Very Very Good News: CDF/CNA caah US $6 millions a chuak cang!

Very Very Good News: CDF/CNA caah US $6 millions a chuak cang!
========
CBCUSA hruainak in CDF Supporting Committee nih Fund raising an tuahmi cu nikhat hnu nikhat in tlam a tling chin lengmang. Nihin ni tiang thawngpang kan theihning ahcun Khua 36 nih an thawh cang i, US dollas 4 millions a chuak cang i, a dangdang he cu US dollars 6 millions a phan cang, tiah thawngpang tha tuk theih a si.

Nihin June 25, 2022 (Saturday) tiangah CDF/CNA caah a khua in khua 36 nih an thawhmi dihlak cu US $4 millions a si cang, tiah thawngpang tha tuk theih a si. Cun Khrihfabu, a phu in le pumpak in an pekmi he fonh ahcun US $6 millions a si cang. Khua tampi nih thawh dingin an i timh cuahmah lio a si rih. Credit: Pu Vanceuuk Khenglawt, Secretary, CDF Supporting Committee, CBCUSA.

Laimi kan felnak hi phundang ngai a si tawn. I funtom ttha kan ti cio , i fun ah fun ning phun zong a sen, anak, muici rong an karh lulh.

CJDC ah aa fun cia nih fun nolh, nolh chin tuah hi ttha te ruah le zoh tikah MAL ralhrang dohnak ah tiin kan chim ko lai nain a si nemman lo, ruah hrup ngeih nak in a chuakmi a si ko caah theihtlei ah ka ruah lem lonak cu, Zeitikah dah an nihte phu ti in an chuahpi lai le dirhte hnga tikha ka rak zoh le ruah cia mi asi.

Tuhnu kum 4/5 kan kal ahcun,an nih te chungkhar le khar hna cu,alliance an tuah ti zong a va chuak te kho men. Kum 9/10 a rauh cun,Innchak pa le Inn thlang pa alliance an tuah, kum 14/15 arauh cun, khika pahmei pa le nuhmei nu
allince an tuah tiah a rak lang rih te men lai. Mah hmaanthlak hi hmundang cio in an zoh caah pakhat nih”M” pakhat nih “W” le pakhat nih 3 tiin an i el,hmunkhat te ah dir in zoh hna sehlaw pakhat in an hmuh hnga cumu.

Meeting le Alliance tuah in ralhrang tei sisehlaw Chin state nih kawlram chungah kan tei hmasa bik hnga dah. CNF upa lutlai chungin mah btk ruahnak pek le kalpi tu hna an um sual maw/ an itel maw,hlat i an itel sual cun, an feeling nak hmunah bochuk hmukyi rank va tlai ter hna ulaw kan Chinland adam rang deuh lai.

Auto meithal hi, Lai meithal btk a silo,khua caah auto meithal nan zalh piakmi hna khi atthami alo,nain attha thlu lo,nan khua caah auto meithal na cawkpiak hna zong si le , nawlngei tu pakhat sinah mah meithal kongah pehtlaihnak felfai tein tuah ding si.

Na khua caah meithal na cawkpiak mi nih na khua muichiat ter tu le mitthli tlaknak a chuahter khawh ti ruat bu in.Na khua caah auto meithal na cawk tikah adonghnak nawlngei tu cu mah meithal aa putmi kha a si tikah,elaw elaw!! ti fawite.

Zeiti lei hoih poh in auto meithal ahman zongah ho nih dah tlangtlak khawh lai,ziah Lai meithal asilo cuta. Kum 70 hriam aa rianh le khon cangmi ralhrang hi hnahcang kung btk in a nemmi ah ruah lo biapi, na khua le tlang caah sui hriamnam hmanh cawk piak hna law, sakhi phawkauh hmanh ram an la lai lo. Chinmi kan ifunnak 75% ah hin ifun cio usih, mah cu hmual angei dingmi a si.

