Vanlawng in doh kan si tikah, Pathian pek mi kan Tiram um hlah sehlaw, ral tei cu chimh lo!

Ukraine Russia Ral le Paucan Dohthlennak Cuaithlai Nak!
=======
22.12.2022 ah khan Ukraine Tamada pa Pu Zelenskyy cu USA a va tlawn hna. Pu Biden a tawn. Senate le Congress fonh in Biatawi chimhnak roling a ngei. American ah a larbik mi pa asi tiah Pu Biden nih a ti. USA Magazine Time nih Pekmi Man Of Tha Year 2022 cotu Zelenskyy asi. Never Surrender, Victory with American People pa hnih hi Pu Zelenskyy bia roling a chim mi cu asi. American mipi thawng in Russia ral ka tei hlan tiang ka doh lai a ti hna.

Senators le Congress nih pu Biden nak in an tlaihchan deuh rua ti tiang in an cawnglawmh. Bia a chimh mi le kut beng thawng aa zat ko. Russia le Ukraine dohnak ah bawmhtu hi ram 40 leng an si. NATO ram nih an bawmh dih ngawt. NATO kan ti nain USA hi a bawmh bik mi asi. NATO hriamnam 70% cu USA ta asi. NATO in USA hi aa phuah ahcun Cyber le Media in raldohnak an tawn lai caah NATO ah a um zungzal nak hi asi.

Russia, Iran, N. Korea, Tuluk cu USA ral ngan bik an si caah, USA nih Ukraine a dirhkam hi asi. Soviet Union cu 1992 ah ram 15 in aa ṭhen mi ah Ukraine cu Ram pakhat asi. Nuclear hi 5000 leng a ngei. 1994 ah Budapest Biakamnak in Nuclear cu Ukraine nih an hrawk. NPT phu ah a lut (Treaty on the Non-Proliferation of Nuclear Weapons). Nuclear a ngeih mi cazin cu USA 5428: Russia 5977: China 350: France 290: UK 225: Pakistan 165: India 160: Israel 90: N. Korea 20: Ukraine nih Nuclear hi hrawk hlah sehlaw, Superpower 3nk asi lai.

Ukraine dohtu cu USA, Russia, UK, France nih kan tuk hna lai tiah Budapest Biakamnak cu asi. Russia nih a biakam let in 2014 ah Ukraine ram Crimea cu an lak. NATO ah lut naa timh tiah, March 2021 ah Russia nih Ukraine an tuk ṭhan. Suimilam 40 ah Ukraine ka lak lai tiah Putin nih a ti nain, tucu Ukraine tu nih an tei hna. Russia Ralkap Nuai 1 leng an thah cang hna. Ukraine nih Russia Hriamnam an hrawk mi cazin: Tanks 3005; Combat Armored Machines (APV)V 5986. Miakpi 1984. Rockets kahnak MLRS 414.

Vanlawng kahnak 212. Vanlawng 283. Helicopters 267. Drones (UAV operational) 1698 (+5), Cruise missiles 653. Tilawng 16. Ralkap motors 4622. Special equipment 178. Ral an sung caah Putin nih PEACE a duh nain, Ukraine nih Crimea kan lak hlan tiang ka doh hna lai an ti. Putin zam aa timh a timi Media zong an um pah len. American, EU, UK, France, Germany le USA hawikom hna ram 40 bawmhnak thawng in Ukraine nih Russia ral an tei lio hi asi.

USA bawmhnak lawng in a tlawmbik USD 50 Billion leng asi. EU bawmhnak USD 30 billion le ram 40 bawmhnak he cun USD 100 billion leng asi. 2022 kum American Humhimnak budget hi USD 831 Billion asi. NDAA bawmhnak 400 million hi USA Security Budget he cuaithlai ahcun let 2000 in a tlawm. Hriamnam asilomi bawmhnak cu NUG EAOs PDF LDF CDF ka bawmh hna lai tiah NDAA nih a ti. NUG sin ah tam deuh cu a kal te lai. Chinram caah 10 million, CNA CDF caah 10 million tal kan co khawh ve hnga maw.

NDAA hi NUT kut ah pek asi ahcun: NUG um tuning kan zoh tikah CHINRAM le CNA CDF caah hman awk a um lem lailo. USA ummi Chin Upa hna thawng in NDAA hi aum tiah Vawleipi Media nih an ti mi cu va si kaw, NDAA bawmhnak kongah siseh, Ukraine bang in USA nih an kan bawmhnak dingah siseh, USA ummi CHIN Hruaitu hna nih nan kan kuri a herh ko.

