kahdoh An Tong, 6 An Thi!!, Sagaing ramthen, Monywa sipuazi bank(စီးပွါးရေးဘဏ်) ah security a hngakmi SAC ralkap hna cu, Chindwin Attack Forcenih an kahdoh hna i SAC ralkap 6 an thi tiah Chindwin Attack Force nih an thanh. SAC ralkap hna hi zeitik dah an i thlahdorh bik caan a si ti cu tha tein kan i ngait i, cuti an daithlan lio ah kan kah hna tiah Chindwin Attack Force in ralkap pakhat nih a chim.
Cu kahdohnak cu, Monywa People, Defense Force Bataillon 2,3,4 nih an tuahmi a si.

Tachileik-Kyaingtone(ကျိုင်းတုံ) Motor Lampi Ah Motor Pakhat Horkuang Ah A Tlak Caah Minung 4 An Thi, 2 Hliamhma An Pu, Shan ramkulh, nichuah lei Tachileik pengkonh, Nayawng(နားယောင်း) khuakomh Pakha Nwe(ပါးခါးနွဲ့) khua pawng Kyaingtone-Tachileik motor lam kam horkuang ah civil motor pakhat cu, nihin October 1 zinglei ah a tla i, ngakchia 1 telh in minung 3 an nunnak a liam, tiah theih a si.

“Nihin zing sml 6:00 hrawngah minung 6 phortu Vigo motor pakhat cu Nanma(နမ်းမ) horkuang ah a tla. Motor khaltu nih rang tuk in a khalh caah horkuang chung a tlak hi a si. Ngakchia 1 le upa 3 an nunnak a liam i, minung 2 hliamhma an pu,” tiah mi bawmchantu pakhat nih a chim. Tachileik-Kyaingtone kar lam hi tlangcung motor lam a si pinah nawncek a tam i lam a nal ngaingai ko nain horkuang ah motor a tla i, a thimi hi cu an um bal hraw rih lo, atu hi a voikhatnak a si, tiah tualchung mi hna nih an chiim.

Be the first to comment

Leave a Reply

Your email address will not be published.


*