Na khua le tlang caah $ zeizat hmanh hmang ulaw, ralhrang 30 hmanh kan kham kho hlei lai lo; Chim duhmi cu kan dihlak 100% kan silo hmanhah 75% tal ah ifun hau. Kan thazaang le chawva hi i tthekdarh dih hlah seh, buhmukyi le beohahmu tam kha teinak phortu a si hlei lo. A pengchung tal ah hin ifun khawh ah cun attha cem ko hnga. Credit: Salai William HC

CNA hi khuakip cio nih dirhkamh caan a cu. CNA hi a derthawm tuk. Kan khua putar pa nihcun kan nih vokfa cu a kheng an um, kheng chin an um a ti. A chim duhmi cu vokpi farual an nei. An vokfa ah khan a thang kho lomi vokfa an um i, culakahcun a fa chinchinmi a thang kho bak lomi kha an um i cucu a chim duhmi cu si. Vok fa kheng cu a thang kho lomi ” a kheng” ti kha asi ko.

Cuvebang CNA zong hi kum 20 renglo a dir cang le hriamtlai vialte lakah a derthawm cem, a thang kho lo cem, vokte kheng bantuk asi. Cucu a ruang tampi lakah pakhat cu kan miphun kan sifah caah asi kho. Miphun ah kan lung ai rual lo ca zong ah asi kho ko. Sihmanhsehlaw tutan miphun nih kan tonmi zok tikah kan lohma domh ning thlen a haumi a um hlah maw ti ruah a phu. Cucu zeidang siloin Funding or Tax ( ngunkhuai ) kholhning hi asi.

Punghman tein CNA ah Ngunkhuai ( Tax ) ramleng in peknak dingah a tha cemmi in cuhlan vialte khuakhan lairel asi, upate hna zong nih fak pi in retheih khinh in an tawlrel, an tuan konain ruahning tlukin hma a kal loh. Mipi kan santlaih caah asikho ko. Tutan belte cu CBCUSA nih kan ralkap caah hriamhrei zalh heih a hauh ne hi tiah tlang an au. Ruahnak leng in a chuak ti ko uhsih. Tax Holder asilomi buu ahcun $ tambik a chuahpi khotu hmanh asi lai, cucu pumpak pakhat cio mih miphun zawnruah ruangah khan asi ko.

Hi thil zoh tikah CNA hi kum fatin in khuakip nih funding pe kho uhsihlaw a thazaang a thawng kho peng ko hnga dah. Tahchunhnak ah, Phun Dirh te khua hi inn seizatdah ramtha ramthumnak ah an um ti kha CNA nih data la kho seh. Phun Dirh te khuabawi kha CNA nih direct in pehtlai seh. Cuticun CNA nih Phun Dirh te khua kha nan nih khua hi ramthumnak ummi inn cu zat nan si caah kum fatin ram le miphun caah $ cu zat na chuahpi lai ti sehlaw Phun Dirh te khuabawi nih an khuapi a kholh hna lai.

Phun Dirh te khuabawi nih a kholhmi hna $ kha CNA ah direct in pe ko seh. Chim duhmi cu Phun Dirh te khuabawipa le CNA direct in an pehtlaihmi nih khan rian a tuan khawh deuh lai, hma a kal deuh hrimhrim lai ti hi zumh a um. Hlan lio Lai khua kan um lio zong ah CNA nih ei har cingling ah Home Tax van pe uh an ti tawn. Kan nule ka pa nih facang a kung zuar in Home Tax an pek tawn. Inn khat hmanh bau lo in. Kha bantukin ramthumnak um an khua cio kha CNA nih Home Tax phun in a tuk, a kholh ahcun $ hi caan hman tein a chuak kho hmanh maw ti te khi.

Khuakip cio nih cu ti in CNA dirhkamh asi ko ahcun a kheng an um, kheng chin an um ti kha a um ti lai loh. Khuakip cio nih CNA dirhkamh caan a cu. Note: Aho pumpak le buu hmanh hnursuan duhmi ka nei loh. Credit: Chan Khar

Be the first to comment

Leave a Reply

Your email address will not be published.


*