Pauceh le meithal I za lo buin, Kuan semrel buin Ralhrang kan doh nain Ka tiram le Pathian thawng in kan him I, ral kan tei lio asi. Ramdang um CHINMI thawh mi hi maw NUG nih aa rinh zungzal ko lai. Vanlawng in doh kan si tikah, Pathian pek mi kan Tiram um hlah sehlaw, ral tei cu chimh lo, Pumpak le mipi himnak aum lem lo. Phuntungtu Ramdang um CHINMI thawng in Nihin tiang Ral kan dirh onh khawh hi asi. Chinram le CNA CDF hrang ah NUG kutneh hmuh kan duh ve hrinhran ko.

Ralhrang MAH Tazacuai Tu Argentina Kan Ṭanh Lo Ah. Messi Pumpululh Celh a thiam tuk ruang lawng ah asi lo. Kawlmi le Vawleipi nih kan tei khawh lo mi le kan thah khawh lo mi MAH le Rallokap Bawizik rual Tazacuai tu Ram, Argentina an si caah kan tanh awk hna asi. Tutan World Cup ah Messi team Argentina a ṭanh lo mi vialte cu: Dalaan Degree pek tlak nan si ko lai.

Piangthar a tlaihchan tuk mi nih Argentina le Latin America hi kan tlaihchan hna awk asi. Latin America le Argentina cu Ralhrang dohnak caah Krifa nih meithal kan tlaih awk asi, Raldohnak caah Krifa nih Phaisa kan thawh awk asi a ti mi an si. Cucaah ka tlaihchan khun hna. Krifa min in Ralhrang doh le Krifa nih Raldohnak caah Phaisa thawh hi Liberation Theology ti asi. Liberation timi cu zalon cikcek tinak asi.

Cucaah CBCUSA nih Pau Dohthlennak caah Phaisa an thawh, hriamnam an cawk mi hi Liberation Theology ning in cun a dik mi asi. A palh khawh lomi asi. France Pumpululh chuih tu kha Muslim an tam deuh khah. Crusade a uar tuk mi nih Thazang pek ding an si lo. Crusade timi sullam cu Muslim cihmih uh tinak asi. Ni 5 ni rawlulh thlacam nak a muru le a hramthawk nak cu: Muslim biaknak rawk cikcek seh tinak asi. Muslim zarhpi ni cu Ni 5 ni hi asi.

Kawlte nih kum 80 deng Tlangcungmi an kan thahnawnnak kong zong Argentina ah Tazacuai chih asi. NUG nih MAH le Ralhrang Bawizik rual tazacuainak zong Argentina ah asi te lai. Kan Pi Suu nih ICJ ah aa palh cang caah NUG nih ICJ ah MAH Tazacuai awk ah aa lak lawh cang. ICJ ah MAH te Tazacuai cu a dik mi asi tiah NUG nih an ti lehlam cang. Cucaah NUG nih Indonesia tu ah MAH hi taza an cuai te lai.

Fa le Palhnak le sualnak man kha Nu le pa nih intuar tawn asi nain, NUG nih Nu le Pa sualnak le Palhnak theipar tu kha ICJ ah a intuar cuahmah lio asi ve. Argentina le Indonesia Tazacuai hnu ah UNSC kut ah aphan te lai. UNSC nih ICC kut ah nawl an pek ahcun MAH te cu Warrant in tlai khawh asi cang. A hrial ah cun ahmun ah ril ko in thah khawh i MAH asi cang lai. Keimah LAI Pasal (CHIN Pasal) aa ti ve mi nih cun Argentina nu kan ṭhit awk asi ko. Vui rang hmanh manh ding an si ko. Lainu nakin an zai tlawm deuh kho ko.

Messi a kum a upa cang, hmai lei ah Pumpululh chuih khawh ti ding asi lo caah FIFA cu Messi nih I tlun pi seh ti ka duh caah Argentina ka ṭanh hna ti cu adik deuh lo. MAH le Rallokap Bawizik rual Tazacuai tu le hri thlai tu ding mi Argentina an si caa tu ah kan ṭanh dueh hna awk asi. Ralhrang Rallokap thluk cikcek a duh mi Krifabu vialte nih Krifabu Phaisa cu Paucan Dohthlennak ah kan pek awk asi ko. Pau Dohthlennak hi, Kanram damnak le luatnak ca lawng ah asi lo. KRIH le Krifabu caah Dohthlennak tuah chih asi ko ti hi hngalh ahcun aza. Credit: Saya H. Rung Kaw

Be the first to comment

Leave a Reply

Your email address will not be published.


*