YANGON AH TUAH BAL LOMI LAIMI KHEMHPING KAI SAWMNAK By: Rev.Dr. Aung Myint Thang

YANGON AH TUAH BAL LOMI LAIMI KHEMHPING KAI SAWMNAK

Yangon khua hi Bible lei ah cawnnak sangsang kan mifim an tamnak khua asi. Laimi nih Yangon i kan tuahmi Biblle siangin lawng hi 120 hrawng an um. Hngakchia zohkhenhnak zong hi 400 renglo cu an umnak khua asi.

Asinain, Yangon Laimi kan tuanbia ah Yangon i crusade le khemhping tuah hi kan thei bal lo. Cuti asi caah, hrinthannak nun ngei lo in Sunday ni ah ai pum ve sawhsawh i a hna a ngam menmi hi mi tam deuh cu an si.

Cucaah, Yangon Laimi ihawikomhnak bu (Yangon Lai Christian Fellowship) nih April 11-17, 2022 tiang khi khemping tuah ai tim. Cawnpiaktu ding ca zongah Pathian nih caan saupi a hman cangmi hna Rev. Dr. Gordon Za Thio le Rev. Dr. Abraham Ngun Mang hna cu thim an si. Ahmun cu Rev. Aung Myint Thang ia umnak dum chung ah tuah ding in hnatlaak asi.

Cu asi caah, hi caan lio te ahhin na caan sunglawi nangmah khamh hmuhnak ding caah na peek hrĂ­mhrim i hi khemhping ahhin na rak luh ve i Khrih khamhnak cu na tinco ve nakhnga dawtnak he kan i sawm. Min peeknak ding hmun hna cu atanglei hna hi an si i pakhat sin poh ah ahlankan in min nan peek cia khawh ko.

1. Rev. Dr. Peter Ngun Za Cung 2. Rev. Fr. Dr. Thawng Tha Thang 3. Rev. Biak Hnin (YLBC) 4. Sayamah Sung Zi Mang 5. Rev. Kep Lian Thang 6. Rev. Ceu Lian Thang (Church of Jesus Christ) 7. Rev. Dr. Herbert Tum Ceu 8. Evan. Ram Taang 9. Rev. Dr. Angela Tan Tan 10. Rev. Dr. Johny Thawng Hup 11. Rev. Neih Chum 12. Rev. Dr. Paul Ceu 13. Rev. Dr. Paul Za Tlung Lian 14. Rev. Thla Uk (LBC) 15. Rev. Aung Myint Thang 16. Dr. Hrang Kham 17. Rev. Tial Hei (COTR), 18. Rev. Van Pum 19. Rev. Dr. Sang Dun (20) Rev. Khamh Cung Nung hna an si.

Luh-man hi: 10,000 kyats asi lai. Aherhmi hna cu pher, khiangthawng, chantling le mah eidinnak ding kheng, darkeu an si lai. Hi thlarau tlau tlaihnak khemhping a tlamtlin khawh nakhnga a lam kip in rak kan dirpi cio ding in le rak kan tlangtlaak cio ding in Jesuh min in kan in sawm dih hna.

Cun, thlacam lei le chuankhin lei ah pum ai pee khomi kan um ahcun thawng rak kan thanh uh. kan in herh tuk hna.

Kan hmunhma hi ai teet deuh caah minung 200 vial lawng hi luh kan timh hna caah min a pem hmasa mi poh luh hmasa an si lai caah tuan in min nan rak i peek chung cio nak lai kan in sawm fawn hna.

Hi camping caah phaisa in 5,000,000 Kyats (Ting sawm nga) kan herh i Bawipa ram ca i nan i tel i vancung ah thluachuah zong nan in khawn cio nakhnga zong kan in fawrh chih fawn hna. Phaisa in bawmh a kan duhmi nan um ahcun Rev. Ceu Lian Thang, Sayamah Sung Zi Mang le Rev. Neih Chum sinah K-Pay in siseh, Mobile banking in siseh, cash in siseh peek khawh asi.

Khrihfabu thleidannak um lo in Pathian ram ca i kan cawlcanghmi hi Jesuh nih a lawmhmi asi khun.

Khrih le a ram caah ti in

YLCF Comittee Yangon

Credit: Aung Myint Thang

Be the first to comment

Leave a Reply

Your email address will not be published.


*